އެތައް އަހަރުތަކަކުން އެ ރަހަޔަށް ފުރިހަމަކަމާއި މީރުކަން ގެނުވި ތައި، ޓާކިޝް، އިންޑިއަން، ފްރެންޗް، އަދި މެކްސިކަން ކެއުމުގެ ބާވަތްތައް މި ރޯދަ މަހު ގެނެސްދިނުމަށްޓަކައި "ދަ ކޮފީ ޝްރަބް" އިން ވަނީ ފުރިހަމައަށް ތައްޔާރުވެފަ އެވެ. އާންމުކޮށް ރޯދަ މަހު ފެންނަ އިސްރާފު ބޮޑު ބުފޭ ސްޓައިލް ދޫކޮށް، ކޮފީ ޝްރަބުން ވިސްނަނީ ގެވެށި ތަޖުރިބާއަކާއި ހާއްސަ މެނޫއެއް ކަސްޓަމަރުންގެ އަތަށް ދިނުމަށެވެ.
ހުކުރު ދުވަސް ފިޔަވައި ހަފްތާގެ ކޮންމެ ދުވަހަކު ވެސް އެ ތަފާތު ފަސް ކުއިޒީންއިން އެއް ކުއިޒީންގެ ޑިޝްތަކެއް، ތިން ކޯޒްގެ މައްޗަށް ބަހާލައިގެން ކަސްޓަމަރުންގެ މޭޒަށް ރޯދަ ވީއްލަން ގެނެސްދޭނެ އެވެ. އާންމު ރެސްޓޯރެންޓްތަކާއި ހިލާފު ބީސްޓްރޯ ސްޓައިލުގެ ޝްރަބުގެ ފަސް ކުއިޒީންގެ ބައެއް ޑިޝްތަކަށް ބަލާލަމާތޯ؟
ދިވެހިން އެއާ އެންމެ ދެކެފަރިތަ ތައި އަދި އިންޑިއަން ކުއިޒީންގެ މެއިން ކޯސްތައް ފުރިހަމަކޮށްދެނީ ތައި ބީފް ޕީނަޓް ކަރީ އާއި ޖޭޒްމިން ރައިސް އަދި ބަޓާ ޗިކަންއާއި ފްލެޓް ބްރެޑްތަކުންނެވެ. ކޮންމެވެސް ވަރަކަށް އާ ނަމަވެސް ދިވެހިންގެ ޝައުގުވެރިކަމާއި ޓްރެންޑް އެއަށް ދަމައިގަނެފައިވާ ޓާކިޝް ކުއިޒީންގެ މެނޫގައި މެއިން ކޯސްތަކަށް އަތުރާލަނީ ޓާކިޝް ސްޓަފްޑް އެގްޕްލާންޓް ޗިކަންއާއި ޕިލާފް ރައިސް އެވެ.
ރާއްޖެއާއި އެތައް ހާސް ކިލޯ މީޓަރެއްގެ ދުރުގައި ތަރައްގީވެ ފޮޅުނު ދުނިޔޭގެ އެންމެ މަގުބޫލު އެއް ކުއިޒީންކަމުގައިވާ މެކްސިކަންއަށް ކޮފީ ޝްރަބުން މެއިން ކޯހުގައި ހިމަނަނީ ޗިކަން ބުރީޓޯ ބޯލް އެވެ. އަދި ފްރެންޗް ކުއިޒީން ވެސް އެއޮތީ އެވެ. މީގެން ކޮންމެ ކެއުމަކާއެކު މޭޒަށް ދެން ގެންނަނީ ދެ ބާވަތެއް، ކަރާ އަދި އޮރެންޖްގެ ތާޒާ ފްރެޝް ޖޫހެވެ.
ރޯދައަށް ކޮފީ ޝްރަބުން ނެރުނު މެނޫ؛ އެ މެނޫގައި ފްރެންޗު ކުއިޒީންގެ ޑިޝްތަކެއް ވެސް ހުރޭ.
މެނޫއިން އިތުރު ކަމެއް ފާހަގަވޭތޯ؟ ރޯދައާ އެއާ ގުޅިފައިވާ ކަދުރު ސްޓާޓާ ހުރި ސެކްޝަން ބަލާލުމުން ކޮންމެ ދުވަހަކަށް ވަކި ބާވަތެއްގެ ކަދުރެއް އެބަ ހުއްޓެވެ. ޕިސްޓާޝިއޯ، އާމަންޑް، ހެޒަލްނަޓް ކަދުރު މިއީ އޭގެން ދޭ ރަހަ ބަލައިލާން ޝައުގުވެރިވާނެ މީހުން މަދުނުވާނެ ބާވަތްތަކެކެވެ. އަދި އެޕެޓައިޒާޒްއާ ޑެޒާޓް ސެކްޝަންގެ ފޮނި މީރުކަން ބަލާލާށެވެ.
މެނޫއިން އިތުރު ކަމެއް ވެސް ފާހަގަވާނެ އެވެ. ހުރިހާ މެއިން ކޯސް ޑިޝްއަކާއެކުގައި ވެސް ކޮންމެވެސް ކަހަލަ ސެލެޑެއް ހުރެ އެވެ. ފޮރުވިފައިވާ ބޭނުމަކީ "ބެލެންސް" އެއް ގެނައުމެވެ. މީރުކޮށް ކެއުމާއި ސިއްހަތަށް ވެސް ފައިދާ ހުރި ކެއުމެއް އިންސާފުކުރުމެވެ.
ދިވެހިން ދެކެ ފަރިތަ މި ޑިޝްތައް ފްރެޝްކޮށް ދުވަހުން ދުވަހަށް ރާއްޖެއިން ލިބެން ހުންނަ ތަކެތިން ތައްޔާރުކުރަނީ ވެސް ދިވެހިންނެވެ. ކޮފީ ޝްރަބުގެ ބަދިގޭގައި މަސައްކަތްކުރާ ހެޑް ޝެފް ސޭމްއާ ދެން ތިބޭ ދެ ޝެފުންނަކީ ވެސް ދިވެހި ޒުވާނުންނެވެ. ރާއްޖޭގެ މަޝްހޫރު ރިސޯޓުތަކުގެ ބަދިގެތަކުން ފަރިތަވެ ފުރިހަމަވެގެން އައިސް ތިބި އެ ޝެފުންނަކީ މި މެނޫ ލޯތްބާއެކު ތައްޔާރުކުރި މީހުންނެވެ.
ކޮފީ ޝްރަބުގެ އަމާޒަކީ އެއް ފަހަރާ ވީހާ ވެސް ގިނަ ބަޔަކަށް ސާވްކުރުމެއް ނޫނެވެ. ތޮއްޖެހިފައިވާ މާލޭގައި ރޯދަ މަހު ގިނަ ރެސްޓޯރެންޓްތަކުގައި ރޯދަ ވީއްލަން ދިޔުމުން ފެންނަ ހާލަކީ ވެސް ތޮއްޖެހުމެވެ. ނަމަވެސް ޖާގައިގެ ގޮތުން ފުޅާ، އިންޑޯ އަދި އައުޓްޑޯ ވެސް ތަޖުރިބާކޮށްލެވޭ ކޮފީ ޝްރަބުން އެއްފަހަރާ ސާވް ކުރަނީ 60 މީހުންނަށެވެ. އެއީ އިންޑޯގައި 20 އަދި އައުޓްޑޯގައި 40 އެވެ.
މިއީ ޝްރަބަށް ގިނަ ބައެއްގެ ސަމާލުކަން ލިބޭ އެއް ސަބަބު ވެސް މެ އެވެ. ހަމަޖެހިލައިގެން އަޑުމަޑު އިންޑޯ, މީހުން މަދު މާހައުލެއްގައި އާއިލާ ނުވަތަ ރައްޓެހިންނާއެކު ބޮލަކަށް 250ރ. އަށް ރޯދަ ވީއްލާލުމަކީ މަދު ތަނަކުން ލިބޭނެ ތަޖުރިބާ އެކެވެ. ނުވަތަ ރައްޓެހިންނާއެކު ގޮސް އޯޕަން އެއާ ވައިގައި އެކަކު ދައްކާ ވާހަކަ އަނެކަކަށް ފަސޭހައިން އަޑުއިވޭހާ މީހުން މަދު ތަޖުރިބާއެއް ވެސް ލިބޭނީ މަދުންނެވެ.
ރޯދައަށް ކޮފީ ޝްރަބުން ނެރުނު މެނޫގައި ހިމެނޭ ތައި ކުއިޒިން --
ޝްރަބުން ބުފޭ މޭޒުތައް ދޫކޮށްލަން ވިސްނީ ވެސް އެކަމާ ގުޅިފައިވާ ސަބަބުތަކާ ހެދި އެވެ. ރޯދަ މަހުގައި އިސްރާފު ކުޑަކުރުމުގެ އިތުރުން، ތޮއްނުޖެހި ބުފޭ މޭޒުތައް ދޮށުގައި ދިގު ކިއުގައި ސަތޭކައިން ކަސްޓަމަރުން ބޭތިއްބުމަށްވުރެ، ޝްރަބުން ވިސްނީ ކަސްޓަމަރުން އަތަށް ތަފާތު މެނޫއެއް ދީ ބޭނުން އެއްޗެއް މޭޒާއި ހަމަޔަށް ގެނެސްދޭ ފަސޭހަ އަދި ލުއި ތަޖުރިބާއެއް ދިނުމަށެވެ.
