ޔުނައިޓެޑް ވިކްޓްރީގެ ހުށަހެޅުމެއް ސާންތީ އަށް އެބައޮތް

ނޫސްވެރިންގެ ބައްދަލުވުމުގެ ތެރެއިން ސާންތީ.-- ފޮޓޯ: ހުސެއިން ވަހީދު/ އަދަދު

ނޫސްވެރިންގެ ބައްދަލުވުމުގެ ތެރެއިން ސާންތީ.-- ފޮޓޯ: ހުސެއިން ވަހީދު/ އަދަދު

ޔުނައިޓެޑް ވިކްޓްރީ (ޔޫވީ)ގެ ހުށަހެޅުމެއް ލިބިފައިވާ ކަމަށާއި ފުރުސަތު ބޮޑީ އަންނަ ސީޒަނުގައި ވެސް އޭނާ އެ ޓީމުން ފެނުން ކަމަށް ޔުނައިޓެޑް ވިކްޓްރީގެ ކޯޗު އިހުސާން އަބްދުލް ގަނީ (ސާންތީ) ބުނެފި އެވެ.

ޔުނައިޓެޑް ވިކްޓްރީ ކޯޗު މުހައްމަދު އާދަމްގެ އިރުޝާދުގެ ދަށުން މި ސީޒަނަށް ފުރަތަމަ ޕްރީ ސީޒަން ހަރަކާތްތައް ފެށިއިރު، ސާންތީ ހުރީ ޔުނައިޓެޑް ވިކްޓްރީގެ ކޯޗިން ޓީމާ އެކު ވޮލަންޓިއަރެއްގެ ގޮތުގައި އެހީތެރިވެދޭށެވެ. އެކަމަކު ކޯޗު މުހައްމަދު ވަކިކުރުމަށް ފަހު ސާންތީއާ ޓީމު ހަވާލުކުރަން ނިންމުމުން, އޭނާ އެންމެ ފުރަތަމަ ނިންމީ މި ސީޒަނުގެ ނިޔަަލަށް އެ ޓީމުގައި މަޑުކުރާށެވެ. އެކަމަކު އޭނާ ވަނީ މިހާރު އެ ކްލަބާ އެކު ދުރަށް ވިސްނައި މަސައްކަތްތަކެއް ފަށައިފަ އެވެ.

ލީގުގައި މިއަދު ހަވީރު ދަ ގްރާންޑޭއާ ދެކޮޅަށް ކުޅޭ މެޗުގެ ކުރިން އިއްޔެ އޮތް ނޫސްވެރިންގެ ބައްދަލުވުމުގައި ސާންތީ ވަނީ ޔުނައިޓެޑް ވިކްޓްރީގެ މެނޭޖްމަންޓުން އެދެނީ އޭނާ އެ ކްލަބްގައި މަޑުކުރުމަށް ކަމަށް ބުނެފަ އެވެ.

"ދެން ތަންކޮޅެއް އަވަސް ކަންނޭނގެ އެ ވާހަކަ ދައްކަން. އެކަަމަކު މިހާރު ވަރަށް ދެކިލަން ބޭނުންވޭ ޔޫވީ ރަނގަޅު ޓީމެއްގެ ގޮތުގައި އޮންނަތަން. ދެން އަޅުގަނޑަށް މީގެ އިން އުއްމީދުގެ ހުޅުކޮޅެއް އެބަފޭނެ ހަމަ. އަޅުގަނޑަކީ ޔޫތު ޑިވެލޮޕްމަންޓަށް ޕްރިއޯރިޓީ (ހާއްސަކަން) ދޭ ކޯޗެއް. އިރާދަކުރެއްވިއްޔާ ޔުނައިޓެޑް ވިކްޓްރީގައި ހުރުމުގެ ޗާންސް ބޮޑު. މީގެ އަޅުގަނޑު ހުރެއްޖިއްޔާ ވަރަށް ބޮޑުތަން ޅަ ކޮށްގެން ޓީމެއް ބިލްޑްކުރަން ވިސްނުން އޮތީ. މެނޭޖްމަންޓުގެ ވިސްނުން ވެސް އެ ގޮތަށް،" ކްލަބް އީގަލްސްގައި ޓީމެއް ބިނާކޮށް އެ ޓީމު ފުރަތަމަ ޑިވިޝަނުގެ ގަދަބާރަކަށް ހެދުމުގައި އެހީތެރިވި ސާންތީ ބުންޏެވެ.

ލީގުގައި މި ވަގުތު ޔުނައިޓެޑް ވިކްޓްރީ އޮތީ އެންމެ ފުލުގަ އެވެ. އެ ޓީމަށް 11 މެޗުން ލިބިފައިވަނީ ތިން ޕޮއިންޓެވެ. ލީގުގައި މޮޅެއް ނުލިބި އޮތް ހަމައެކަނި ޓީމަކީ ޔުނައިޓެޑް ވިކްޓްރީ އެވެ. ލީގުގައި އެންމެ ފަހުން ކުޅުނު މެޗުން ޔުނައިޓެޑް ވިކްޓްރީ ވަނީ ޓީސީ އަތުން ބަލިވެފަ އެވެ. އެ މެޗަށް ފަހު ސާންތީ ވަނީ އެ ޓީމުން ދެން ފޯކަސް ކުރާނެ އެއް ކަމަކީ ރެލިގޭޝަނުގައި ކުޅޭނެ ހާލަތަށް ޓީމު ތައްޔާރުކުރުމަށް ކަމަށެވެ.

"ޔުނައިޓެޑް ވިކްޓްރީން ބޭނުންވާނީ ގްރާންޑޭ މެޗުގައި ވެސް މޮޅެއް. (މޮޅެއް ނުލިބި ގުނާ ދުވަސްތަކަށް) މިއަށް ނިމުމެއް ގެނެވޭތޯ ދެން ބަލާނީ. ނުކުންނާނީ ތިން ޕޮއިންޓް ހޯދަން. އެކަމަކު އެ ހިސާބަށް (ރެލިގޭޝަނަށް) ވެސް މަޑުމަޑުން ޕްލޭން ކުރަމުންދާނީ،" ސާންތީ ބުންޏެވެ.

"ކޮންމެ ގޮތެއް ވިޔަސް މިހާރު މި މެޗަށް ނުކުންނައިރު ގްރާންޑޭ އަށް ޕްރެޝަރު މިއޮތީ. ޓާގެޓަށް ރީޗްވާ ހިސާބުގައި އެ އޮތީ އެ ޓީމު(ގްރާންޑޭ). އަޅުގަނޑު މި ދަންނަވަނީ ޔޫވީ އަށް ނެތޭ ބަލިވެގެން ބަޔަކު ދައްކާނެ ވާހަކައެއް. ދެން މީގެ ޔޫވީގެ ކޯޗެއްގެ ހައިސިއްޔަތުން އަހަރެމެން އެބަ ވިސްނަންޖެހޭ އެޔަށް (ރެލިގޭޝަން އަށް) ވެސް މިސާލަކަށް ކޮންކަހަލަ ޗޭންޖްތަކެއްތޯ އެ އަށް ގެނެވޭނީ،"

ސާންތީ ބުނީ މި މެޗަށް ނުކުންނައިރު އެއް ހިތްހަމަޖެހުމަކީ ބޭރު ޑިފެންޑަރު މަަރަޓް އަނިޔާއިން ރަނގަޅުވިއިރު، ޓީމު ކުޅުންތެރިންގެ ރޫހު ވެސް މެޗަކަށް ފަހު މެޗެއް ރަނގަޅުވުން ކަމަށެވެ. އެކަމަކު ޑިފެންސްލައިން އެއްކޮށް ރަނގަޅުވާނީ މި ވަގުތު އަނިޔާގައި ހުރި އާދިލް އަބްދުއްރަހްމާން ޓީމާ ގުޅުމުން ކަމަށް ސާންތީ ބުންޏެވެ.

ޔުނައިޓެޑް ވިކްޓްރީން ޓީސީއާ ދެކޮޅަށް ކުޅުނު މެޗުގައި އެ ޓީމުގެ އެންމެ ކުރިއަށް ކުޅެމުންދިޔައީ އިސްމާއިލް އީސާ (މެސީ) އެވެ. ސާންތީ ބުނީ ޔުނައިޓެޑް ވިކްޓްރީން ވިސްނާނީ އީސާ އާއި މުހައްމަދު އާރިފް (ބަކާ)ގެ ބޭނުން ރަނގަޅަށް ހިފައި މި ހާލަތުން އަރައިގަންނަން ކަމަށެވެ.

"މި ވަގުތަށް އެންމެ ބޮޑަށް ޓީމަށް މެސީ އަށް ކޮށްދެވޭނެ ކަމަކީ އެއީ (ކުރިއަށް ކުޅުން). ގައުމީ ޓީމުގެ ދެ ކުޅުންތެރިން މި ތިބީ ބަކާ އާއި މެސީ. އެ ދެ ކުޅުންތެރިންނަށް ގައުމީ ޓީމުން ފުރުސަތު ގެއްލޭނެ ކަމެއް އަޅުގަނޑު ނުކުރާނަން. ޔޫވީގެ ހާލަތު ބަދަލުކުރަން އެ ދެ ކުޅުންތެރިން ވެސް ވަރަށް ބޭނުން،" ސާންތީ ބުންޏެވެ.

ޔުނައިޓެޑް ވިކްޓްރީން މި މެޗަށް ނުކުންނައިރު އެންމެ ފަހުން ކުޅުނު މެޗުގައި ސަސްޕެންޝަންގެ ސަަބަބުން ނުފެނުނު އަލީ ހައިޝަމް (ޗުމްޕު) އަށް ކުޅެވޭނެ އެވެ. އެކަމަކު ޓީސީ މެޗުގައި ރަތް ކާޑު ދެއްކި އަހުމަދު ވިސާމް (ޖެރާޑް) މި މެޗަށް ސަސްޕެންޑްވާނެ އެވެ.

ލީގުގައި ޔުނައިޓެޑް ވިކްޓްރީ އާއި ދަ ގްރާންޑޭގެ މެޗު ފަށާނީ މިއަދު ހަވީރު 4 ޖަހާއިރު އެވެ.

ކޮމެންޓް

ފަހުގެ ޚަބަރު

އިންޑިއާ އިން 10 ވަނަ ފަހަރަށް ސާފްގެ ތަށި އުފުލާލައިފި

ޕާކިސްތާން 2-1 އިން ބަލިކޮށް، އިންޑިއާ އިން 10 ވަނަ ފަހަރަށް ސާފް ޗެމްޕިއަންޝިޕްގެ ތަށި ކާމިޔާބުކޮށްފިއެވެ. މިއީ އިންޑިއާ އިން ޖެހިޖެހިގެން މި މުބާރާތުގެ ތަށި އުފުލާލި ތިންވަނަ ފަހަރެވެ. ފުރަތަމަ ހާފުގައި ޕާކިސްތާނުން ލީޑު ނެގި ނަމަވެސް، ދެވަނަ ހާފުގައި އިންޑިއާ އިން ވަނީ ފަހަތުން އަރައި ދެ ގޯލު ޖަހައި މެޗު ކާމިޔާބުކޮށްފައެވެ.

ސުޖަން، 17 އަހަރަށް ފަހު ސްރީ ލަންކާ އަށް ކުޅުން ހުއްޓާލައިފި

ސްރީ ލަންކާގެ ގައުމީ ފުޓްބޯޅަ ޓީމަށް 17 އަހަރު ވަންދެން ކުޅެދިނުމަށްފަހު، އެ ޓީމުގެ ކެޕްޓަން އަދި ގޯލްކީޕަރު ސުޖަން ޕެރޭރާ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ގައުމީ ޓީމަށް 69 މެޗު ކުޅެދީފައިވާ ސުޖަންގެ ރިޓަޔަމަންޓް ފާހަގަކުރުމަށް އަންނަ އަހަރުގެ މާޗް މަހު ހާއްސަ ހަފްލާއެއް ބޭއްވުމަށް ލަންކާ ފުޓްބޯޅަ ފެޑެރޭޝަނުން ވަނީ ނިންމާފައި

އިޔަން އާއި އާމިން ގައުމީ ބޮޑީބޯޑިން ލީގު ޓައިޓަލް ދިފާއުކޮށްފި

މި އަހަރުގެ ގައުމީ ބޮޑީބޯޑިން ލީގުގެ ޗެމްޕިއަންކަން އާމިން އުމަރު މޫސާ ދިފާއުކުރިއިރު، ޖޫނިއާ ލީގުގެ ޓައިޓަލް އިޔަން އަހުމަދު ވަނީ ދިފާއުކޮށްފައެވެ. އާމިން ލީގު ކާމިޔާބުކުރީ ސީޒަން ނިންމާލުމަށް ބޭއްވި ބަނޑުފިލާ ޗެލެންޖުގެ މެންސް އޯޕަން ބައިގެ އެއްވަނަ ހޯދައިގެންނެވެ. އަދި އިޔަން ޖޫނިއާ ލީގުގެ އެއްވަނަ ހޯދީ ބަނޑުފިލާ ޗެލެންޖުގެ ޖޫނިއާ ބައިގެ ފައިނަލުގައި ވާދަވެރި ކުޅުމަކަށްފަހު ކުރިހޯދައިގެންނެވެ.

