މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ކ. ގިރިފުށީގައި ކުރިއަށް ގެންދާ އަސްކަރީ ތަމްރީނުތަކެއްގައި ވައިގެ ސަރަހައްދު ބޭނުންކުރުމަށް ހަމަޖެހިފައިވާތީ ސަމާލުވާން އެދިއްޖެ އެވެ.
މާދަމާ އިން ފެށިގެން މި މަހުގެ 28 ވަނަ ދުވަހާ ހަމައަށް ކުރިއަށްދާ މި ތަމްރީނުތައް ކުރިއަށް ދާނީ ކޮންމެ ދުވަހެއްގެ 18:30 އިން 22:00 އާ ހަމައަށެވެ.
މި ތަމްރީނުތަކުގައި ސިފައިން ބޭނުން ކުރާނީ AK103/ARM52T މަރުކާގެ ރައިފަލް އެވެ. ބޭނުންކުރާނެ ވައިގެ ސަރަހައްދަކީ ކ. ގިރިފުށީ ހުޅަނގު ދެކުނުން 3000 މީޓަރު ދުރަށް 300 މީޓަރުގެ އުސްމިނެއްގެ ސަރަހައްދެކެވެ.
ޑިފެންސް މިނިސްޓްރީގެ އިއުލާނުގައި ތަމްރީނު ކުރިއަށްދާ ވަގުތުތަކުގައި އެ ސަރަހައްދުން ދަތުރުކުރާ ފަރާތްތަކުން ސަމާލުވުމަށް ވަނީ އެދިފަ އެވެ.
