އަންނަ އޭޕްރިލް މަހުން ފެށިގެން، ވިޔަފާރި ކުރުމުން ފިހާރަތަކުން ދޫކުރާ ކޮންމެ ޕްލާސްޓިކް ކޮތަޅަކަށް ދެ ރުފިޔާގެ ލެވީއެއް ނެގުމަށް ފާސްކޮށް ކުނި މެނޭޖުކުރުމުގެ ބިލު ތަސްދީގުކޮށްފި އެވެ.
މި ގާނޫނުގައި ބުނެފައިވާ ގޮތުން ވިޔަފާރި ހަރަކާތަކުން ޕޮއިންޓް އޮފް ސޭލްގައި ކަސްޓަމަރަށް ވިއްކާ ނުވަތަ ފޯރުކޮށްދޭ ކޮންމެ ޕްލާސްޓިކް ކޮތަޅަކަށް، އެ ވިޔަފާރި ހަރަކާތުން ޕްލާސްޓިކް ކޮތަޅުގެ ފީގެ ގޮތުގައި އެ ކަސްޓަމަރުގެ އަތުން ދެ ރުފިޔާ ނަގަން ޖެހޭނެ އެވެ.
މި ކަމަށް އަމަލު ކުރަން ފަށަން ޖެހޭނީ ގާނޫނު ގެޒެޓު ކުރާ ދުވަހުން ފެށިގެން ހަތަރު މަސް ވާ ދުވަހުން ފެށިގެންނެވެ. މިއަދު ގާނޫނު ގެޒެޓުކުރުމާ އެކު، ލެވީ ނަގަން ފަށާނީ އޭޕްރިލް މަހުގެ 18 ވަނަ ދުވަހުން ފެށިގެންނެވެ.
ޕްލާސްޓިކް ކޮތަޅުން ރުފިޔާ ނަގަން ފެށިނަމަވެސް ބައެއް ހާލަތްތަކުގައި އިސްތިސްނާ ވާނެ އެވެ.
ލެވީ ނެގުން އިސްތިސްނާ ވާ ހާލަތްތައް:
- ބަންދުނުކޮށް ހުންނަ ތާޒާ މަސް އަޅާ ކޮތަޅު
- ޑިއުޓީ ފްރީން ވިއްކާ ކޮތަޅު
- ކުނީގެ ހިދުމަތްދޭ ތަންތަނުން ވިއްކާ ކަޅު ކޮތަޅު
ލެވީ ނެގުމުގައި އަމަލު ކުރަން ޖެހޭ ގަވައިދު، ގާނޫނު ތަންފީޒު ކުރަން ފަށާތާ ހަ މަސް ދުވަހުގެ ތެރޭގައި އެކުލަވާލަން ޖެހެ އެވެ. ގޮތުން ނެގޭ ޖޫރިމަނާތައް ޖަމާކުރަން ޖެހޭނީ "މޯލްޑިވްސް ގްރީން ފަންޑް" އަށެވެ.
