ދޮރުން ދޮރަށް ހިނގާ، ވިލާ ކޮލެޖަށް ސާވޭ ކޮށްދޭނެ ބަޔަކު ހޯދުމަށް އެ ކޮލެޖުން އިއުލާންކޮށްފި އެވެ.
މާލެ ސަރަހައްދުގެ ދޮރުން ދޮރަށް ހިނގައިގެން ކޮށްދިނުމަށް ވިލާ ކޮލެޖުން ސާވޭ ކޮށްދިނުމަށް އެދިފައި ވަނި މިމަހު 23 ވަނަ ދުވަހުން ފެށިގެން 31 ވަނަ ދުވަހުގެ ނިޔަލަށެވެ. އަދި ކޮށްދިނުމަށް އެދިފައި ވަނީ ޖުމްލަ ތިން ސާވޭއެކެވެ.
ވިލާ ކޮލެޖުން ކޮށްދިނުމަށް އެދިފައިވާ ސާވޭތައް:
- ރާއްޖެ ލާމަރުކަޒު ކުރުމާ ބެހޭގޮތުން އާންމުން ދެކޭގޮތް ދެނެގަތުމަށް ކުރާ ސާވޭ
- އިޖުތިމާއީ އެއްބައިވަންތަކަން ދެނެގަތުމަށް ކުރާ ސާވޭ
- އުމުރުން ދުވަސްވީ މީހުންނާ ބެހޭގޮތުން މުޅި ރާއްޖޭގައި ހަދާ އެސެސްމަންޓް
ދޮރުން ދޮރުން ހިނގައިގެން ސާވޭކޮށްދޭ މީހުންނަށް އެލަވަންސް ދިނުމަށް ވެސް ވަނީ ހަމަޖެހިފަ އެވެ. އެގޮތުން ކޮންމެ ސާވޭއަކަށް 100 ރުފިޔާ ދޭން ނިންމާފައިވާއިރު، ޑޭޓާ އެލަވަންސަށް 100 ރުފިޔާ ދިނުމަށް ވަނީ ނިންމާފަ އެވެ.
އޭގެ އިތުރަށް ސާވޭ ކޮށްދިނުމުގައި ބައިވެރވިުމުން، ދިރާސާ ކުރާ ތަޖުރިބާކާރު ޓީމަކާއެކު މަސައްކަތްކޮށް ތަމްރީނު ލިބިގަތުމުގެ ފުރުސަތު ވެސް ލިބިގެންދާނެ ކަމަށް ވިލާ ކޮލެޖުން ބުނެ އެވެ.
ސާވޭ ކޮށްދިނުމަށް ދޮރުން ދޮރުން ހިނގުމަށް ޝައުގުވެރިކަން ހުރި ފަރާތްތަކަށް ވިލާ ކޮލެޖުން އާންމުކޮށްފައިވާ ގޫގުލް ފޯމު މެދުވެރިކޮށް ރަޖިސްޓާ ކުރެވޭނެ އެވެ.