އިންޑިއާގެ އަމާޒު ހުރީ ޖެހިޖެހިގެން ތިން ވަނަ ސާފް ތަށްޓައް

މި ފަހަރުގެ ސާފް ޗެމްޕިއަންޝިޕް ކާމިޔާބުކޮށް، ޖެހިޖެހިގެން ތިންވަނަ ފަހަރަށް ތަށި ހޯދުމުގެ އަމާޒުގައި އިންޑިއާ މިރޭ ފައިނަލުގައި ޕާކިސްތާނާ ދެކޮޅަށް ނުކުންނާނެ. އިންޑިއާގެ ކޯޗު ނައުޝާދު މޫސާ ބުނިގޮތުގައި، ގިނަ ގޮންޖެހުންތަކަކާއެކު ވެސް މި މުބާރާތް ކާމިޔާބުކުރުމަކީ އެ ގައުމުގެ ފުޓްބޯޅައަށް ލިބޭނެ ވަރަށް ބޮޑު ކުރިއެރުމެއް

ޕާކިސްތާނަށް އިންޑިއާ ބަލިކުރަން އެނގޭނެ: ސޮލާނޯ

ސާފް ޗެމްޕިއަންޝިޕްގެ ފައިނަލުގައި އިންޑިއާ ބަލިކުރަން އެނގޭނެ ކަމަށް ޕާކިސްތާނުގެ ކޯޗު ސޮލާނޯ ބުނެފައިވާއިރު، މިއީ އެ ގައުމުން މި މުބާރާތުގެ ފައިނަލުގައި ކުޅޭ ފުރަތަމަ ފަހަރެވެ. ގްރޫޕް ސްޓޭޖުގައި އިންޑިއާ އަތުން ބަލިވި ނަމަވެސް، ޔޫރަޕްގައި ކުޅޭ މުހިންމު ކުޅުންތެރިންތަކެއް ޓީމާ ގުޅުމަކީ ޕާކިސްތާނަށް ލިބޭ ބޮޑު ހިތްހަމަޖެހުމެކެވެ. އިންޑިއާ އަކީ މި މުބާރާތުގެ ތަށި ނުވަ ފަހަރު ހޯދާފައިވާ އެންމެ ކާމިޔާބު ޓީމެވެ.

ވާޓްޒްގެ ލަނޑުތަަކާ އެކު ޖަރުމަނުން ނެދަލެންޑްސް ބަލިކޮށްފި

ޔުއެފާ ނޭޝަންސް ލީގުގައި ރޭ ކުޅުނު މެޗުން 5-0 ގެ ބޮޑު ތަފާތަކުން ނެދަލެންޑްސް ބަލިކޮށް، ޖަރުމަނުން މުބާރާތުގެ ކުއާޓާ ފައިނަލުގެ ޖާގައެއް ކަށަވަރުކޮށްފި. ފްލޯރިއަން ވާޓްޒް ދެ ލަނޑު ކާމިޔާބުކުރި މި މެޗުގެ ނަތީޖާއާއެކު، ޖަރުމަނުން ވަނީ ގްރޫޕްގެ އެއްވަނަ މަގާމު ވެސް ހޯދާފައި.

ޔުއެފާ އިން ފީފާ އިންތިހާބަށް ނެރުނީ ފްރާްންސްގެ ފުޓްބޯޅަ ރައީސް

އަންނަ އަހަރު ބާއްވާ ފީފާގެ އިންތިހާބުގައި ވާދަކުރަން އާސެން ވެންގާ ދެކޮޅު ހެދުމުން، ޔުއެފާގެ ތާއީދާއެކު ފްރާންސް ފުޓްބޯޅަ ފެޑެރޭޝަންގެ ރައީސް ފިލީޕޭ ޑިއާލޯ އިންތިހާބަށް ކުރިމަތިލައްވައިފި. މި އިންތިހާބުގައި ޑިއާލޯގެ އިތުރުން މިހާރުގެ ރައީސް އިންފަންޓީނޯ އާއި އިތުރު ދެ ކެންޑިޑޭޓުން ވާދަކުރާއިރު، އިންތިހާބު އޮންނާނީ އަންނަ އަހަރުގެ މާޗް މަހުގައި

Newsletter

Get the latest news delivered straight to your inbox