އިހުގެ ހަނދާނާއި ސަމާސާއިން އުފަންވި އިގްލޫ ޑިޒައިން ސްޕޭސް

އަހުމަދު އިގްނާޒު (އިގޫ)

އަހުމަދު އިގްނާޒު (އިގޫ)

އެތައް ކަމެއްގެ ފަރުވާއެއް ކަމަށް ދިވެހިން ދެކުނު ކޯރާޑި ތެޔޮ ފުޅީގެ އާ ބްރޭންޑިންއެކެވެ. ރުއްސަން މާމަ އާއި ކާފަ ގެނެސްދިން މީރު ކިރު މެޓަ އާއި އެއިޓް މެޓަ އެވެ. ހަނދާނާ ގުޅިފައިވާ ބޫމާ އެވެ. މިއީ އަހުމަދު އިގްނާޒު (އިގޫ) އޭނާގެ އިންސްޓަގްރާމް ޕޭޖް، "އިގްލޫ ޑިޒައިން ސްޕޭސް"ގައި ޒަމާނީ ކުލަތަކާ އެކު އާކޮށްދޭ ހަނދާންތަކެވެ.

މި ޑިޒައިންތަކުން ދައްކުވައިދޭ ހިތްގައިމު ކަމާ އެއްވަރަށް އިގޫގެ ހަޔާތުގެ ވާހަކަތައް ހިތްގައިމެވެ. ހަޔާތުގައި ނާއުއްމީދުވެ، ދެ އަތް އުރާލައިގެން ހުރުމަކީ ހައްލެއް ނޫންކަމަށް ވިސްނަން ބޭނުންވާ މީހުންނަށް އިގޫގެ ހަޔާތުގެ ފަސާނާ ފުދެ އެވެ. ނ. ހޮޅުދުށް އުފަން އުމުރުން 27 އަހަރުގެ މި ޒުވާނާ، ސްކޫލް ދުވަސްވަރުން ފެށިގެންވެސް ރިއަލިސްޓިކް ޕޯޓްރެއިޓްސްތަކަށް ގަޔާވި އެވެ. ފަންސުރުން ކުރަހަން ފެށި އިގޫ، ޑިޖިޓަލް އާޓްގެ ދާއިރާއަށް ލޯ ހުއްޓި އަމިއްލަ އަށް އެކަން ހޯދާބަލައި ތަޖުރިބާ ކުރުމުގެ ޝައުގުވެރިކަން އުފެދުނެވެ.  

އިގޫގެ ބައެއް މަސައްކަތް ތަކުގެ ތެރެއިން--
އިގޫގެ ބައެއް މަސައްކަތް ތަކުގެ ތެރެއިން--

އިގޫގެ ބައެއް މަސައްކަތް ތަކުގެ ތެރެއިން އެއާޕޮޑް

Advertisement

އޭ ލެވެލްއާ ހިސާބަށް ރަށު ސްކޫލް އިން ކިޔެވިއިރު, މިގޮތަށް ކުރެހުމުގެ މަސައްކަތް ފެށީ 2003ގައި އަލަށް ކޮމްޕިއުޓަރެއް ލިބި ކޮރަލް ޑްރޯއާ ކުޅެން ފެށި ހިސާބުންނެވެ. މިހާރު އެއްޗެއް ދަސްކޮށްލަން ޔޫޓިއުބްގެ ޓިއުޓޯރިއަލެއް ބަލާލުމުގެ ނަސީބު ލިބިފައި އޮތަސް، އޭރު ޔޫޓިއުބް ވުޖޫދު ނުވެ އެވެ. ކަމެއް ދަސްކުރަން ބޭނުން ވަނީ ޝައުގާއި ހިތްވަރުކަން އިގޫ ދައްކައިދިނެ އެވެ. ޔޫޓިއުބް ވެސް ނެތް ޒަމާނެއްގައި، އަދި ދަސްކުރަން އެއްވެސް ތަނަކަށް ނުގޮސް، ކޮރަލް ޑްރޯ ބޭނުންކުރަން ދަސްކުރީ އޭގެއާ ކުޅެ، އަޖުމަ ބަލައިގެންނެވެ.

"ގާތްގަނޑަކަށް އަހަރެއްހާ ދުވަސް ނެގި ކޮރަލް ޑްރޯގެ ބޭސިކް ދަސްކޮށް ބޭނުންކުރަން. ދެން ފެށީ ކުރިން ފަންސުރުން ކުރަހާފައި ހުންނަ އެކި އެއްޗހި ކޮމްޕިއުޓަރުން ކުރަހަން. އެ ހިސާބުން އަސްލު މިކަން ފެށުނީ. އޭރުއްސުރެ ހަމަ ހުރިހާ ކަމަކަށްވެސް އަދިވެސް ބޮޑަށް މި ބޭނުންކުރަނީ ހަމަ ކޮރަލް ޑްރޯ،" އިގޫ ކިޔައިދިނެވެ.  

މިވަގުތު އިގޫ ހުރީ ފައިނޭންސިންގެ ދާއިރާއިން މާސްޓާސް ޑިގްރީ ހެދުމަށްޓަކައި ލަންކާގަ އެވެ. މީހުންނަށް އޭނާގެ މަސައްކަތްތައް ފެންނާނެ ހެން ޕޭޖެއް ހެދުމުގެ ހިޔާލު އައީ މިދިޔަ އަހަރުގެ އޮގަސްޓްގައި ލަންކާ ލޮކްޑައުން ކުރުމުން ވީ ފޫހިންނެވެ. އިގޫގެ ޕޭޖުގައި އޭނާގެ އަމިއްލަ ބައެއް ކުރެހުންތަކާއި, މިހާތަނަށް ތައްޔާރުކޮށްފައިވާ އެކި ލޯގޯތަކާއި, އެހެން މީހުންގެ މަސައްކަތުން އިންސްޕަޔާވެ ތައްޔާރުކޮށްފައިވާ ބައެއް ފަރުމާތަކާއި އެހާރާ މިހާރު ގެ އެކި ޑިޒައިންތައް އެއްކޮށް ދައްކުވައިދީފައި އެވެ. 

އިގޫގެ ބައެއް މަސައްކަތްތަކުގެ ތެރެއިން--
އިގޫގެ ބައެއް މަސައްކަތްތަކުގެ ތެރެއިން--

އިގޫގެ ބައެއް މަސައްކަތްތަކުގެ ތެރެއިން ކޯރާޑި ތެޔޮ

މިގޮތުން އިގޫގެ ބައެއް ކުރެހުންތަކުން ނުވަދިހައިގެ އަހަރުތަކުގައާ އަދި ދެހާހުގެ ކުރީކޮޅުގައިވެސް އަހަރެމެންގެ ތެރެއަށް މަގުބޫލު އެހެންނަމަވެސް މިހާރު އާންމުކޮށް ލިބެން ނުހުންނަ އެތައް ތަކެއްޗެއްގެ ފޮނި ހަނދާންތަކެއް އާކޮށްދެ އެވެ. މީގެ ތެރޭގައި އެންމެ ކުރިން އަހަރެމެން ޖަހައި އުޅުނު ރަތް ފުށްދަޅާއި, ކުޑައިރު ސްކޫލަށް ގެންދިޔަ ފުހޭ ރަބަރުން ފެށިގެން ހިތާނީ ތަކުގައި އެންމެ މަޝްހޫރު ބްރިކް ގޭމް ކުޅޭ ގޭމް ބޯއީ އާއި، އައިސް ޕޮޕްސްގެ އިތުރުން ސުޕާ ބަބުލްގަމް "ބޫމާ" ހިމެނެ އެވެ.

މިއިން ކޮންމެ ކުރެހުމަކީވެސް ޅަދުވަސްވަރާ ގުޅިފައިވާ ހަނދާންތަކަކަށް ވުމުން މި ފޮޓޯތަކަށް ރިއެކްޓްކޮށް ކޮމެންޓްކޮށް ޝެއާކުރާ މީހުން މަދެއް ނޫނެވެ. އެންމެ ގިނަ ބަޔަކަށް އެންމެ ކަމުދާ އެކައްޗަކީ އަހަރެމެންގެ ތެރޭގައި އެތައް ޒަމާންތަކެއް ވަންދެން ބޭނުންކުރެވެމުން އަންނަ ބައެއް އާންމު ތަކެތި ޒަމާނީ ކުލަތަކާއި އެކީ އިގޫ ގެނެސްދީފައި ހުންނަ ގޮތެވެ. މިގޮތުން އެންމެ ފޯރިގަދަވި އެކައްޗަކީ މަޝްހޫރު ޕޮޕް އާޓިސްޓް ކާންޔޭ ވެސްޓްގެ ކުރެހުމަކާއި އެކު އިގޫ ރީޑިޒައިންކޮށްފައިވާ ޔޭޔޭ ކޮފީ ޕެކެޓެވެ.

އިގޫގެ ބައެއް މަސައްކަތްތަކުގެ ތެރެއިން--
އިގޫގެ ބައެއް މަސައްކަތްތަކުގެ ތެރެއިން--

