ޝާހިދުގެ ސިޔާސީ ކުރިމަގާ ގުޅުވި ތަފާތު މިސާލު!

މިނިސްޓަރު ޝާހިދު ސިޔާސީ ކުރިމަގާ ގުޅޭ ސުވާލު އަބަދު ކުރެވޭ: އޭނާ ދެއްވީ ތަފާތު ޖަވާބެއް - ފޮޓޯ: ހުސެއިން ވަހީދު / އަދަދު

މިނިސްޓަރު ޝާހިދު ސިޔާސީ ކުރިމަގާ ގުޅޭ ސުވާލު އަބަދު ކުރެވޭ: އޭނާ ދެއްވީ ތަފާތު ޖަވާބެއް - ފޮޓޯ: ހުސެއިން ވަހީދު / އަދަދު

"އެ ދުވަހު ހިތަކަށް ވެސް ނާރާ މިއަދު މިހެން ވާނެއެކޭ،"

ފޮރިން މިނިސްޓަރު އަބްދުﷲ ޝާހިދަކީ ރާއްޖޭގެ ސިޔާސީ މައިދާނުން ފެނިގެންދާ ހޮވާގުނާލެވޭ ވަރުގަދަ ޝަހުސިއްޔަތުންގެ ތެރެއަށް ވަންނަ ބޭފުޅެކެވެ. އެ ޝަހުސިއްޔަތާ ހެދި ޝާހިދުގެ ސިޔާސީ ހަޔާތުގެ އަމާޒުތަކާއި އުއްމީދުތަކުގެ ވާހަކަ އަބަދުވެސް މަތިކޮށް ދެކެވެ އެވެ.

ޅަ އުމުރުގައި ފޮރިން މިނިސްޓްރީގެ އާދައިގެ މުވައްޒަފަކުން މަސައްކަތް ފެއްޓެވި، ޝާހިދު ރައްޔިތުންގެ މަޖިލީހުގެ މެންބަރު ކަމުން އެ މަޖިލީހުގެ ރައީސްކަން ވެސް ކުރެއްވި އެވެ. އެއް ބާރުގެ ވެރިކަން ކުރެއްވުމަށް ދެން ވަޑައިގެންނެވީ ހާރިޖިއްޔާ ހިންގެވުމަށެވެ.

އެކަމަކު، އޭގެ ކުރިން ވެސް ފަހުން ވެސް އެންމެ ބާރުގަދަ، ރައީސުލްޖުމްހޫރިއްޔާގެ މަގާމަށް ޝާހިދުގެ ޝައުގުވެރިކަން އޮތް ކަމުގެ ވާހަކަ ރަށު ތެރޭގައި ފެތުރެ އެވެ. އެމްޑީޕީން ތެރެއިން އެ ފުރުސަތު ހޯއްދެވުމަށް މަސައްކަތް ކުރެއްވި ކަމާއި މަސައްކަތް ކުރައްވާ ކަމެވެ.

އަބަދުވެސް ޝާހިދުގެ ކުރިމަތީ އޮންނަ މި ސުވާލާ އޭނާ މިފަހަރު ގުޅުވީ ތަފާތު މިސާލެކެވެ؛

"އަޅުގަނޑު ފޮރިން މިނިސްޓްރީއަށް ވަތްއިރު އަޅުގަނޑުގެ ބޮލުގައި ވަރަށް ގިނަ އިސްތަށި ހުރި، އޭރު އަޅުގަނޑު އެއްވެސް ވަރަކަށް އުއްމީދެއް ނުކުރަން އަޅުގަނޑުގެ ބޯ މިހާރު މިހުރި ހާލަތަށް އަތުވެދާނެ ކަމަކަށް،" ޝާހިދު މިސާލު ދެއްވި އެވެ.

"އެހެންވީމަ ދެން އަޅުގަނޑަށް ކުރިމަގުގައި ވާނެ ގޮތެއް މިހެން އިނދެފާ ދަންނަވާކަށް ނޭނގޭ."

ޝާހިދު ވިދާޅުވި ގޮތުގައި ރައްޔިތުންނަށް ހިދުމަތް ކުރުމަށް، އެފަހަރަކު އެ ދިމާވި ކޮންމެ ދާއިރާއަކުން ވެސް ހިދުމަތް ކުރުމުގައި ދެމި ހުންނާނެ ކަމެވެ.

"ރައްޔިތުންނަށް ހިދުމަތް ކުރުން ކަމުގައިވަނީނަމަ، އެކަމުގައި އަޅުގަނޑު ދެމިހުންނާނަން،"

އެމްޑީޕީގައި ހިޔާލު ތަފާތުވުންތަކެއް، މައްސަލައެއްތަ؟

އެމްޑީޕީގެ އެތެރޭ ކޮއިލު ތެރޭގައި ހިޔާލު ތަފާތުވުންތަކެއް އެބަ ފެނެ އެވެ. އެ ޕާޓީގެ ރައީސް މުހައްމަދު ނަޝީދާއި އިކޮނޮމިކް މިނިސްޓަރު ފައްޔާޒު އިސްމާއިލްއާ ދެމެދު އޮތް ނުތަނަވަސްކަން އާންމުންގެ ލޮލާ ހަމައަށް މިހާރު ވަނީ ތިލަވެފަ އެވެ.

މިއީ އެމްޑީޕީ ބައިބައިވެ ބަލިކަށިވެދާނެ ކަމެއް ކަމަށް ބަޔަކު ދުށް ކަމުގައިވީ ނަމަވެސް، އެ ޕާޓީގައި މިހާރު ނުފޫޒުގަދަ ޝާހިދުގެ ހިޔާލު ތަފާތެވެ.

ޝާހިދު ވިދާޅުވި ގޮތުގައި، އެމްޑީޕީ އެމްޑީޕީއަކަށް ވަނީ ހިޔާލު ތަފާތުވާންތަކަށް ފުރުސަތު ލިބޭތީ އެވެ. އެއް ވިސްނުމަކަށް، އެއް ހިޔާލަކަށް، އެއް ފިކުރަކަށް ޖާގަދޭ ޕާޓީއަކަށް އެމްޑީޕީ ވާނަމަ ޑިމޮކްރަޓިކް ޕާޓީއަކަށް ނުވާނެ ކަމަށެވެ.

"އޭރަށް ވަނީ ހުދުމުތާރު ޕާޓީއަކަށް، ކޮމިއުނިސްޓް ޕާޓީއަކަށް،" ޝާހިދު ވިދާޅުވި އެވެ. "އެހެންވީމަ އެމްޑީޕީ އެމްޑީޕީއަކަށް މި ވަނީ ތަފާތު ހިޔާލުތަކާއި ފިކުރުތަކަށް ޖާގަ ދޭތީ،"

އެމްޑީޕީގައި ހިޔާލު ތަފާތުވުމަށް ޖާގަ ލިބޭނަމަ ޝާހިދު ވިދާޅުވި ގޮތުގައި، ޕާޓީގެ ވިސްނުންތަކަށް އަބަދުވެސް އުޖާލާކަމާއި އާރޯކަން ލިބިގެންދާނެ ކަމަށެވެ.

މިހާރު އެމްޑީޕީގެ ހިޔާލު ތަފާތުވުންތަކުގެ އަސްލު ކަމުގައިވެފައިވާ، މިނިސްޓަރު ފައްޔާޒާ ގުޅޭ ގޮތުން ވެސް ޝާހިދުގެ ވާހަކަަތައް އޮމާނެވެ.

"އެއީ، ގާތުން ދަންނަ ހީވާގި ވަޒީރެއް،"

ކޮރަޕްޝަނަށް ނޫނެކޭ، ވެންޓިލޭޓަރު މައްސަލާގައި ބުނާނެ އެއްޗެއް ނެތް

ފައްޔާޒާ ގުޅޭ ހިޔާލު ތަފާތުވުންތައް އުފެދިގެން އައީ އޭނާގެ މައްޗަށް ނަޝީދު ކޮރަޕްޝަންގެ ތުހުމަތު ކުރެއްވި ހިސާބުންނެވެ. ކޮރަޕްޝަންގެ ވާހަކައިން މިހާރު އެންމެ ކުރިއަށް އަންނަ މައްސަލައަކީ ކޮވިޑާ ގުޅިގެން ރާއްޖެއަށް ހޯދަން އުޅުނު ވެންޓިލޭޓަރުގެ މައްސަލަ އެވެ.

ދައުލަތަށް އެ މައްސަލައިގެ ތެރެއިން 31 މިލިއަން ރުފިޔާ ގެއްލިގެން ގޮސްފައިވާ އޭގައި، މިހާތަނަށް ވެސް ދައުވާ ނުކުރެވި އޮތުމަކީ އެމްޑީޕީ ސަރުކާރާއެކު އޮންނަން ބޭނުން ނުވާނެ ކަމެއްގެ ގޮތުގައި ނަޝީދު ވެސް ވަނީ ވިދާޅުވެފަ އެވެ. ނަޝީދު ވިދާޅުވާ ގޮތުން އެ މުއާމަލާތުގައި އުޅުނު ދައުލަތުގެ މީހުން ކުށްވެރިވެ އެވެ.

އެކަމަކު، ޝާހިދުގެ ވާހަކަފުޅު ހުރީ އެގޮތަކަށް ނޫނެވެ.

މިނިސްޓަރު ޝާހިދު ވިދާޅުވި ގޮތުގައި މިހާރުގެ ނިޒާމް އޮތީ އެފަދަ ކަންކަން ސަރުކާރުން ބަލާ ގޮތަކަށް ނޫނެވެ. އެކަމަށް މިނިވަން ވަކި ބާރެއް ހަދާފައިވާ ކަމެވެ. ވަކި މީހަކު ކުށްވެރިކަމެއް ނޫން ކަމެއް ކަނޑައެޅުމުގެ ބާރު އޮތީ ކޯޓުތަކަށް ކަމަށެވެ.

"އަޅުގަނޑުމެންނަށް ކަނޑައެއް ނޭޅޭނެ ވަކި ބަޔަކު ކުށްވެރިވާ ކަމަކަށް އަދި ވަކި ބަޔަކު ކުށްވެރި ނުވާ ކަމަކަށް، އެކަމަށް މިއޮތީ ޝަރުއީ ނިޒާމެއް ކަނޑައެޅިފައި، އެހެންވީމަ އެ ނިޒާމްގެ ތެރެއިން އެކަން ކުރިއަށް ގެންދާނީ،" ޝާހިދު ވިދާޅުވި އެވެ.

އެހެންވެ އެކަމުގައި އިސްވެ އެއްޗެއް ބުނުމަކީ ކޯޓުން ނިންމަން ޖެހޭ ނުވަތަ ޕްރޮސިކިއުޓާ ޖެނަރަލްގެ ނިންމަން ޖެހޭ ނިންމުމަކަށް ގޮތް ކިޔުން ކަމުގައި ޝާހިދު ދެކެވަޑައިގަންނަވަ އެވެ. އެކަން ކުރުމަކީ ސަރުކާރުގެ ތެރޭގައި ހުރެގެން އޭނާއަށް ކުރެއްވާނެ ކަމެއް ނޫން ކަމެވެ.

"ގާނޫނު އަސާސީއިން އަޅުގަނޑަށް އެ ފުރުސަތު ނުވެސް ދޭ."

ޝާހިދު ވިދާޅުވި ގޮތުގައި މި ސަރުކާރުން އެއް އިރެއްގައި ވެސް ކޮރަޕްޝަން ގަބޫލެއް ނުކުރާނެ އެވެ. ވެންޓިލޭޓަރު މައްސަލާގައި ވެސް އޮޑިޓް ރިޕޯޓް އައުމާއެކު ސަރުކާރަށް އެކަމުގައި އެޅޭނެ ފިޔަޅުތައް އެޅި ކަމަށެވެ.

"ތުހުމަތު ކުރެވޭ ބޭފުޅުން ގޭގައި ބޭތިއްބި، އިސްތިއުފާ ދޭން ޖެހޭ ބޭފުޅުން އެކަން ކުރެއްވި،" ޝާހިދު ވިދާޅުވި އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox