ލ. ގަން ތުނޑީ އަވަށުން ގެއްލިގެން ހޯދަމުން ދިޔަ އަންހެން މީހާ މިއަދު ހެނދުނު އެ ރަށު ތުނޑީ އަވަށުގެ ވަލު ތެރެއިން ފެނިއްޖެ އެވެ.
އިއްޔެ ހަވީރު ގާތްގަނޑަކަށް 5:45 ހާއިރުން ފެށިގެން ގެއްލިގެން ހޯދަމުން ދިޔައީ ގަން ތުނޑި ރަތްފުސްގެ ހަދީޖާ އަބްދުލް ރަހްމާން, 85 އެވެ.
ގަން ކައުންސިލްގެ މެންބަރު މަރިޔަމް ނީނާ "އަދަދު"އަށް ވިދާޅުވީ ތުނޑީ އަވަށު ވަލު ތެރެއިން ހަދީޖާ ފެނުނީ މިއަދު ހެނދުނު 6:30 ހާއިރެވެ.
"އެ ދައްތަ އުޅޭ ގެ ހުންނަނީ ވެސް ވަލާ ވަރަށް ކައިރީ، ބޮޑަށް ބެލެވެނީ ދައްތަ އުޅުނީ މަގު އޮޅިގެން ކަމަށް،" ނީނާ ވިދާޅުވި އެވެ.
ނީނާ ވިދާޅުވި ގޮތުގައި ހަދީޖާ ފެނުނުއިރު ހުރީ ވަރަށް ބޮޑަށް ވަރުބަލިވެފަ އެވެ. އަދި މިހާރު ހޮސްޕިޓަލަށް ގެންގޮސް ފަރުވާ ދެމުން އެބަ ދެ އެވެ. ޚަދީޖާގެ ހާލު ރަނގަޅު ކަމަށް އޭނާ ވިދާޅުވި އެވެ.
ހަދީޖާ ހޯދުމަށްޓަކައި ރަށުގެ ވަރަށް ގިނަ އާންމުންނާއި ފުލުހުން ވެސް ނުކުމެފައިވެ އެވެ.
