ފުވައްމުލަކުގައި ބަނދަރުކުރާ ސަފާރީތަކުން ނަގާ އަގުތަކަށް ބަދަލުގެނެސްފި

ފުވައްމުލައް ސިޓީ ކައިރިން ސަފާރީތަކެއް ދަތުރުކުރަނީ: ފުވައްމުލަކަކީ ރާއްޖޭގެ އެންމެ މަޝްހޫރު އެއް ޑައިވްސްޕޮޓް އޮންނަ ރަށް. ފޮޓޯ: ނަވާސް އާދަމް/ވިޒިޓް ފުވައްމުލައް

ފުވައްމުލައް ސިޓީ ކައިރިން ސަފާރީތަކެއް ދަތުރުކުރަނީ: ފުވައްމުލަކަކީ ރާއްޖޭގެ އެންމެ މަޝްހޫރު އެއް ޑައިވްސްޕޮޓް އޮންނަ ރަށް. ފޮޓޯ: ނަވާސް އާދަމް/ވިޒިޓް ފުވައްމުލައް

ފުވައްމުލަކުގައި ބަނދަރުކުރާ ސަފާރީ ތަކުން ނަގަން ސިޓީ ކައުންސިލުން ކަނޑައެެޅި އަގުތަކަށް ބަދަލުގެނެސް، އެކި ސައިޒްތަކަށް ތަފާތުވާ ގޮތުން އަގު ނަގަން އެ ކައުންސިލުން މިއަދު ނިންމައިފި އެވެ.

ފުވައްމުލަކު ސިޓި ކައުންސިލުން ފުރަތަމަ ނިންމީ، ބަނދަރުކުރާ ކޮންމެ ސަފާރީއަކުން ދުވާލަކަށް 500 އެމެރިކާ ޑޮލަރުގެ (7725.00ރ.) އަގެއް ނެގުމަށެވެ. އެގޮތަށް ނިންމީ ބަނދަރުގައި ފުވައްމުލަކު ބަނދަރަކީ ޖާގަ ކުޑަ ބަނދަރެއް ކަމަށް ވާތީ ކަމަށް ކައުންސިލުން އޭރު ބުންޏެވެ.

ކައުންސިލުން ކަނޑައެޅި އެ އުސޫލާމެދު ސަފާރީ އޮޕަޜޭޓަރުން ވަނީ ކަންބޮޑުވުން ފާޅުކޮށްފަ އެވެ.

ސިޓީ ކައުންސިލުގެ މެމްބަރު އަބްދުﷲ ނާސިރު އަހުމަދު "އަދަދު"އަށް މިއަދު ވިދާޅުވީ އެ ނިންމުން މިހާރު ބަދަލުކޮށްފައިވާކަމަށެވެ. ކަައުންސިލުގެ މިހާރުގެ ނިންމުމަކީ ، 100 ފޫޓަށް ވުރެ ކުޑަ ސަފާރީތަކަށް ، ދުވާލަކަށް 150 ޑޮލަރުގެ (2317.50ރ.) އަދި 100 ފޫޓަށްވުރެ ބޮޑުނަމަ 200 ޑޮލަރުގެ (3090.00ރ.) ނެގުމެވެ. އެކަން ތަންފީޒުކުރަން ފަށާނީ މިމަހުގެ 21 ވަނަ ދުވަހުން ފެށިގެންނެވެ.

ސަފާރީތައް ބަނދަރުކުރުމަށް އަގެއް ނަގަން ސިޓީ ކައުންސިލުން ނިންމީ ފުވައްމުލަކު ބަނދަރަށް ވަންނަ ސަފާރީތަކުގެ އަދަދު ގިނަވެ، ބަނދަރުގައި އެހެން އުޅަނދުފަހަރަށް ޖާގައިގެ ދަތިކަމުގެ މައްސަލަ އިންތިހާއަށް ބޮޑުވުމުން ކަމަށް ނާސިރު ވިދާޅުވި އެވެ.

"އަޅުގަނޑުމެން އަސްލު މަޝްވަރާކުރި، ސަފާރީ ވަނުން މަނާކުރުމަށް ފުރަތަމަ، އެކަމަކު އެގޮތަށް ނިންމުމުން ދަތިވާނެތީ، އެހެން ނުހަދައި 500 ޑޮލަރު ނަގަން ނިންމީ، ވަންނަ މިންވަރު މަދުވާނެކަމަށް ބަލާފަ. ދެން މިހާރު މި އެ ނިންމުން ބަދަލުކުރީ، ކަންބޮޑުވުންތަކާއެކު މަޝްވަރާކޮށްފަ،" ނާސިރު ވިދާޅުވި އެވެ.

ފުވައްމުލަކަކީ ގުދުރަތީ ރީތިކަމުގެ ގޮތުން މަޝްހޫރު ރަށެކެވެ. ރާއްޖޭގެ އެންމެ ނަން މަޝްހޫރު އެއް ޑައިވް ސްޕޮޓް ވެސް އޮންނަނީ ފުވައްމުލަކުގެ ކައިރީގަ އެވެ. މި ސަބަބުތަކަށްޓަކައި ގިނަ އަދަދެއްގެ ސަފާރީ ކޮންމެ ދުވަހަކު ވެސް ފުވައްލުމަކަށް ދަތުރުކުރެ އެވެ.

އެކަމަކު ފުވައްމުލައް އުފެދިފައި އޮތް ގޮތުން އެ ރަށާއި ކައިރިން ކަނޑުގައި ނަގިލި ސަފާރީތައް އަޅައިގެން ތިބުމަކީ އުނދަގޫކަމެކެވެ. އަދި ފަރުމައްޗަށް ނަގިލި ލައިގެން ތިބުމަކީ ވެސް މަނާކަމެއް ކަމަށްވާތީ ގިނަ ސަފާރީތަކަށް މަޖުބޫރު ވަނީ ބަނދަރަށް ވަނުމަށެވެ.

ނާސިރު ވިދާޅުވި ގޮތުގައި ފުވައްމުލަކުގެ ބަނދަރު ބޮޑުކުރުމުގެ މަސައްކަތް އެއީ ކޮންމެހެން ވެސް ކުރަން ޖެހޭ ކަމެކެވެ. އަދި 2003 ވަނަ އަހަރުން ފެށިގެން އެތައް އަހަރަކު އެކަމަށް ބަޖެޓު ކުރެވިފައިވީނަމަވެސް މިއަދާހަމަޔަށް ވެސް އެކަން ނުކުރެވޭތީ ކަންބޮޑުވާކަމަށް ވެސް އޭނާ ވިދާޅުވި އެވެ.

އެކަމަކު މިފަހުން ރައީސް އިބްރާހިމް މުހައްމަދު ސޯލިހު ފުވައްމުލަކަށް ކުރެއްވި ދަތުރުފުޅެއްގައި އެރަށުގެ ބަނދަރު ބޮޑުކުރަން ސާވޭގެ މަސައްކަތް މި އަހަރު ފެށޭނެކަމަށް ވިދާޅުވިކަމަށް ވެސް ނާސިރު ވިދާޅުވި އެވެ. އަދި އެއީ ސަފާރީކަހަލަ ކަންކަަމުގައި އެރަށަށް ކުރިމަތިވާ ދަތިތަކަށް ލިބޭނެ ހައްލެއް ކަމަށް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox