ކޮވިޑު ޖެހޭ މީހުން އިތުރުވެ، މިއަދު 161 މީހަކު ޕޮޒިޓިވްވެއްޖެ

މަގުމަތީ ބާޒާރުގައި ބަޔަކު ވިޔަފާރި ކުރަނީ: ބާޒާރު ކުރާ ވަރަށް ގިނަ މީހުން އުޅެނީ މާސްކު ނާޅާ އަދި ގައި ދުރުކުރުން ނުބަހައްޓާ -- ފޮޓޯ: މުހައްމަދު ޝާބިން/އަދަދު

މަގުމަތީ ބާޒާރުގައި ބަޔަކު ވިޔަފާރި ކުރަނީ: ބާޒާރު ކުރާ ވަރަށް ގިނަ މީހުން އުޅެނީ މާސްކު ނާޅާ އަދި ގައި ދުރުކުރުން ނުބަހައްޓާ -- ފޮޓޯ: މުހައްމަދު ޝާބިން/އަދަދު

މި ދުވަސްވަރު ދިވެހިރާއްޖޭގައި ކޮވިޑް-19 ފެތުރޭ މިންވަރު ބޮޑުތަނުން އިތުރުވެ، މިއަދު އެކަނި ވެސް 161 މީހަކު އެ ބައްޔަށް ޕޮޒިޓިވްވި ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.

އެޗްޕީއޭގެ ފަރާތުން މިރޭ އާންމުކުރި ހިސާބުތަކަށް ބަލާއިރު ކޮވިޑަށް ޕޮޒިޓިވްވީ މާލޭ ސަރަހައްދުން 40 މީހަކާއި މީހުން ދިރިއުޅޭ އެހެން ރަށްތަކުން 41 މީހެކެވެ. އަދި ރިސޯޓުތަކުން 80 މީހުން އެ ބައްޔަށް ޕޮޒިޓިވްވެފައިވާ ކަމަށް ވެސް ހިސާބުތަކުން ދައްކަ އެވެ.

މިއަދު 161 މީހަކަށް ބަލިޖެހިފައި ހުރިކަން އެނގުނީ ޖުމްލަ 3209 މީހުން ޓެސްޓުކޮށްގެން ކަމަށް އެޗްޕީއޭއިން ބުނެ އެވެ. އަދި އޭގެ ތެރެއިން 712 މީހުން ޓެސްޓު ކުރީ ވެރިކަން ކުރާ މާލޭ ސަރަހައްދުން ކަމަށް ވެސް އެ އިދާރާއިން ބުނެ އެވެ.

އެޗްޕީއޭއިން މި ނޫހާ ވާހަކަ ދައްކަމުން ކުރިން ބުނެފައި ވަނީ މަގުމަތީ ބާޒާރުތައް މި ދުވަސްވަރު މާލޭގައި ބާއްވަނީ އެފަދަ ހަރަކާތްތައް ނުބޭއްވުމަށް އިލްތިމާސްކޮށްފައި އޮއްވައި ކަމަށެވެ.

"މިހާރު އަޅުގަނޑުމެން ނެރެފަ އިންނަ އުސޫލުން ނަމަ މަނައެއް ނުވާނެ. އެކަމަކު ނުކުރުމަށް ރިކޮމެންޑްކޮށްފަ އޮންނާނީ،" އެޗްޕީއޭގެ އޮފިޝަލަކު ބުނެފައިވެ އެވެ.

މިދުވަސްވަރު ފެތުރީ ކޮވިޑް-19 ގެ އެންމެ ފަހުގެ ވޭރިއަންޓް، އޮމިކްރޯން އެވެ. އޮމިކްރޯންގެ ގެއްލުން ކުޑަވި ނަމަވެސް އެ ވޭރިއަންޓު ފެތުރޭ މިންވަރު އާދަޔާ ހިލާފަށް ހަލުވި ކަމަށް ދުނިޔޭގެ ސިއްހަތު ޖަމިއްޔާއިން ބުނެ އެވެ.

