378 ދުވަސް ފަހުން ކިއޭސާގެ ގޯލެއް

Jan 20, 2023, 8:19 AM
ރޭގެ މެޗުގައި ގޯލު ޖެހުމަށް ފަހު ކިއޭސާ އުފާފާޅުކުރަނީ.

ރޭގެ މެޗުގައި ގޯލު ޖެހުމަށް ފަހު ކިއޭސާ އުފާފާޅުކުރަނީ.

ޓިއުރިން (ޖެނުއަރީ 20) - އިޓާލިއަން ކަޕްގެ ގަދަ 16 ބުރުގައި ރޭ މޮންޒާ އަތުން 2-1 އިން ޔުވެންޓަސް މޮޅުވި މެޗުގައި އެ ޓީމުގެ ވިންގް، ފެޑެރީކޯ ކިއޭސާ ޖެހި ލަނޑަކީ ފާއިތުވި 378 ދުވަސް ތެރޭ އޭނާ ޖެހި ފުރަތަމަ ގޯލެެވެ.

އިޓަލީ ގައުމީ ޓީމުގެ ވެސް މުހިންމު ކުޅުންތެރިއެއް ކަމަށްވާ ކިއޭސާ ރޭގެ މެޗުގެ ކުރިން އެންމެ ފަހުން ގޯލެއް ޖެހީ މިދިޔަ އަހަރުގެ ޖެނުއަރީ މަހުގެ ހަ ވަނަ ދުވަހު އެެވެ. އޭގެ ފަހުން، ކަކުލުގެ ސީރިއަސް އަނިޔާއަކާ ހެދި ކިއޭސާ ވަނީ އޮޕަރޭޝަނެއް ކުރަން ޖެހި ކުޅުމާ ދުރަށް ގޮސްފަ އެވެ. އޭނާ އަލުން ކުޅުމަށް އެނބުރި އައީ މިދިޔަ ނޮވެމްބަރު މަހު ތެރޭގަ އެވެ.

ރޭގެ މެޗުގެ 60 ވަނަ މިނިޓްގައި ކިއޭސާ ކުޅެން އެރިއިރު، ދެ ޓީމު އޮތީ 1-1 އިން އެއްވަރުވެފަ އެވެ. އޭނާ ވަނީ 78 ވަނަ މިނިޓްގައި ގޯލު ޖަހައި، ޔުވެންޓަސް މޮޅުކޮށްދީ މުބާރާތުގެ ކުއާޓާ ފައިނަލުން އެ ޓީމަށް ފުރުސަތު ހޯދައިދީފަ އެވެ.

ޔުވެންޓަސް ދަނޑުގައި ރޭ ކުޅުނު މެޗުގެ އަށް ވަނަ މިނިޓްގައި އެ ޓީމުން ލީޑުނެގީ މޮއިސް ކީން ޖެހި ގޯލުންނެވެ. މިއީ، ޔުވެންޓަސްގެ ވެސްޓަން މެކްކެނީ ނެގިހުރަހަކަށް އޭރިއާތެރެއިން ހުސްކޮށް އަރައި، ކީން ބޮލުން ޖެހި ގޯލެކެވެ.

މެޗުގެ 24 ވަނަ މިނިޓްގައި މޮންޒާ އަށް އެއްވަރުކޮށްދިނީ މަޓިއާ ވަލޯޓީ ޖެހި ގޯލުންނެވެ. އަންޑްރެއާ ކޮލްޕާނީ ނެގި ކޯނަރަކަށް އަރައި، ވަލޯޓީ ބޮލުން ފޮނުވާލި ބޯޅަ އަމާޒުވީ ގޯލުގެ މަތީ ދާގަނޑަށެވެ.

ޔުވެންޓަސް މޮޅުކޮށްދިން ގޯލު ކިއޭސާ ކާމިޔާބުކުރިއިރު، މިއީ އިންޑިވިޖުއަލީ މޮޅު ގޯލެކެވެ. އަރިމަތިން ކިއޭސާ އަށް ލިބުނު ބޯޅަ ހިފައިގެން، މޮންޒާ ދެ ކުޅުންތެރިން ކައިރިން ދެމިގަތުމަށް ފަހު، އޭރިއާތެރެއިން ގޯލުގެ ދުރު ކަނަށް ކިއޭސާ ބޯޅަ އަމާޒުކޮށްލިއިރު، މޮންޒާ ކީޕަރު، އަލެސިއޯ ކްރާންޔޯ އަށް އެ ހުއްޓުވަން މާ ބޮޑު ކަމެއް ނުކުރެވުނެވެ.

އިޓާލިއަން ކަޕްގެ ކުއާޓާ ފައިނަލުގައި ޔުވެންޓަސް ކުޅޭނީ ލާޒިއޯއާ އެވެ. ގަދަ 16 ބުރުގައި ލާޒިއޯ އިން ވަނީ ބޮލޯނިއާ އަތުން 1-0 އިން މޮޅުވެފަ އެވެ. މެޗުގެ ހަމައެކަނި ގޯލު ޖެހީ ލާޒިއޯގެ ބްރެޒިލް ވިންގް، ފިލީޕޭ އެންޑަސަން އެވެ. މި މެޗު ފެށުމުގެ ކުރިން ވަނީ ކެންސަރު ބަލީގައި ދާދި ފަހުން މަރުވި ބޮލޯނިއާގެ ކުރީގެ ކޯޗު، ސިނީސާ މިހަލޮވިޗްގެ ހަނދާނުގައި ގިނަ ކަންތައްތަކެއް ކޮށްފަ އެވެ. ކުޅުމުގެ ކެރިއަރުގައި މިހަލޮވިޗް ވަނީ ލާޒިއޯއާ އެކު ގިނަ ކާމިޔާބީތަކެއް ހޯދައިފަ އެވެ.

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox