ކޮވިޑުން ދިފާއުވާ ފައިޒާ ވެކްސިނުގެ ޑޯޒްތަކެއް އެމެރިކާއިން އަނެއްކާ ވެސް ރާއްޖެއަށް ހަދިޔާކޮށްފި އެވެ.
ޔޫއެސް މިޝަން ޓު މޯލްޑިވްސް އިން ބުނީ އެގައުމުން މިފަހަރު ރާއްޖެއަށް ހަދިޔާކުރީ ފައިޒާ ވެކްސިނުގެ 100،620 (އެއް ލައްކަ ހަ ސަތޭކަ ވިހި) ޑޯޒް ކަމަށެވެ. ރާއްޖޭގައި ބޫސްޓާ ޑޯޒް ޖަހަން، ވެކްސިންގެ އެ ޑޯޒްތައް އެމެރިކާއިން ހަދިޔާކުރީ ކޮވެކްސް މެދުވެރިކޮށެވެ.
އެމެރިކާއިން މިފަހަރު ހަދިޔާކުރި ވެކްސިން ޑޯޒް ތަކާއެކު އެގައުމުން ރާއްޖެއަށް ހަދިޔާކުރި ވެކްސިން ޑޯޒްގެ އަދަދު މިހާރު ވަނީ ބައިމިލިޔަނަށް ވުރެ މަތިވެފަ އެވެ. މިދިޔަ އަހަރާއި އޭގެ ކުރީ އަހަރު އެގައުމުން ރާއްޖެއަށް ހަދިޔާ ކުރި ފައިޒާ ބަޔޯއެންޓެކް ވެކްސިނުގެ ޖުމްލަ އަކީ 439،920 (ހަތަރު ލައްކަ ތިރީސް ނުވަ ހާސް ނުވަ ސަަތޭކަ ވިހި) ޑޯޒެވެ.
ކޮވިޑް-19ގެ ބަލިމަޑުކަން 2020 ވަަަނަ އަހަރު ރާއްޖެށް ފެތުރުނު ފަހުން، އެ ބަލިމަޑުކަމުން އަރައިގަތުމަށް އެމެރިކާއިން ވަނީ ރާއްޖެއަށް ގިނަ އެހީތަކެއް ދީފަ އެވެ. ކޮވިޑުން ދިފާއުވާން އެގައުމުން ރާއްޖެއަށް ދިން އެހީގެ ޖުމްލަ ހަތް މިލިޔަން ޑޮލަރަށް ވުރެ މައްޗެވެ.
