މޯޑު ހުޅުމާލެ ހުސްކޮށްފި، މިއީ އެންމެ ސަޅި 10 ރެސްޓޯރަންޓު

މޯޑު ހުޅުމާލެ ހުސްކޮށްފި، މިއީ އެންމެ ސަޅި 10 ރެސްޓޯރަންޓު

މިއީ އދ. ދިގުރަށަށް އުފަން މުހައްމަދު އިބްރާހިމް (މޯޑު) އާއި އޭނާގެ އަންހެނުން ސައްމި އެވެ. މި ދެމަފިރިންނަކީ ދެކުނު ކޮރެއާގައި އަމިއްލަ ދެ ޓްރެވަލް އޭޖެންސީ ހިންގައި އެ ގައުމުގައި ދިރިއުޅެމުން އަންނަ ދެމަފިރިންނެވެ. ކޮރެއާގައި ދިރިއުޅޭތާ ނުވަ އަހަރުވެއްޖެ އެވެ. އާއްމުކޮށް އާއިލާ އަށް ޒިޔާރަތް ކުރުމަށާއި ޗުއްޓީ ހޭދަކޮށްލަން އެކުގައި ކޮންމެ އަހަރަކު ކަހަލަ ގޮތަކަށް ރާއްޖެއަށް އަންނަ މި ދެމަފިރިން، މި ފަހަރު ރާއްޖޭގައި ކުރީ ތަފާތު ތަޖުރިބާއެކެވެ.

ތިން ކުދިން ކޮރެއާގައި ބައިތިއްބާފައި މިފަހަރު މޯޑުގެ ދެމަފިރިން ރާއްޖެއަށް އައީ ރަސްމީ ކަމެއްގައި 10 ދުވަހަށެވެ. އެކަމަކު ކަން ދިމާވި ގޮތުން ޗުއްޓީ މަހަކަށް ދިގުލައިގެން ގޮސް ގިނަ ދުވަހު މިކޮޅުގައި މަޑުކުރަން ޖެހުމުންް މި ދެމަފިރިން ނިންމީ އެމީހުންގެ ގެސްޓުންނަށް ފައިދާވާނެ ކޮންމެވެސް ކަހަލަ މަސައްކަތެއް ޗުއްޓީގައި ކޮށްލުމަށެވެ. އެގޮތުން މި ދެމަފިރިން މަސައްކަތް ފެށީ، ކޮރެއާ އަށް މިފަހަރު ދިއުމުގެ ކުރިން ހުޅުމާލޭގައި ހުރި ރެސްޓޯރަންޓްތަކަށް ގޮސް އެތަންތަނުގެ ހިދުމަތާއި ކާއެއްޗެހި ތަޖުރިބާ ކުރުމަށް ފަހު، ކޮރެއާ އިން ހުޅުމާލެއަށް އަންނަ ގެސްޓުންނަށް "ހެލްޕް ގައިޑް" އެއް ތައްޔާރުކުރުމަށެވެ.

މޯޑު އާއި އޭނާގެ އަންހެނުން ސައްމި ރާޢްޖޭގެ ރިސޯޓެއްގައި މިފަހަރު ނަގާފައިވާ ފޮޓޯ އެއް: މި ދެމަފިރިންނަކީ ކޮރެއާއިން ރާޢްޖެއަށް އަންނަ ޓޫރިސްޓުންނާ ގާތް ގުޅުމެއް ބާއްވާ ދެމީހުން
މޯޑު އާއި އޭނާގެ އަންހެނުން ސައްމި ރާޢްޖޭގެ ރިސޯޓެއްގައި މިފަހަރު ނަގާފައިވާ ފޮޓޯ އެއް: މި ދެމަފިރިންނަކީ ކޮރެއާއިން ރާޢްޖެއަށް އަންނަ ޓޫރިސްޓުންނާ ގާތް ގުޅުމެއް ބާއްވާ ދެމީހުން

މޯޑު އާއި އޭނާގެ އަންހެނުން ސައްމި ރާޢްޖޭގެ ރިސޯޓެއްގައި މިފަހަރު ނަގާފައިވާ ފޮޓޯ އެއް: މި ދެމަފިރިންނަކީ ކޮރެއާއިން ރާޢްޖެއަށް އަންނަ ޓޫރިސްޓުންނާ ގާތް ގުޅުމެއް ބާއްވާ ދެމީހުން

މި ދެމަފިރިން މިކަން ކޮށްފި އެވެ. ހުޅުމާލޭގައި ހޭދަކުރެވުނު ތިން މަސް ދުވަހުގެ ތެރޭގައި އެ ސިޓީގެ 98 ޕަސެންޓް ރެސްޓޯރެންޓް ތަޖުރިބާ ކޮށްފައިވާ ކަމަށް މޯޑު ބުންޏެވެ.

"ހުޅުމާލެއަށް އަހަރެމެން ގެސްޓުން ފޮނުވަން މީގެ ކުރިން ވެސް. އެކަމަކު އެ ގެސްޓުންނަކަށް އަސްލު ނޭނގެ ހުޅުމާލެއިން އެމީހުންނަށް ލިބެން ހުރި ރަނގަޅު އޮފްޝަންތަކެއް. އެހެންވީމަ ކޮރެއާއަށް ގޮސް މި މައުލޫމާތު ޕަބްލިޝް ކުރީމަ ގެސްޓުންނަށް ވަރަށް ބޮޑު އެހީއަކަށް ވެގެންދާނެ،" މޯޑު ބުންޏެވެ.

ތިރީގައި އެވަނީ، މި ލިޔުމުގައި ހިމަނާލަން، މޯޑު، އޭނާގެ ތަޖުރިބާ އަށް ފަހު ހުޅުމާލެއިން ހޮވައިލި ރެސްޓޯރަންޓް ތަކުގެ ތެރެއިން 10 ރެސްޓޯރަންޓެވެ. މިއީ ހުޅުމާލޭގައި ޗުއްޓީ ހޭދަކުރުމަށް ނުވަތަ ސިމްޕަލް ޑޭޓަކަށް ދާ ދިވެހިންނަށް ވެސް ރަނގަޅު ހިދުމަތް ލިބޭނެ ކަމުގެ ޔަގީންކަން އޭނާއަށް އޮތް ދިހަ ތަނެކެވެ.

މި ތަން ތަން ލިސްކޮށްފައި މިވަނީ އެއްވެސް އޯޑަރަކަށް ފައްތައިގެނެެއް ނޫނެވެ.

ކެފޭއަޔާ

މިތަނުގެ ހިދުމަތް މޯޑަށް ސަޅި އެވެ. މީހުންނަށް ހިދުމަތް ދިނުމާއި ކަސްޓަމާ ކެއާ ދިނުމުގައި ޕްރޮޕެޝަނަލް ސްޓާފުން އުޅޭތަކެއްގެ ގޮތުގައި ފާހަގަކުރި އެވެ. ތަނުގެ ސާފުތާހިރު ކަމާއި އިންޓީރިއާ އާއި ކާއެއްޗެހީގެ ރަހަ، އަދި ކޮލިޓީ ވެސް އޭނާ އަށް ކަމުދިޔަ އެވެ.

"ލޮކޭޝަން ވެސް ވަރަށް ކަމުދޭ،" މޯޑު ބުންޏެވެ. އާއިލާ އާއި ރައްޓެހިންނާއި ކަޕްލްސް ގޮސްލަން ކެފޭއަޔާ އަކީ މޯޑުގެ ނަޒަރުގައި ރަނގަޅު ތަނެކެވެ. އިންސްޓަގްރާމް ކުރާ މީހުންނަށް ރީތި ފޮޓޯކޮޅެއް ވެސް އެތަނުން ލިބޭނެ ކަމަށް ބުންޏެވެ.

ޖީޖީސް ކިޗަން

މިތަނުގެ ސްޓާފުން މޯޑު ސިފަކުރީ ކަސްޓަމަރުންނާ "ރަހުމަތްތެރި" ބައެއްގެ ގޮތުގަ އެވެ. މޮރޮކޯގެ ކެއުންތަކަށް ލޯބިކުރާ މީހުންނަށް މިތަން ކަމުދާނެ ކަމަށް މޯޑު ބުންޏެވެ. ކާއެއްޗެހި ޕްރެޒެންޓް ކުރާ ގޮތް ވެސް ނަލަ ވެފައި މާހައުލު އަރާމު ކަމަށް ވެސް އޭނާ ބުންޏެވެ.

ދަ ތައި ޕެލެސް

މިތަނުން މޯޑުގެ ދެމަފިރިންނަށް އެންމެ ބޮޑަށް ކަމުދިޔައީ ހިދުމަތް ދިނުމުގައި ކަސްޓަމަރުންނަށް އެމީހުން އިސްކަން ދޭ ވަރެވެ. ތައި ކެއުންތަކަށް ހުޅުމާލޭން އޭނާއަށް އެންމެ ކަމުދިޔަ ތަނަކީ މިއެވެ. މެނޫގައި ވަރަށް ގިނަ ތައި ކެއުންތައް ހިމަނާފައި ހުރި ކަން ވެސް ފާޙަގަކުރި އެވެ.

ލަޔާ

ސްޓާފުންގެ ރަހުމަތްތެރި އަހުލާގަށް މޯޑަށް ކަމުދިޔަ އެވެ. ކާއެއްޗެހީގެ ކޮލިޓީ އާއި ރަހަ އަށް ބަލާފައި އަގު ވެސް ރަނގަޅު ކަމަށް އޭނާ ގަބޫލުކުރެ އެވެ. އެންމެ ހިތްހަމަޖެހުނު އެއް ކަމަކީ މެނޫގައި ވަރަށް ގިނަ ބާވަތްތައް ހިމަނާފައި ހުރުމެވެ. ލޮކޭޝަން އާއި ވިއު އަދި މާހައުލު މިތަނުގައި ހިތްގައިމު ކަމަށް ބުންޏެވެ. އާއިލާ އާއި ރައްޓެހިންނާއި ހަގު އުމުރުގެ ކުދިން ގޮވައިގެން އަންނަން ވެސް މިތަން ރަނގަޅުވާނެ ކަމަށް މޯޑު ބުންޏެވެ.

ރެޑް ސްނެޕާ

މިތަނުގެ ވެސް ސާވިސް ވަރަށް ރަނގަޅުކަން މޯޑު ފާހަގަކުރި އެވެ. ކާއެއްޗެހީގެ ކޮލިޓީ އާއި ރަހަ ރަނގަޅުކަމަށް ބުންޏެވެ. މާ އެތެރޭގައި ހުންނަ ތަނަކަށް ނުވާތީ ލޮކޭޝަން ވެސް ރަނގަޅު ކަމަށާއި ހުރިހާ އުމުރެއްގެ މީހުން ގޮސްލަން މިތަން ރަނގަޅު ވެފައި ހިދުމަތާއި އަގު ދިމާވާ ކަމަށް ވެސް ބުންޏެވެ.

ދަ ސެންޓްރަލް ޕާކް ކެފޭ އެންޑް ބިސްޓްރޯ

މިތަނުގެ ސްޓާފުންގެ އަހުލާގާއި ހިދުމަތުގެ ފެންވަރަކީ އޭނާގެ ހިތް ދަމައިގަތް އެންމެ ބޮޑު އެއް ސަބަބެވެ. ކާއެއްޗެހީގެ ރަހަ އާއި ކޮލިޓީ އަދި ޕްރެޒެންޓޭޝަން އާ މެދު ވެސް ވަރަށް ހިތްހަމަ ޖެހުނު ކަމަށް ވެސް މޯޑު ބުންޏެވެ. ދަ ސެންޓްރަލް ޕާކް ކެފޭގެ އެންމެ ހާއްސަ އެއް ސިފައިގެ ގޮތުގައި އެތަނުގެ އިންޓީރިއާ އޭނާ އާއި އަންހެނުން ވަރަށް ކަމުދިޔަ އެވެ.

ހައި ޓައިޑް

ހުޅުމާލެއިން މިފަހަރު ކާންދެވުނު ތަންތަނުގެ ތެރެއިން އެންމެ މީރުކޮށް ކައިލެވުނު އެއް ތަނަކީ މިއީ ކަމަށް މޯޑު ބުންނެވެ. މީގެ އިތުރުން ކާއެއްޗެހި ހުށަހަޅައިދޭ ގޮތާއި، ތަނުގެ ފްލޯ ސްޕޭސް އަތުރާފައިވާ ގޮތް ވެސް އޭނާ އަށް ސަޅި އެވެ. މިއީ ރޫފް ޓޮޕް ރެސްޓޯރަންޓެއް ކަމުން ވިއު ވަރަށް ރީތި ކަމަށް ބުންޏެވެ. އާއިލާ އާއި ރައްޓެހިންނާއި ކަޕުލްސް އަށް އުފާވެރި "މީރު" ވަގުތުކޮޅެއް މިތަނުގައި ހޭދަކޮށްލެވޭނެ ކަމުގެ ޔަގީންކަން އޭނާ ދެ އެވެ.

