އެސްޓީއޯއާއި ހަވާލުކުރި ހުރިހާ އެމްބިއުލާންސް ހެލްތް މިނިސްޓްރީއާއި ހަވާލުކޮށް ނިންމާލައިފި އެވެ.
އެކި ރަށްތަކަށް ބޭނުންވާ 96 އެމްބިއުލާންސް ގެންނަން އެސްޓީއޯއާ ހަވާލުކުރީ މިދިޔަ އަހަރުގެ ޖޫން މަހު އެވެ. އެކި ދުވަސްތަކުގެ މަތިން އެކި އަދަދަށް އެމްބިއުލެންސްތައް ގެންނަމުން އައިސް އެސްޓީއޯއިން މިއަދު ހެލްތު މިނިސްޓްރީއާ ހަވާލުކުރީ އެންމެ ފަހުން ގެނައި އެމްބިއުލާންސްތަކެވެ. އެ އެމްބިއުލާންސްތައް ހަވާލުކުރީ އެކަމަށް ޓަކައި މިއަދު ބޭއްވި ރަސްމިއްޔާތެއްގަ އެވެ.
ރާއްޖެ ސިއްހީ ނިޒާމް ހަރުދަނާކޮށް ކުރުމަށްޓަކައި ސަރުކާރުން ކުރާ މަސައްކަތްތަކުގެ ތެރެއިން، މުހިއްމު އެއްކަމަކީ ރާއްޖޭގެ މީހުން ދިރިއުޅޭ ހުރީހާ ރަށަކަށް ބޭނުންވާ އެމްބިއުލާންސް ފޯރުކޮށް ދިނުމެވެ.
ބައެއް ރަށްރަށުގައި އެމްބިއުލާންސް ނެތިގެން ރަށު ޕިކަޕާއި ގާޑިޔާ އަދި ބަރޯގައި ވެސް ބަލި މީހުން އުފުލަން ޖެހިފައިވާ މައްސަލަތަކެއް މިފަހުން ވަނީ ފެންމަތިވެފަ އެވެ.
އެމްބިއުލާންސް މަދުވުމުވެ ސަބަބުން މާލޭގައި ވެސް ހިތާމަވެރި ބައެއް ހާދިސާތައް ހިނގި އެވެ.
