މައްސަލަތަކަށް ވުރެ ބޮޑަށް ނިޒާމްބެގެ ފޯކަސް މެޗަށް

ލީގުގެ މެޗެއްގެ ތެރެއިން ނިޒާމްބެ.-- ފޮޓޯ: އިބްރާހިމް ފާއިދު/ އެފްއޭއެމް

ލީގުގެ މެޗެއްގެ ތެރެއިން ނިޒާމްބެ.-- ފޮޓޯ: އިބްރާހިމް ފާއިދު/ އެފްއޭއެމް

ދިރާގު ދިވެހި ޕްރިމިއާ ލީގުގައި މިރޭ ކްލަބް ގްރީން ސްޓްރީޓްސްގެ މެޗަށް ނުކުންނައިރު ޓީމުގައި ހުރި އެކި ކަހަލަ މައްސަލަތަކަށް ވުރެ ބޮޑަށް ފޯކަސް ކުރަން ބޭނުންވަނީ މެޗަށް ކުޅުންތެރިން މޯޓިވޭޓްކުރެވޭނެ ގޮތަށް ކަންތައްތައް ކުރުމަށް ކަމަށް ޓީސީ ސްޕޯޓްސް ކްލަބްގެ ކޯޗު މުހައްމަދު ނިޒާމް (ނިޒާމްބެ) ބުނެފި އެވެ.

ޓީސީ އާއި ގްރީން ސްޓްރީޓްސް ކުޅޭ މެޗު ފުރަތަމަ ތާވަލުކޮށްފައި އޮތީ މިއަދު ހަވީރު ކުޅޭ ގޮތަށެވެ. އެކަމަކު ލޯކަލް ކައުންސިލް އިންތިހާބު ކުރިއަށްދާތީ އެ މެޗު ކުޅޭ ވަގުތު ވަނީ މިރެ އަށް ބަދަލުކޮށްފަ އެވެ.

މި ސީޒަނަށް ޓީސީން ތައްޔާރުވިއިރު އެ ޓީމުން ވަރަށް ބޮޑަށް ހަރަދުކުޑަކޮށް ސްކޮޑު އެކުލަވާލިއިރު، އެންމެ ބޮޑަށް އަމާޒުހިފީ މިދިޔަ ސީޒަނުގައި އެ ކްލަބްގެ ކުޅުންތެރިންނަށް ނުދީ ހުރި މުސާރަ ހަލާސްކުރުމަށާއި މި ސީޒަން ރަނގަޅަށް މެނޭޖްކުރުމަށެވެ. އެކަމަކު މި ސީޒަނުގައި ވެސް މުސާރަ ދިނުމުގެ ދަތިތަކެއް ޓީސީ އަށް ވަނީ ކުރިމަތިވެފަ އެވެ.

ގްރީން ސްޓްރީޓްސް މެޗުގެ ކުރިން އޮތް ނޫސްވެރިންގެ ބައްދަލުވުމުގައި ނިޒާމްބެ ބުނީ އޭނާ އަކީ އެއްވެސް އިރެއްގައި އެ ހުންނަ ކްލަބެއްގެ އެކި މައްސަލަތަކުގެ ވާހަކަ މީޑިއާތަކުގައި ދައްކާ މީހެއް ނޫން ކަމަށެވެ.

"އެއްވެސް އިރެއްގައި އަޅުގަނޑު ކުރާ ކަމެއް ނޫން އަޅުގަނޑު އާއިލާ ތެރޭގައި ހުންނަ ކަންކަމާއި އާއިލާ ތެރޭގައި ހުންނަ މައްސަލަ އަޅުގަނޑު ނޫސްތަކަށް ގެނެސް ޕަބްލިކް ކުރުން އެއީ. ކޮންމެ ކްލަބެއްގައި ވެސް ހުންނާނެ ކަންތައްތަކެއް ކޮންމެ ކްލަބެއްގައި ވެސް ހުންނާނެ މައްސަލަތަކެއް. އެހެން ނަމަވެސް އެ މައްސަލަތަކުން އަރައިގަނެ ހައްލު ހޯދަން މަސައްކަތްކުރުމަކިީ އޮންނަ ގޮތަކީ. މި ދަނޑިވަޅުގައި އެ ވާހަކަ ދެއްކުމަކީ އެއްގޮތަކަށް ވެސް ބޭނުންވާ ކަމެއް ނޫން،" ނިޒާމްބެ ބުންޏެވެ.

މިރޭގެ މެޗަށް ނުކުންނައިރު ޓީސީ އަށް އޮތް އެންމެ ބޮޑު ހިތްހަމަޖެހުމަކީ އެ ޓީމު އެންމެ ފަހުން ކުޅުނު މެޗުން ޔުނައިޓެޑް ވިކްޓްރީ (ޔޫވީ) އަތުން މޮޅެއް ލިބިފައިވުމެވެ. ނިޒާމްބެ ބުނީ ކޮންމެ ޓީމެއް މެޗަކަށް ނުކުންނައިރު އެ ޓީމު އެންމެ ފަހުން ކުޅޭ މެޗުގެ ނަތީޖާ އަކީ ވަރަށް ބޮޑު ދައުރެއް އަދާކުރާނެ އެއްޗެއް ކަމަށެވެ.

"ކުޅުންތެރިންގެ މޮޓިވޭޝަން ވެސް ހުންނާނީ ވަރަށް ރަނގަޅަށް. އެހެން ނަމަވެސް ކުުޅުންތެރިން ގަބޫލުކުރޭ ކުރަން ޖެހޭ މަސައްކަތް ގިނަކަން. ރަނގަޅުކުރަން ޖެހޭ މަސައްކަތް ބައިވަރުކަން. އޭގެ ތެރެއިން ގިނަ ކަންކަން ކުރިއަށް ހުރި މެޗަށް ރަނގަޅުކޮށްގެން. އެންމެ ރަނގަޅަށް ޓީމު ތައްޔާރުކުރެވޭތޯ މަސައްކަތްކުރަނީ،" ނިޒާމްބެ ބުންޏެވެ.

ލީގުގައި މި ވަގުތު ޓީސީ އޮތީ ފަސް ވަނައިގަ އެވެ. އެއީ 11 މެޗުން 12 ޕޮއިންޓާ އެކު އެވެ. ހަ ވަނައިގައި އޮތް އީގަލްސް އަށް 10 މެޗުން 12 ޕޮއިންޓް ލިބިފައިވާއިރު، ރޭ ވެލެންސިއާ އަތުން ބަލިވި ސުޕަ ޔުނައިޓެޑް ސްޕޯޓްސް (ސަސް) ވަނީ ހަތް ވަނަ އަށް ވެއްޓިފަ އެވެ. އެ ޓީމަށް ވަނީ 12 މެޗުން 12 ޕޮއިންޓް ލިބިފަ އެވެ. ސަސް ބަލިވެފައި އޮތުމާއި އީގަލްސް މި ހަފްތާގައި މެޗު ނުކުޅޭތީ ޓީސީ އަށް އޮތީ ފަސް ވަަނައިގައި ލީޑެއް ނަގައި، ހަތަރެއްގައި އޮތް ދަ ގްރާންޑޭއާ އެއް ޕޮއިންޓަށް ގާތަށް ޖެހިލުމުގެ ފުރުސަތު ލިބިފަ އެވެ.

ނިޒާމްބެ ބުނީ ހަގީގަތުގައި މިއީ ލީގުގައި ޓީސީ އަށް ވަރަށް މުހިއްމު ތިން ޕޮއިންޓް ކަމަށެވެ.

"މިހާރު ޓީސީ މި އޮތް ހާލަތުން މި ތިން ޕޮއިންޓަކީ ހަމަ ވަރަށް މުހިއްމު އެއްޗެއް. މި ބުރުގައި ޓީސީ އަށް ނެގެން އޮތް މެކްސިމަމް (އެންމެ ގިނަ ޕޮއިންޓް) ނަގަން ހަމަ މަސައްކަތްކުރަން ޖެހޭނީ. އެއީ އަނެއް ބުރަށް ދާއިރު ޓީސީ އެބަޖެހޭ އެންމެ ފުލުގައި މި އޮތް ޓީމުތައް އަތުން ފޭވޭތޯ މަސައްކަތްކުރަން. އެ ގޮތުން މި ތިން ޕޮއިންޓަކީ ހަމަ މި ބުރުގެ އެންމެ މުހިއްމު ތިން ޕޮއިންޓަށް ވާނެ،" ނިޒާމްބެ ބުންޏެވެ.

ލީގުގައި ޓީސީ ކުޅުނު މެޗުތަކަށް ބަލާއިރު އެ ޓީމަށް ދިމާވެފައިވާ އެންމެ ބޮޑު މައްސަލަ އަކީ ލަނޑު ނުޖެހުމެވެ. އެ ޓީމަށް އެކަން ހައްލުކޮށްދެނީ އެކި މަގާމުތަކަށް ކުޅެވޭ އެ ޓީމުގެ ކެޕްޓަން މުހައްމަދު އައްޒާމް އެވެ. ނިޒާމްބެ ބުނީ އައްޒާމަކީ އެއް ފެންވަރަކަށް ގިނަ މަގާުމުތަކަށް ކުޅެވޭ ކުޅުންތެރިއަކަށްވާއިރު، އޭނާ ބޭނުންކުރާނީ އެ މެޗަކަށް ޓީމަށް އެންމެ މުހިއްމުވާ މަގާމުގައި ކަމަށެވެ.

އަނިޔާގެ ސަބަބުން ޓީސީން އެންމެ ފަހުން ކުޅުނު މެޗުގައި ނުފެނުނު ސެއިން ވިންސެންޓްގެ ފޯވާޑް މެލްކަމް ކެސިއަސް ސްޓެވާޓް (ބޮބީ) އަށް މި މެޗުގައި ނުކުޅެވޭއިރު، މުހައްމަދު އަޖުފާނަށް ވެސް މި މެޗު ގެއްލޭނެ އެވެ. އެކަމަކު ލަންކާގެ ޑިފެންޑަރު ޑަކްސަން ވަނީ ފިޓްވެފަ އެވެ.

ޓީސީން އެންމެ ފަހުން ނިމުނު ޓްރާންސްފާ މާކެޓްގައި ފުރަތަމަ ޑިވިޝަނުގެ ގިނަ ޓީމުތަކަށް ކުޅެފައިވާ މޫސާ ހަސަން (މޫޗީ) އާއި ވިންގް ހަސަން ސޮލާހު ވަނީ ގެނެސްފަ އެވެ. އެންމެ ފަހުން މެޗުގައި މޫޗީ ވަނީ ކުޅެފަ އެވެ. ނިޒާމްބެ ބުނީ މޫޗީގެ ފަރާތުން ފެނުނު ކުޅުން ރަނގަޅުކަމަށާއި ފިޓްނަސް ރަނގަޅުވިހާ އަވަހަކަށް ސޮލާހު ވެސް މެޗުތަކުން ފެންނާނެ ކަމަށެވެ.

ގްރީން ސްޓްރީޓްސް އާއި ޓީސީ ކުޅޭ މެޗު ފަށާނީ މިރޭ 9 ޖަހާއިރު އެވެ.

ކޮމެންޓް

ފަހުގެ ޚަބަރު

އިންޑިއާ އިން 10 ވަނަ ފަހަރަށް ސާފްގެ ތަށި އުފުލާލައިފި

ޕާކިސްތާން 2-1 އިން ބަލިކޮށް، އިންޑިއާ އިން 10 ވަނަ ފަހަރަށް ސާފް ޗެމްޕިއަންޝިޕްގެ ތަށި ކާމިޔާބުކޮށްފިއެވެ. މިއީ އިންޑިއާ އިން ޖެހިޖެހިގެން މި މުބާރާތުގެ ތަށި އުފުލާލި ތިންވަނަ ފަހަރެވެ. ފުރަތަމަ ހާފުގައި ޕާކިސްތާނުން ލީޑު ނެގި ނަމަވެސް، ދެވަނަ ހާފުގައި އިންޑިއާ އިން ވަނީ ފަހަތުން އަރައި ދެ ގޯލު ޖަހައި މެޗު ކާމިޔާބުކޮށްފައެވެ.

ސުޖަން، 17 އަހަރަށް ފަހު ސްރީ ލަންކާ އަށް ކުޅުން ހުއްޓާލައިފި

ސްރީ ލަންކާގެ ގައުމީ ފުޓްބޯޅަ ޓީމަށް 17 އަހަރު ވަންދެން ކުޅެދިނުމަށްފަހު، އެ ޓީމުގެ ކެޕްޓަން އަދި ގޯލްކީޕަރު ސުޖަން ޕެރޭރާ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ގައުމީ ޓީމަށް 69 މެޗު ކުޅެދީފައިވާ ސުޖަންގެ ރިޓަޔަމަންޓް ފާހަގަކުރުމަށް އަންނަ އަހަރުގެ މާޗް މަހު ހާއްސަ ހަފްލާއެއް ބޭއްވުމަށް ލަންކާ ފުޓްބޯޅަ ފެޑެރޭޝަނުން ވަނީ ނިންމާފައި

އިޔަން އާއި އާމިން ގައުމީ ބޮޑީބޯޑިން ލީގު ޓައިޓަލް ދިފާއުކޮށްފި

މި އަހަރުގެ ގައުމީ ބޮޑީބޯޑިން ލީގުގެ ޗެމްޕިއަންކަން އާމިން އުމަރު މޫސާ ދިފާއުކުރިއިރު، ޖޫނިއާ ލީގުގެ ޓައިޓަލް އިޔަން އަހުމަދު ވަނީ ދިފާއުކޮށްފައެވެ. އާމިން ލީގު ކާމިޔާބުކުރީ ސީޒަން ނިންމާލުމަށް ބޭއްވި ބަނޑުފިލާ ޗެލެންޖުގެ މެންސް އޯޕަން ބައިގެ އެއްވަނަ ހޯދައިގެންނެވެ. އަދި އިޔަން ޖޫނިއާ ލީގުގެ އެއްވަނަ ހޯދީ ބަނޑުފިލާ ޗެލެންޖުގެ ޖޫނިއާ ބައިގެ ފައިނަލުގައި ވާދަވެރި ކުޅުމަކަށްފަހު ކުރިހޯދައިގެންނެވެ.

އިންޑިއާގެ އަމާޒު ހުރީ ޖެހިޖެހިގެން ތިން ވަނަ ސާފް ތަށްޓައް

މި ފަހަރުގެ ސާފް ޗެމްޕިއަންޝިޕް ކާމިޔާބުކޮށް، ޖެހިޖެހިގެން ތިންވަނަ ފަހަރަށް ތަށި ހޯދުމުގެ އަމާޒުގައި އިންޑިއާ މިރޭ ފައިނަލުގައި ޕާކިސްތާނާ ދެކޮޅަށް ނުކުންނާނެ. އިންޑިއާގެ ކޯޗު ނައުޝާދު މޫސާ ބުނިގޮތުގައި، ގިނަ ގޮންޖެހުންތަކަކާއެކު ވެސް މި މުބާރާތް ކާމިޔާބުކުރުމަކީ އެ ގައުމުގެ ފުޓްބޯޅައަށް ލިބޭނެ ވަރަށް ބޮޑު ކުރިއެރުމެއް

ޕާކިސްތާނަށް އިންޑިއާ ބަލިކުރަން އެނގޭނެ: ސޮލާނޯ

ސާފް ޗެމްޕިއަންޝިޕްގެ ފައިނަލުގައި އިންޑިއާ ބަލިކުރަން އެނގޭނެ ކަމަށް ޕާކިސްތާނުގެ ކޯޗު ސޮލާނޯ ބުނެފައިވާއިރު، މިއީ އެ ގައުމުން މި މުބާރާތުގެ ފައިނަލުގައި ކުޅޭ ފުރަތަމަ ފަހަރެވެ. ގްރޫޕް ސްޓޭޖުގައި އިންޑިއާ އަތުން ބަލިވި ނަމަވެސް، ޔޫރަޕްގައި ކުޅޭ މުހިންމު ކުޅުންތެރިންތަކެއް ޓީމާ ގުޅުމަކީ ޕާކިސްތާނަށް ލިބޭ ބޮޑު ހިތްހަމަޖެހުމެކެވެ. އިންޑިއާ އަކީ މި މުބާރާތުގެ ތަށި ނުވަ ފަހަރު ހޯދާފައިވާ އެންމެ ކާމިޔާބު ޓީމެވެ.

ވާޓްޒްގެ ލަނޑުތަަކާ އެކު ޖަރުމަނުން ނެދަލެންޑްސް ބަލިކޮށްފި

ޔުއެފާ ނޭޝަންސް ލީގުގައި ރޭ ކުޅުނު މެޗުން 5-0 ގެ ބޮޑު ތަފާތަކުން ނެދަލެންޑްސް ބަލިކޮށް، ޖަރުމަނުން މުބާރާތުގެ ކުއާޓާ ފައިނަލުގެ ޖާގައެއް ކަށަވަރުކޮށްފި. ފްލޯރިއަން ވާޓްޒް ދެ ލަނޑު ކާމިޔާބުކުރި މި މެޗުގެ ނަތީޖާއާއެކު، ޖަރުމަނުން ވަނީ ގްރޫޕްގެ އެއްވަނަ މަގާމު ވެސް ހޯދާފައި.

ޔުއެފާ އިން ފީފާ އިންތިހާބަށް ނެރުނީ ފްރާްންސްގެ ފުޓްބޯޅަ ރައީސް

އަންނަ އަހަރު ބާއްވާ ފީފާގެ އިންތިހާބުގައި ވާދަކުރަން އާސެން ވެންގާ ދެކޮޅު ހެދުމުން، ޔުއެފާގެ ތާއީދާއެކު ފްރާންސް ފުޓްބޯޅަ ފެޑެރޭޝަންގެ ރައީސް ފިލީޕޭ ޑިއާލޯ އިންތިހާބަށް ކުރިމަތިލައްވައިފި. މި އިންތިހާބުގައި ޑިއާލޯގެ އިތުރުން މިހާރުގެ ރައީސް އިންފަންޓީނޯ އާއި އިތުރު ދެ ކެންޑިޑޭޓުން ވާދަކުރާއިރު، އިންތިހާބު އޮންނާނީ އަންނަ އަހަރުގެ މާޗް މަހުގައި

Newsletter

Get the latest news delivered straight to your inbox