އިގޫގެ ބައެއް މަސައްކަތްތަކުގެ ތެރެއިން

ހަމައެޔާއެކު ފެލިވަރު މަސްދަޅެއް ތެރެއިން ފެންނަ ސޫޝީ ރޯލްސް ފާހަގަކޮށްލެވެ އެވެ. ކޮފީ އެއް ބޯލުމަށް ދިޔަ ކޮފީ ޝޮޕްއަކުން ފެނުނު ޕާން ފެނިގެން އުފެދުނު ހިޔާލުން، އިގޫ ޑިޒައިންކޮށްލީއެޕަލް އެއާޕޮޑެކެވެ. ސްޕްރިންގްލްސް ޗިޕްސް ދަޅުގައި ތެލުލި ބަނބުކެޔޮ ހުންނަ ފޮޓޯއާއި, ފޯސްޓާ ކްލާކް ފުޅީގައި އޮލިވްއޮއިލްއިން ތައްޔާރުކުރާ ތެލުލި ރިހާކުރުގެ ފޮޓޯއާއި, ޑޮރީޓޯސް ޕެކެޓުން ބަޖިޔާ ލިބެން ހުރި ފޮޓޯތަކަކީވެސް އެކި އުމުރުގެ މީހުން ހެއްވާލި އަދި ވައިރަލްވި ފޮޓޯތަކެވެ.

މަސައްކަތް ކުރާ ވަރަކުން ހިޔާލު ތަނަވަސްވެ މޮޅެތި އެކި ކޮންސެޕްޓްތަކުން ސިކުނޑި ފުރާލާއިރު އެ ހުރިހާ އެއްޗެއް ވެސް ފުރަތަމަ އިގޫ ނޯޓްކުރެ އެވެ. އެއަށްފަހު އެންމެ ގުޅޭ ދެ އެއްޗެއް އެއްކޮށްލާ ޑިޒައިން ކުރުމުގެ މަސައްކަތް ފެށެނީ އެއަށްފަހު އެވެ.  

އިގޫގެ ބައެއް މަސައްކަތްތަކުގެ ތެރެއިން--
އިގޫގެ ބައެއް މަސައްކަތްތަކުގެ ތެރެއިން--

އިގޫގެ ބައެއް މަސައްކަތްތަކުގެ ތެރެއިން އެއިޓް މެޓާ

ކުރެހުމާއި މި ފަންނުގައި އާއިލާގެ އެއްބާރުލުމާއި ސަޕޯޓް އަބަދުވެސް އިގޫ އަށް ލިބެ އެވެ. އޭނާގެ ކާފަ ހަދައި އުޅުނު ކެރަމް ބޯޑުތަކުގައި ކުރަހާ އުޅުމުގެ ތެރެއިން މި ފަންނުގައި ކުރިއަށްދާން ލިބުނު ހިތްވަރު އަބަދުވެސް ހަނދާން ހުންނަ ކަމަށް އިގޫ ބުންޏެވެ.   

"ކާފައަކީ އަސްލު ވަރަށް ކްރިއޭޓިވް މީހެއް. ވަރަށް މޮޅަށް ވަޑާންކުރި މާވަޑިއެއް. ކާފަގެ ކޮޓަރިއަށް ވަން ކޮންމެ އިރަކުވެސް ކޮންމެވެސް ތަފާތު އުފެއްދުމެއް ދައްކާލާނެ. ކެރަމް ބޯޑާއި, އެނބުރޭ އުނދޯއްޔާއި, އެކި ފަރުމާތަކަށް ހަދާފައިވާ ގޮނޑި މޭޒުވެސް،" 2019 ވަނަ އަހަރު ނިޔާވި ކާފަގެ ހަނދާންތައް ހިއްސާކުރި އެވެ.

ސެމްސަންގެ ގެ އޮފިޝަލް ވިތު ގެލެކްސީ ފޮޓޯގްރަފީ ގައިޑްގައި ހިމެނުނު ފޮޓޯ--
ސެމްސަންގެ ގެ އޮފިޝަލް ވިތު ގެލެކްސީ ފޮޓޯގްރަފީ ގައިޑްގައި ހިމެނުނު ފޮޓޯ--

ސެމްސަންގެ ގެ އޮފިޝަލް ވިތު ގެލެކްސީ ފޮޓޯގްރަފީ ގައިޑް "ނެއިލް ދަ ނެގެޓިވްސް" ގައި ހިމެނުނު އިގޫގެ ފޮޓޯއެއް

ޝައުގުވެރިކަމާއެކު ފެށި ޑިޒައިންކުރުމުގެ މަސައްކަތުން މިއަދު އިގޫ އަށް އާމްދަނީ ވެސް ލިބެ އެވެ. ޑިޒައިންކުރުމުގެ އިތުރުން މިއީ މޮޅު ފޮޓޯގްރާފަރެކެވެ. މިހާތަނަށް އޭނާ ނަގާފައިވާ ހަތަރު ފޮޓޯއެއް ސެމްސަންގްގެ ރަސްމީ އެކި ޕޭޖުތަކާއި ގައިޑްތަކުގައި ހިމެނިފައި އެވެ. އިގޫގެ މުޅި ހަޔާތަކީ ވެސް ޒުވާނުންނަށް މިއަދު ނަމޫނާއެކެވެ. ކުރިއަށް ދިއުމަށް ބޭނުންވާ މީހުންނަށް ރަނގަޅު ފިލާވަޅެކެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox