ފުރަތަމަ ލެގުގައި ރެއާލުން ލިވަޕޫލް ބަލިކޮށްފި

Apr 7, 2021, 3:48 AM
ރެއާލްގެ ވިނީޝިއުސް (ވ) ލިވަޕޫލްގެ ޓްރެންޓް އަތުން ބޯޅަ ހޯދަން މަސައްކަތްކުރަނީ.-- ފޮޓޯ: ގެޓީއިމޭޖަސް

ރެއާލްގެ ވިނީޝިއުސް (ވ) ލިވަޕޫލްގެ ޓްރެންޓް އަތުން ބޯޅަ ހޯދަން މަސައްކަތްކުރަނީ.-- ފޮޓޯ: ގެޓީއިމޭޖަސް

މެޑްރިޑް (އޭޕްްރީލް 7) - ޔުއެފާ ޗެމްޕިއަންސް ލީގުގެ ކުއާޓާ ފައިނަލުގެ ފުރަތަމަ ލެގުގައި ރޭ ރެއާލް މެޑްރިޑުން އަމިއްލަ ދަނޑުގައި 3-1 އިން ލިވަޕޫލް ބަލިކޮށްފި އެވެ.

މިއީ މީގެ ހަތަރު ވަރަކަށް އަހަރު ކުރިން 2018 ވަނަ އަހަރުގެ ޗެމްޕިއަންސް ލީގުގެ ފައިނަލުގައި ވެސް ރެއާލުން ލިވަޕޫލް ބަލިކުރި ނަތީޖާއެވެ. ރޭގެ މޮޅާ އެކު އަންނަ ހަފްތާގައި ލިވަޕޫލް ދަނޑުގައި އެއްވަރުކޮށްލައިގެން ރެއާލަށް ސެމީ ފައިނަލުން ފުރުސަތު ލިބޭނެ އެވެ. ސެމީގެ ޖާގަ ހޯދަން ލިވަޕޫލުން ޖެހޭނީ މަދުވެގެން ދެ ގޯލުގެ ލީޑަކާ އެކު ރެއާލް ބަލިކުރާށެވެ. އެކަމަކު 3-1 އަށް ވުރެ ބޮޑު ނަތީޖާ އަކުން ދެ ގޯލުގެ ފަރަގަކާ އެކު ރެއާލް ބަލިވި ނަމަވެސް ރަށުންބޭރުގައި ޖެހި ގޯލަށް ބަލައި އެ ޓީމަށް ސެމީގެ ފުރުސަތު ލިބޭނެ އެވެ.

ލިވަޕޫލްގެ ކޯޗު ޔާގެން ކްލޮޕް ބުނީ ސެމީ ފައިނަލުގެ ޖާގައެއް ހޯދޭނީ އެކަމަށް ހައްގުވާވަރުގެ ކުޅުމެއް ދައްކައިގެން ކަމަށެވެ.

"އަހަރެމެންނަށް އެ ވަރުގެ (ސެމީ ފައިނަލްގެ ޖާގައެއް ހައްގުވާވަރުގެ) ކުޅުމެއް ފުރަތަމަ ހާފުގައި ނުދެއްކޭ. އަހަރެމެންނަށް ފަރުޖައްސާލެވެން އޮތީ މި މެޗުގައި ޖެހުނު ގޯލު. ބާކީ މަސައްކަތް ދެން ކުރަން އޮތީ އެންމެ 90 މިނިޓް. އެކަން ކުރަން ފަސޭހައެއްނުވާނެ," ކްލޮޕް ބުންޏެވެ.

