ސީސީޓީވީ ކެމެރާ ހަރުކޮށް، މާލޭގެ އާއްމު ސަރަހައްދުތައް ބަލަހައްޓަން ސިޓީ ކައުންސިލުން ކުރިއަށް ގެންދާ މަޝްރޫއުގައި، މާލޭގެ ދެކުނު ބަނދަރުގައި ކެމެރާ ހަރުކޮށް ބަލަހައްޓަން ފަށައިފި އެވެ.
ދެކުނު ބަނދަރުގައި ކެމެރާ ހަރުކޮށް 24 ގަޑި އިރު ބަލަހައްޓަން ފެށުމާއި އެ ސަރަަހައްދުން އުޅަނދު ފަހަރަށް ބޯފެން ދޫކުރަން ފެށުމަށް އިއްޔެ ބޭއްވި ރަސްމިއްްޔާތުގަައި މާލޭގެ މޭޔަރު ޑރ. މުހައްމަރު މުއިއްޒު ވިދާޅުވީ އެ ސަރައްދުގެ ސަލާމަތީ ކަންތައްތައް ހަރުދަނާކޮށްދިނުމަކީ އެ ސަރަހައްދު ބޭނުންކުރާ ފަރާތްތަކުން ކުރިއްސުރެ އެދެމުން އައި ކަމެއް ކަމަށެވެ. އެހެން ދިމާލަކަށް ނުގޮސް އެ ސަރަހައްދުން ބޯފެން ލިބޭ ގޮތް ހަދައިދޭން ވެސް މީހުން އެދުނު ކަމަށް އޭނާ ވިދާޅުވި އެވެ.
މާލޭގެ ދެކުނު ބަނދަރަކީ ގިނަ މަސްވެރިކަަމަށް ބޭނުންކުރާ ލޯންޗްތައް ހިމެނޭ ގޮތުން ގިނަ އަދަދެެއްގެ ލޯންޗްފަހަރު އަޅާ ސަރަަހައްދެކެވެ. އެ ބަނދަރުގައި އަޅާފައި ހުންނަ ލޯންޗްފަހަރުން ވައްކަން ކުރާތީ ލޯންޗްފަހަރުގެ ވެރިން އަބަދުވެސް ޝަކުވާ ކުރެ އެވެ.
"އިރާދަކުރެއްވިއްޔާ މިއަދު މިވަނީ މުޅި މި ސަރަހައްދު، މިހިސާބުން [ކަޅުތުއްކަލާ ކޮށްޓާ ވީ ކޮޅުން ދެކުނު ބަނދަރުގެ ނެރާ ދި،މާލުން ފެށިގެން] ފެށިގެން ގޮސް، ޓްރެކާ ހަމައަށް ، މުޅި މި ސަރަހައްދުގައި އަޅުގަނޑުމެން 15 ކެމެރާ, 24 ގަޑިއިރު އޮޕަރޭޓްކުރާ ގޮތަށް 15 ކެމެރާ، ސީސީޓީވީ ކެމެރާ ހަރުކޮށް، އަޅުގަނޑުމެންގެ މާލޭ ސިޓީ ސީސީޓީވީ ނިޒާމުން ކަވަކުރުމަށް ގާއިމްކުރެވުނު ހެޑްކުއާޓަރުގައި ، އެތަނުގައި ހުންނަ ޓީވީތަކުން 24 ގަޑިއިރު މޮނިޓާ ކުރެވޭ ގޮތަށް ހަދައި[ފައި މިވަނީ]،" އިއްޔެ ބޭއްވި ރަސްމިއްޔާތުގައި މުއިއްޒު ވިދާޅުވި އެވެ.
އޭނާ ވިދާޅުވި ގޮތުގައި ދެކުނު ބަނދަރުން، އުޅަނދުފަހަރަށް ފެން ވިއްކުމަށް ޓަކައި ހަދާފައިވާ ކިއޮސްކްތަކުން ހިދުމަތް ދޭނެ ގޮތުގެ ތަފްސީލު ސިޓީކައުންސިލުން މިއަދު އާއްމުކުރާނެ އެވެ.
މާލޭ ސިޓީ ސީސީޓީވީ ކެމެރާ ޕްރޮޖެކްޓްގައި ސިޓީކައުންސިލުން މީގެ ކުރިން ވަނީ މިސްކިތްތަކުގައި ކެމެރާ ހަރުކޮށް، ބަލަހައްޓަން ފަށައިފަ އެވެ.