ގިނަ ދިވެހިން ރެސްޓޯރެންޓްތަކަށް ރޯދަ ވީއްލަން ދަނީ އެ ރޯދަ ވީއްލުމެއް ހާއްސަ ކޮށްލާށެވެ. އެކަމަކު އެ ރެސްޓޯރެންޓަކުން ވެސް އަމިއްލަ ގޭގައި ކެވޭ ކަހަލަ ތަޖުރިބާ ލިބެން ހުންނަ ނަމަ ކޮންފަދައޭ ހިތަށް އަރާ މީހުން މަދެއް ނޫނެވެ. ކޮފީ ޝްރަބުން އެކަން ފުރިހަމަކުރެވޭތޯ ބަލަނީ ސޯފާއާއި ބެންޗު އަދި ގަސްގަހުން ޒީނަތްކޮށްފައިވާ ބަގީޗާ ޑިޒައިނާއި ގެވެށި މާހައުލެއް ދީގެންނެވެ.
ކޮންމެ ކަސްޓަމަރަކީ ވެސް ހާއްސަ މެހެމާނެއްކަމަށް ޝްރަބުގެ ވެއިޓަރުންނާއި ޝެފުން ދެކެނީ، ކަސްޓަމަރު ނިމިގެންދާއިރު، އެއީ ތިމަންނަގެ ދެވަނަ ގެޔޭ ހިތަށް އަރާފަދަ ތަޖުރިބާއެއް ދިނުމަށެވެ. އެ ވެއިޓަރުންނާ މުޅި ރެސްޓޯރެންޓް ހުންނަނީ ކޮންމެ ކަސްޓަމަރަކަށް ވެސް "އަ ސެންސް އޮފް ބިލޯންގިން" އެއް ގެނުވައިދޭ ތަޖުރިބާއެއް ދިނުމަށް ފަރިތަކޮށްފަ އެވެ.
ޝްރަބުގެ ކޮފީއާއި ހާރު އަދި ތަރާވީސް: ހަބޭސް
ޒަމާނަކީ އެންމެން ވެސް ލަވާޒާއާއި ނެސްކެފޭ ތަށިތަކުން ދޫކޮށް ސްޕެޝަލްޓީ ކޮފީތަކަށް ގޮސް ހުސްވެފައިވާ ޒަމާނެކެވެ. ރައްޓެހިންނާއެކު ކޮފީއަކަށް ދިޔަޔަސް، ފޮރުވިފައިވާ މީރު ރަހައެއް ލިބޭ މޮޅު ނަމެއް ކިޔާ ކޮފީ ތައްޓެއް އިހްތިޔާރުކުރާ ޒަމާނެކެވެ.
މާލޭ ގްރޭންޑްގެ ފުރަތަމަ ފަންގިފިލާގައި ހުންނަ ހިތްގައިމު ޝްރަބަކީ ވެސް ސްޕެޝަލްޓީ ކޮފީއަށް އެއް ވަނައިގެ ތަނެކެވެ. އަދި ރޯދަ މަހަށް އެ ކޮފީ އިތުރަށް ހާއްސަ ވެގެން ދަނީ ޝްރަބުން ރޯދަ ވީއްލައިގެން ހާފް ޕްރައިސް ސްޕެޝަލްޓީ ކޮފީ ލިބޭތީ އެވެ. ފަންސާސް، ފަސްދޮޅަހަށް ލިބޭ އެއްކަލަ ފޮރުވިފައިވާ މީރު ކޮފީ, ޝްރަބުން ރޯދަ ވީއްލައިގެން ލިބޭނީ ނެސްކެފޭ ލަވާޒާއަށް ވުރެ ހެޔޮ އަގުގަ އެވެ.
ހާރަށް، ތަރާވީހަށް ނުވަތަ ލުއި ގޮތެއް ހަދާލަން ޝްރަބަށް ދާ ކަސްޓަމަރަށް ވެސް ރޯދަ މަހު ކުޅި ބަތްޕެނާއި ކޭކު ކަހަލަ ތަކެތިން އިހްތިޔާރުކުރަން ލިބޭނެ އެވެ.
މި ރޯދައިގައި، ތަފާތު މެނޫއަކާއެކު އަމިއްލަ ގެހެން ހީވާކަހަލަ އުފާވެރި ހިތްގައިމު ބީސްޓްރޯ މާހައުލެއްގެ ތަޖުރިބާ ދޭން ޝްރަބުން މިއޮތީ ތައްޔާރަށެވެ.