ރެއާލްގެ އަލްފްރެޑޯ ޑި ސްޓެފާނޯ ސްޓޭޑިއަމްގައި ރޭ ކުޅުނު މެޗުގެ ފުރަތަމަ ހާފު ޑޮމިނޭޓްކުރީ ރެއާލުންނެވެ. އެ ޓީމުން ލަނޑު ޖަހާނެ ގިނަ ފުރުސަތުތަކެއް ތަނަވަސްކުރި އެވެ. މެޗުގެ 27 ވަނަ މިނިޓްގައި ރެއާލުން ލީޑުނެގީ ޓޯނީ ކްރޫސް ދިން ހިތްގައިމު ޕާހަކުން ވިނީޝިއުސް ޖޫނިއާ ޖެހި ގޯލުންނެވެ. ފުރަތަމަ ހާފު ނިމުުމުގެ ކުރިން ރެއާލްގެ ދެ ވަނަ ގޯލު ޖެހީ މެޗުގެ 36 ވަނަ މިނިޓްގައި މާކޯ އަސެންސިއޯ އެވެ. މިއީ ކްރޫސް މަތިން ޖައްސާލި ބޯޅައެއް ލިވަޕޫލްގެ ޓްރެންޓް އަލެކްސަންޑަ އާނޯލްޑް ބޮލުން ފަހަތަށް ދިން ބޯޅަ ހޯދުމަށް ފަހު އަސެންސިއޯ ޖެހި ގޯލެކެވެ. އެ ގޯލު ޖެހުމުގެ ކުރިން ލިވަޕޫލްގެ ސަޑިއޯ މާނޭ އަށް ރެއާލްގެ ލޫކަޒް ވަޒްކޭޒް ފައުލުކުރި ކަމަށް ލިވަޕޫލް ބެންޗުން ވަނީ އެޕީލްކޮށްފަ އެވެ.

އަނިޔާ އާއި ކޮވިޑްގެ ސަބަބުން ރެއާލްގެ ފަހަތަށް ކުޅޭ ރަފައެލް ވަރާން އާއި ސާޖިއޯ ރާމޮސް ރޭގެ މެޗުގައި ނުކުޅެ އެވެ. ރޭގެ މެޗުގެ ދެ ވަނަ ހާފްގައި ގިނަ ވަގުތު ބޯޅަ ހިފަހައްޓައިގެން ކުޅެ ލިވަޕޫލުން ލަނޑު ޖަހާނެ ފުރުސަތުތައް ތަނަަވަސްކުރި އެވެ. ލިވަޕޫލަށް ރޭގެ މެޗުގައި ރަނގަޅަށް ކުޅެވެން ފެށީ ފުރަތަމަ ހާފުގެ ފަހު ކޮޅުގައި ނަބީ ކެއިޓާގެ ބަދަލުގައި ތިއާގޯ އަލްކަންޓާރާ ކުޅެން އެރުވިފަހުންނެވެ.

މެޗުގައި ލިވަޕޫލްގެ ހަމައެކަނި ލަނޑު ޖެހީ މެޗުގެ 51 ވަނަަ މިނިޓްގައި މުހައްމަދު ސަލާހު އެވެ. ޑިއޯގޯ ޖޮޓާ ޖެހި ޝޮޓެއް ލޫކަ މޮޑްރިޗް ފައިގައި ޖެހިފައި ސަލާހަށް ލިބުމުން އޭނާ ވަނީ އެ ބޯޅަ ގޯލުގެ ތެރެއަށް ފޮނުވާލައިފަ އެވެ. އެ ގޯލު ބަަލައިގަންނަން ނިންމީ ވީޑިއޯ އެސިސްޓަންޓް ރެފްރީ (ވީއޭއާރް) މެދުވެރިކޮށް ސަލާހު އޮފްސައިޑްތޯ ޗެކްކުރުމަށް ފަހު އެވެ. ނަތީޖާ ހަމަހަމަކުރަން ލިވަޕޫލަށް ރަނގަޅު ފުރުސަތެއް ލިބުނެވެ. އޭރިއާތެރެއިން ޖޮޓާ އެ ޓީމުގެ މާނޭ އަށް ދިން ބޯޅަ ފޮނުވާލުމުގެ ކުރިން ރެއާލްގެ ފާލަންޑް މެންޑީ ވަނީ އެ ބޯޅަ ހުއްޓުވައިފަ އެވެ. އެ ބޯޅަ އެހެން ކުޅުންތެރިއަކަށް ނުދީ ޖޮޓާ އަމިއްލަ އަށް ފޮނުވާލުމުގެ ފުރުސަތު ވެސް އޮތެވެ.

ރެއާލުން ތިން ވަނަ ލަނޑު ޖެހީ މެޗުގެ 65 ވަނަ މިނިޓްގަ އެވެ. މޮޑްރިޗް ދިން ބޯޅައެއް އޭރިއާތެރެއިން ވިނީޝިއުސް ވަނީ ގޯލުގެ ތެރެއަށް ފޮނުވާލައިފަ އެވެ. އެ ބޯޅަ ގޯލަށް ވަނީ ލިވަޕޫލްގެ ކީޕަރު އެލިސަން ބެކާ އަތުގައި ޖެހިފަ އެވެ. ބަދަލުތަކެއް ގެނެސްގެން ލިވަޕޫލުން އިތުރު ލަނޑެއް ޖަހަން މަސައްކަތްކުރި ނަމަވެސް ކާމިޔާބުވާގޮތެއްނުވި އެވެ.

މެޗާ ބެހޭގޮތުން ރެއާލްގެ ކޯޗު ޒިނެދިން ޒިދާން ބުނީ ރެއާލަށް ރޭގެ މެޗުން މޮޅެއް ހައްގު ކަމަށާއި އެކަމަކު ފުރަތަމަ ލެގުން މޮޅުވިޔަސް ސެމީގެ ޖާގައެއް ކަށަވަރުވީކަމަށް ނުދެކޭ ކަމަށެވެ.

ކޮމެންޓް

ފަހުގެ ޚަބަރު

އިންޑިއާ އިން 10 ވަނަ ފަހަރަށް ސާފްގެ ތަށި އުފުލާލައިފި

ޕާކިސްތާން 2-1 އިން ބަލިކޮށް، އިންޑިއާ އިން 10 ވަނަ ފަހަރަށް ސާފް ޗެމްޕިއަންޝިޕްގެ ތަށި ކާމިޔާބުކޮށްފިއެވެ. މިއީ އިންޑިއާ އިން ޖެހިޖެހިގެން މި މުބާރާތުގެ ތަށި އުފުލާލި ތިންވަނަ ފަހަރެވެ. ފުރަތަމަ ހާފުގައި ޕާކިސްތާނުން ލީޑު ނެގި ނަމަވެސް، ދެވަނަ ހާފުގައި އިންޑިއާ އިން ވަނީ ފަހަތުން އަރައި ދެ ގޯލު ޖަހައި މެޗު ކާމިޔާބުކޮށްފައެވެ.

ސުޖަން، 17 އަހަރަށް ފަހު ސްރީ ލަންކާ އަށް ކުޅުން ހުއްޓާލައިފި

ސްރީ ލަންކާގެ ގައުމީ ފުޓްބޯޅަ ޓީމަށް 17 އަހަރު ވަންދެން ކުޅެދިނުމަށްފަހު، އެ ޓީމުގެ ކެޕްޓަން އަދި ގޯލްކީޕަރު ސުޖަން ޕެރޭރާ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ގައުމީ ޓީމަށް 69 މެޗު ކުޅެދީފައިވާ ސުޖަންގެ ރިޓަޔަމަންޓް ފާހަގަކުރުމަށް އަންނަ އަހަރުގެ މާޗް މަހު ހާއްސަ ހަފްލާއެއް ބޭއްވުމަށް ލަންކާ ފުޓްބޯޅަ ފެޑެރޭޝަނުން ވަނީ ނިންމާފައި

އިޔަން އާއި އާމިން ގައުމީ ބޮޑީބޯޑިން ލީގު ޓައިޓަލް ދިފާއުކޮށްފި

މި އަހަރުގެ ގައުމީ ބޮޑީބޯޑިން ލީގުގެ ޗެމްޕިއަންކަން އާމިން އުމަރު މޫސާ ދިފާއުކުރިއިރު، ޖޫނިއާ ލީގުގެ ޓައިޓަލް އިޔަން އަހުމަދު ވަނީ ދިފާއުކޮށްފައެވެ. އާމިން ލީގު ކާމިޔާބުކުރީ ސީޒަން ނިންމާލުމަށް ބޭއްވި ބަނޑުފިލާ ޗެލެންޖުގެ މެންސް އޯޕަން ބައިގެ އެއްވަނަ ހޯދައިގެންނެވެ. އަދި އިޔަން ޖޫނިއާ ލީގުގެ އެއްވަނަ ހޯދީ ބަނޑުފިލާ ޗެލެންޖުގެ ޖޫނިއާ ބައިގެ ފައިނަލުގައި ވާދަވެރި ކުޅުމަކަށްފަހު ކުރިހޯދައިގެންނެވެ.

އިންޑިއާގެ އަމާޒު ހުރީ ޖެހިޖެހިގެން ތިން ވަނަ ސާފް ތަށްޓައް

މި ފަހަރުގެ ސާފް ޗެމްޕިއަންޝިޕް ކާމިޔާބުކޮށް، ޖެހިޖެހިގެން ތިންވަނަ ފަހަރަށް ތަށި ހޯދުމުގެ އަމާޒުގައި އިންޑިއާ މިރޭ ފައިނަލުގައި ޕާކިސްތާނާ ދެކޮޅަށް ނުކުންނާނެ. އިންޑިއާގެ ކޯޗު ނައުޝާދު މޫސާ ބުނިގޮތުގައި، ގިނަ ގޮންޖެހުންތަކަކާއެކު ވެސް މި މުބާރާތް ކާމިޔާބުކުރުމަކީ އެ ގައުމުގެ ފުޓްބޯޅައަށް ލިބޭނެ ވަރަށް ބޮޑު ކުރިއެރުމެއް

ޕާކިސްތާނަށް އިންޑިއާ ބަލިކުރަން އެނގޭނެ: ސޮލާނޯ

ސާފް ޗެމްޕިއަންޝިޕްގެ ފައިނަލުގައި އިންޑިއާ ބަލިކުރަން އެނގޭނެ ކަމަށް ޕާކިސްތާނުގެ ކޯޗު ސޮލާނޯ ބުނެފައިވާއިރު، މިއީ އެ ގައުމުން މި މުބާރާތުގެ ފައިނަލުގައި ކުޅޭ ފުރަތަމަ ފަހަރެވެ. ގްރޫޕް ސްޓޭޖުގައި އިންޑިއާ އަތުން ބަލިވި ނަމަވެސް، ޔޫރަޕްގައި ކުޅޭ މުހިންމު ކުޅުންތެރިންތަކެއް ޓީމާ ގުޅުމަކީ ޕާކިސްތާނަށް ލިބޭ ބޮޑު ހިތްހަމަޖެހުމެކެވެ. އިންޑިއާ އަކީ މި މުބާރާތުގެ ތަށި ނުވަ ފަހަރު ހޯދާފައިވާ އެންމެ ކާމިޔާބު ޓީމެވެ.

ވާޓްޒްގެ ލަނޑުތަަކާ އެކު ޖަރުމަނުން ނެދަލެންޑްސް ބަލިކޮށްފި

ޔުއެފާ ނޭޝަންސް ލީގުގައި ރޭ ކުޅުނު މެޗުން 5-0 ގެ ބޮޑު ތަފާތަކުން ނެދަލެންޑްސް ބަލިކޮށް، ޖަރުމަނުން މުބާރާތުގެ ކުއާޓާ ފައިނަލުގެ ޖާގައެއް ކަށަވަރުކޮށްފި. ފްލޯރިއަން ވާޓްޒް ދެ ލަނޑު ކާމިޔާބުކުރި މި މެޗުގެ ނަތީޖާއާއެކު، ޖަރުމަނުން ވަނީ ގްރޫޕްގެ އެއްވަނަ މަގާމު ވެސް ހޯދާފައި.

ޔުއެފާ އިން ފީފާ އިންތިހާބަށް ނެރުނީ ފްރާްންސްގެ ފުޓްބޯޅަ ރައީސް

އަންނަ އަހަރު ބާއްވާ ފީފާގެ އިންތިހާބުގައި ވާދަކުރަން އާސެން ވެންގާ ދެކޮޅު ހެދުމުން، ޔުއެފާގެ ތާއީދާއެކު ފްރާންސް ފުޓްބޯޅަ ފެޑެރޭޝަންގެ ރައީސް ފިލީޕޭ ޑިއާލޯ އިންތިހާބަށް ކުރިމަތިލައްވައިފި. މި އިންތިހާބުގައި ޑިއާލޯގެ އިތުރުން މިހާރުގެ ރައީސް އިންފަންޓީނޯ އާއި އިތުރު ދެ ކެންޑިޑޭޓުން ވާދަކުރާއިރު، އިންތިހާބު އޮންނާނީ އަންނަ އަހަރުގެ މާޗް މަހުގައި

Newsletter

Get the latest news delivered straight to your inbox