މާލޭގައި އޮމިކްރޯން ފެތުރެމުންދާއިރު މީގެ ދެ ހަފްތާ ކުރިން ދަރުބާރުގޭ ސަރަހައްދުގައި ވަނީ މަގުމަތީ ބާޒާރެއް ބާއްވައިފަ އެވެ. ރަސްފަންނުގައި މިހާރު ވެސް މަގުމަތީ ބާޒާރެއް ކުރިއަށްދެ އެވެ. މަގުމަތީ ބާޒާރުތައް ކުރިއަށްގެންދަނީ، ގައިދުރުކުރުން ބެހެއްޓުމަށާއި މާސް އެޅުމަށް އެޗްޕީއޭއިން ކޮށްފައިވާ އިލްތިމާސްތަކަށް ބެލުމެއް ނެތި އެވެ.

އެގޮތުން ރަސްފަންނުގައި މިހާރު ކުރިއަށްދާ މަގުމަތީ ބާޒާރުގައި ވަރަށް ގިނަ އަދަދެއްގެ ބަޔަކު ގައި ދުރުކުރުމެއް ނެތި އަދި މާސްކު ވެސް ބޭނުންނުކޮށް ހަރަކާތްތެރިވެ އެވެ. ނަމަވެސް މަގުމަތީ ބާޒާރު އިންތިޒާމް ކުރާ މާލޭ ސިޓީ ކައުންސިލުގެ ފަރާތުން ބުނެފައި ވަނީ އެ ހަރަކާތް ބާއްވަނީ ގަވާއިދުތަކާ އެއްގޮތަށް ކަމަށެވެ.

ކޮމެންޓް

ފަހުގެ ޚަބަރު

މުއްތަލިބު މަޖިލީހަށް ވަޑައިގެންނެވީ "ކަޅު ދަބަހެއް" ހިފައިގެން

ހައުސިން މިނިސްޓަރު އަބްދުﷲ މުއްތަލިބު ބޮޑު ކަޅު ދަބަހެއް ހިފައިގެން ރައްޔިތުންގެ މަޖިލީހަށް ވަޑައިގެން ސިއްރު ބައްދަލުވުމެއް ބޭއްވި ނަމަވެސް، އެ ދަބަހާ ގުޅޭގޮތުން ނޫސްވެރިން ކުރި ސުވާލުތަކަށް އޭނާ ޖަވާބެއް ނުދެއްވި. މި ބައްދަލުވުމަކީ ބިލުތަކާ ގުޅޭގޮތުން މެންބަރުންނަށް މައުލޫމާތު ދިނުމަށް ބޭއްވި ބައްދަލުވުމެއް ކަމަށް.

ސަރުކާރު އިސްވެރިން ޕީއެންސީ މެންބަރުންނާ ބައްދަލުކޮށްފި

ރަސްމާލެ މަޝްރޫއާ ގުޅޭ ރިއަލް އެސްޓޭޓް ބިލު ހިމެނޭހެން ހަތަރު ބިލެއްގެ ބަހުސް މަޖިލީހުގައި ތާވަލުކޮށްފައި ވަނިކޮށް، ސަރުކާރުގެ އިސްވެރިން ޕީއެންސީގެ މެންބަރުންނާ ސިއްރު ބައްދަލުވުމެއް ވަނީ ބާއްވާފައި. އޭޖީ ވިދާޅުވީ މި ބައްދަލުވުމަކީ އެ ބިލުތަކާ ގުޅޭގޮތުން މެންބަރުންނަށް އޮޅުންފިލުވައިދޭންޖެހޭ ކަންކަން ސާފުކޮށްދިނުމަށް ބޭއްވި ބައްދަލުވުމެއް.

ފޮރިން އިންވެސްޓްމަންޓުން އިސްތިގުލާލަށް އަސަރު ނުކުރާނެ: ނަޝީދު

ރަސްމާލެއިން ބައެއް ބޭރުގެ ކުންފުންޏަކަށް ދޫކުރުމާ ގުޅޭގޮތުން އެމްޑީޕީން ކަންބޮޑުވުން ފާޅުކުރަމުންދަނިކޮށް، ފޮރިން ޑައިރެކްޓް އިންވެސްޓްމަންޓްތަކުގެ ސަބަބުން ގައުމުގެ އިސްތިގުލާލަށް އަސަރުނުކުރާނެ ކަމަށް ކުރީގެ ރައީސް ނަޝީދު ވިދާޅުވި. އެމަނިކުފާނު ވިދާޅުވީ މިފަދަ އިންވެސްޓްމަންޓްތަކުގެ ސަބަބުން ގައުމުގެ އިގްތިސާދު ވަރުގަދަވާނެ ކަމަށް.

ޝާހިދުގެ އިސްތިއުނާފު އަޑުއެހުން ކެންސަލް

ކުޑަކުއްޖަކަށް ޖިންސީ ގޯނާކުރި ކަމުގެ ތުހުމަތުގައި ހައްޔަރުކުރި ކުރީގެ ފޮރިން މިނިސްޓަރު ޝާހިދު ހައްޔަރުކުރި އަމުރުގެ އިސްތިއުނާފް އަޑުއެހުން އިދާރީ ސަބަބަކާ ހުރެ މިއަދު ވަނީ ކެންސަލްވެފައި. ޝާހިދު އޭނާގެ މައްޗަށް ކުރެވޭ ތުހުމަތުތައް ދޮގުކުރައްވާއިރު، މި މައްސަލަ ހައިކޯޓުގައި އިސްތިއުނާފު ކުރަން ހުށަހެޅީ މި މަހުގެ 4 ވަނަ ދުވަހު.

ރަސްމާލެ ވިއްކާލާ ބިލުގެ ބަހުސް މާދަމާގެ ޖަލްސާއަށް ތާވަލުކޮށްފި

ރަސްމާލެ މަޝްރޫއުގެ ދަށުން ބޭރު މީހުންނަށް 99 އަހަރަށް ބިން ވިއްކޭ ގޮތަށް ހުށަހަޅާފައިވާ ރިއަލް އެސްޓޭޓް ބިލު ހިމެނޭހެން، ސަރުކާރުގެ ހަތަރު ބިލެއްގެ ބަހުސް މާދަމާގެ މަޖިލީހަށް އެޖެންޑާކޮށްފިއެވެ. މީގެ އިތުރުން މަރުގެ އަދަބު ތަންފީޒުކުރުމާއި، އަބުރު ރައްކާތެރިކުރުމާއި، އިމިގްރޭޝަން ބިލުގެ ބަހުސް ވެސް މާދަމާ ކުރިއަށްދާނެއެވެ.

ރަސްމާލެއާ ދެކޮޅު ބޮޑު އެއްވުން ޑިސެމްބަރު ހަތަރެއްގައި ބާއްވަނީ

މި ހަރަކާތުން ވަނީ ރިއަލް އެސްޓޭޓް ބިލަށް ވޯޓު ނުދިނުމަށް މަޖިލިސް މެންބަރުންނަށް ގޮވާލައި، ސަރުކާރުން މި މަޝްރޫއު ހުއްޓާނުލައިފިނަމަ އަންނަ މަހު މާލޭގައި ބޮޑު އެއްވުމެއް ބާއްވާނެ ކަމުގެ އިންޒާރު ދީފައެވެ.

އަނިޔާ ދިން މައްސަލައިގައި ދައުލަތުން އެދުނީ ޖޫރިމަނާގެ އަދަބަށް

މާލޭގެ ގަރާޖެއްގައި ދެ މީހަކު ހިފަހައްޓައި ލާއިންސާނީ އަނިޔާދިން މައްސަލައިގައި ދައުވާލިބޭ އިބްރާހިމް ޝަރަފް ކުށަށް އިއުތިރާފުވުމުން، އޭނާގެ މައްޗަށް އައި 19 މަހުގެ ޖަލު ހުކުމް 116,700 ރުފިޔާގެ ޖޫރިމަނާއަކަށް ބަދަލުކޮށްފައި. މި ޖޫރިމަނާ އެއް އަހަރު ތެރޭ ދައްކަންޖެހޭއިރު، މި މައްސަލައިގައި ދެން ހިމެނޭ ދެ މީހުންގެ ޝަރީއަތް ކުރިއަށްދަނީ ވަކިން.

Newsletter

Get the latest news delivered straight to your inbox