ދަ ޝެފް މޯޑު ބަދިގެ

ބަދިގެ އިން ދޭ ދިވެހިވަންތަ "ވައިބް" އާއި އެތަނުގެ ސްޓާފުންގެ ހިތްހެޔޮ ކަމާއި އަހުލާގު އޭނާއަށް ވަރަށް ކަމުދިޔަ އެވެ. ހަގީގީ ދިވެހި ކެއުމެއް ހިތްހަމަޖެހިގެން ކެއުމަށް އޭނާގެ ނަޒަރުގައި ހުޅުމާލޭން އެންމެ ރަނގަޅު ތަނަކަށް މިވަގުތު އޭނާއަށް ފެންނަ ތަނަކީ ބަދިގެ އެވެ. ފޫޑް ކޮލިޓީ އާއި ހުށަހަޅައިދިނުން ވެސް އޭނާ އަށް ވަރަށް ކަމުދިޔަ އެވެ.

ރަޓަޓޫލީ

މިތަނުން ވެސް ދޭ ހިދުމަތް ރަނގަޅުވެފައި އިންޓީރިއާގެ ހިތްގައިމުކަން މޯޑަށް ވަރަށް ކަމުދިޔަ އެވެ. ކާއެއްޗެހީގެ ގިނަ އޮޕްޝަންތަކެއް ހުރެފައި، ތައްޔާރުކުރާ ކާނާގެ ރަހަ މީރުވެފައި ހުށަހަޅައިދޭ ގޮތް ވެސް ވަރަށް ކަމުދިޔަ ކަމަށް މޯޑު ބުންޏެވެ.

ވިލު ކެފޭ

މިތަނުގެ ވެސް ސާވިސް އާއި ކާއެއްޗެހީގެ ކޮލިޓީ މޯޑަށް ވަރަށް ކަމުދިޔަ އެވެ.

މޯޑު ބުނީ އޭނާގެ މި މަސައްކަތުގެ ސަބަބުން ކޮރެއާ އިން ރާއްޖެއަށް، ހާއްސަކޮށް ހުޅުމާލެ އަށް އަންނަ ގެސްޓުންނަށް ވަރަށް ބޮޑު ފަސޭހައެއް ލިބޭނެ ކަމުގެ އުންމީދު އެބައޮތް ކަމަށެވެ.

ފަހުގެ ޚަބަރު

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

ގްލެޑިއޭޓާ 2" ގެ ސެޓުގައި ހިނގި ހާދިސާއަކާ ގުޅިގެން ކޯޓަށް

"ގްލެޑިއޭޓާ 2" ގެ މަންޒަރެއް ކުޅެމުން ދަނިކޮށް ހިނގި އަލިފާނުގެ ހާދިސާއެއްގައި ހަށިގަނޑުގެ 15 އިންސައްތަ ފިހުނު އެކްޓަރަކު، ފިލްމު އުފެއްދި ކުންފުންޏާ ދެކޮޅަށް ކޯޓުގައި ދައުވާކޮށްފިއެވެ. މި ހާދިސާގެ ޒިންމާ ފިލްމީ ކުންފުނިން އުފުލި ނަމަވެސް، ލިބުނު އަނިޔާތަކަށް ބަދަލުގެ ގޮތުގައި އެދިފައިވާ 200،000 ޕައުންޑް ދިނުމަށް އެ ކުންފުނިން ވަނީ އިންކާރުކޮށްފައެވެ.

ދިގުވާހަކަ: ބުނާށޭ ލޯބި ނުވަނީހޭ

މި ވާހަކައިގައި ކިޔައިދެނީ އިވާން އާއި މައިރާގެ މެދުގައި ހިނގި ލޯބިވެތި ވަގުތުކޮޅެއްގެ ވާހަކައެވެ. ނަމަވެސް، ކޮޓަރީގެ ބޭރުން ނަދާލް ގޮވައިލި އަޑަށް އެ ދެމީހުންގެ ހަރަކާތްތަކަށް ހުއްޓުމެއް އައިސް، މައިރާ ނަދާލަށް ޖަވާބުދީ އެތަނުން ދާން މަސައްކަތް ކުރެއެވެ.

Newsletter

Get the latest news delivered straight to your inbox