ތިން ރަށެއްގައި ކުންޏާއި ވަސީލަތް މެނޭޖުކުރާ މަރުކަޒު ގާއިމްކުރުމުގެ އެއްބަސްވުމުގައި މިއަދު ސޮއިކޮށްފި އެވެ.
އެންވަޔަރަމަންޓް މިނިސްޓްރީގައި މިއަދު ބޭއްވި ހާއްސަ ރަސްމިއްޔާތެއްގައި، ސޮއިކޮށްފައި ވަނީ ތ.ކިނބިދޫ، ލ.ދަނބިދޫ، މ.މުލަކުގައި ކުނި މެނޭޖުކުރާ މަރުކަޒުތައް އެޅުމަށެވެ. މި މަސައްކަތް ހަވާލުކޮށްފައިވަނީ ލައިކޯ ކޮންސްޓްރަކްޝަން ކޮންޕެނީ ޕްރައިވެޓް ލިމިޓެޑާ އެވެ.
މި ރަސްމިއްޔާތުަގައި މިނިސްޓްރީގެ ފަރާތުން ސޮއިކޮރެއްވީ ޑެޕިއުޓީ މިނިސްޓަރު މުހައްމަދު އަންސާރު އެވެ. ލައިކް ކޮންސްޓްރަކްޝަންގެ ފަރާތުން ސޮއިކުރެއްވީ އެ ކުންފުނީގެ ޕްރޮޖެކްޓް މެނޭޖަރު އަލީ ރަމީޒެވެ.
ހަ މަސް ދުވަހުގެ ތެރޭގައި ނިންމައި ހަވާލުކުރާ ގޮތަށް މި މަސައްކަތް ހަވާލުކޮށްފައިވަނީ 11.6 މިލިއަން ރުފިޔާއަށެވެ.
އެ މަޝްރޫއުތައް ނިމުމުން، މ.ދިއްގަރު ކުންޏާއި ވަސީލަތް މެނޭޖުކުރާ މަރުކަޒުގައި ކުނި ވަކިކޮށް، އަލުން ބޭނުން ހިފޭ ކުނި ރައްކާކޮށް، އަދި ނައްތާ ނުލެވޭ ޒާތުގެ ކުނި ކަނޑައެޅިފައިވާ ސަރަހައްދީ ކުނި މެނޭޖުކުރާ މަރުކަޒަކަށް ގެންދިއުމަށް މަގުފަހި ވެގެންދާނެ ކަމަށް މިނިސްޓްރީން މައުލޫމާތުދެ އެވެ.
މީގެ އިތުރުން ކުނި މެނޭޖުކުރާ މަރުކަޒުތައް ހަދާ ރަށްރަށުގައި ކުނި އެންދުމާއި، ކުނި މާ ގިނައިން ރަށުގައި ޖަމާވެ ދިމާވާ މައްސަލަތަކަށް ހައްލު ލިބި، ސިއްހަތަށާއި ތިމާވެއްޓަށް ގިނަ ފައިދާތަކެއް ލިބި އިގުތިސާދަށް ވެސް ލިބޭ ވަރަށް ބޮޑު ކުރިއެރުމަކަށް ވެގެންދާނެ ކަމަށް މިނިސްޓްރީން ބުނެ އެވެ.
މި ދެ މަޝްރޫއު ކުރިއަށް ގެންދަނީ މިނިސްޓްރީން ޒޯން 2، 4، އަދި 5 ތަންފީޒުކުރަމުންދާ މޯލްޑިވްސް ކްލީން އެންވަޔަރަމްނެޓް ޕްރޮޖެކްޓް މެދުވެރިކޮށް ވޯލްޑް ބޭންކުގެ ހިލޭ އެހީގެ ދަށުންންވެ.
