ޔޫވީގެ ވާހަކަ މީހުން ދައްކާވަރު ކޮށްދޭނަން: ސާންތީ

ޔުނައިޓެޑް ވިކްޓްރީގެ ކޯޗު ސާންތީ ނޫސްވެރިންގެ ބައްދަލުވުމުގެ ތެރެއިން ވާހަކަ ދައްކަނީ.-- ފޮޓޯ: ހުސެއިން ވަހީދު/ އަދަދު

ޔުނައިޓެޑް ވިކްޓްރީގެ ކޯޗު ސާންތީ ނޫސްވެރިންގެ ބައްދަލުވުމުގެ ތެރެއިން ވާހަކަ ދައްކަނީ.-- ފޮޓޯ: ހުސެއިން ވަހީދު/ އަދަދު

ޔުނައިޓެޑް ވިކްޓްރީ (ޔޫވީ)އާ އެކު މަސައްކަތްކުރާއިރު, މިހާރު ވިސްނުން ހުރީ މުސްތަގުބަލުގައި މި ޓީމުގެ ވާހަކަ މީހުން ދައްކާވަރަށް ކްލަބްގެ ހާލަތު ބަދަލުކުރުން ކަމަށް އެ ޓީމުގެ ކޯޗު އިހުސާން އަބްދުލް ގަނީ (ސާންތީ) ބުނެފި އެވެ.

ޔުނައިޓެޑް ވިކްޓްރީ މި ސީޒަން ފެށީ ކޯޗު މުހައްމަދު އާދަމްގެ އިރުޝާދުގެ ދަށުންނެވެ. ޕްރީ ސީޒަން އިން ފެށިގެން ސާންތީ އަންނަނީ ޔުނައިޓެޑް ވިކްޓްރީގެ ކޯޗިން ޓީމާ އެކު މަސައްކަތްކުރަމުންނެވެ. ކޯޗު މުހައްމަދު ވަކިކުރުމަށް ފަހު ސާންތީއާ ޓީމު ހަވާލުކުރަން ނިންމުމުން, އޭނާ އެންމެ ފުރަތަމަ ނިންމީ މި ސީޒަނުގެ ނިޔަަލަށް އެ ޓީމުގައި މަޑުކުރާށެވެ. އެކަމަކު އޭނާ ވަނީ މިހާރު އެ ކްލަބާ އެކު ވަރަށް ދުރަށް ވިސްނައި މަސައްކަތްތަކެއް ފަށައިފަ އެވެ.

ސާންތީ ބުނީ ވިސްނުމަކީ ޔުނައިޓެޑް ވިކްޓްރީ ބޯޅަ ކުޅޭ ތަފާތު ޓީމަކަށް ހެދުން ކަމަށާއި އެ ގޮތަށް ވިސްނައި ދުރާލާ މިހާރު ވެސް ބަދަލުތަކެއް ގެންނަން ފަށާފައިވާ ކަމަށެވެ. އެގޮތުން ފުރަތަމަ ކަމެއްގެ ގޮތުގައި ކޯޗިން ސްޓާފުން އިތުރުކޮށް އެކި ރޯލުތަކަށް އެކި މީހުން ހަމަޖައްސަން ފަށާފައިވާ ކަމަށް ސާންތީ ބުންޏެވެ.

"ފާހަގަކުރަން މީގެ ކުރިން އަޅުގަނޑާއި އާދަމް އަބްދުއްލަތީފް (ލައްޗޭ)އާ ދަނޑުމަތީގައި މި ތިބެނީ. އެކަމަކު މިހާރު އަޅުގަނޑާ އެކު އެސިސްޓްކުރަން ދަނޑުމަތީގައި އުޅޭނެ ޒަރިޔަންދު ނުލައި ހަތަރު މީހުން. މި އަންނަނީ މަޑުމަޑުން މި ކަހަލަ ކަންތައް ޗޭންޖް ކުރަމުން. އެއީ އަޅުގަނޑުމެން ވެސް މިހާރު ތަންކޮޅެއް އޮގަނައިޒްވާނެ. އޮގަނައިޒްއޭ މި ބުނަނީ ކޮންމެ މީހަކަށް ޒިންމާއެއް އޮންނާނެ. ފުޓްބޯޅަ ކްލަބެއްގައި ނަތީޖާއެއް ނެރެވޭނީ ބައިވަރު ކަންތައް ރަނގަޅުކޮށްގެން," ކުރިން އީގަލްސްގައި ޓީމެއް އެކުލަވާލައި އެ ކްލަބް ޗެމްޕިއަނުންގެ ސަފަށް ގެންގޮސްދިން ކޯޗު ސާންތީ ބުންޏެވެ.

"އެހެންވީމަ އެ ކަންތައްތައް ކޮށްފައި ޔޫވީގެ ވާހަކަ މީހުން ދައްކާވަރު ކޮށްދޭނަން. މިހާރު ވެސް ޔޫވީގެ ވާހަކަދައްކައި އެންމެ ފުލުގައި އޮތީމަ އެކަމަކު އެގޮތަކަށް ނޫން އެެހެން ގޮތަކަށް ޔޫވީގެ ވާހަކަ ދައްކާ ގޮތަށް. ހާއްސަ ގޮތެއްގައި ޒުވާން ކުޅުންތެރިން މީގެ ތެރެއިން ނެރުން,"

ދިރާގު ދިވެހި ޕްރިމިއާ ލީގުގައި މި ވަގުތު ޔުނައިޓެޑް ވިކްޓްރީ އޮތީ އެންމެ ފުލުގަ އެވެ. އަށް ޓީމު ވާދަކުރާ ލީގުގައި މިހާތަނަށް ކޮންމެ ކްލަބަކުން 10 މެޗު ކުޅެފައިވާއިރު, ޔުނައިޓެޑް ވިކްޓްރީ އަށް ލިބިފައިވަނީ ތިން ޕޮއިންޓެވެ. ލީގުގައި މޮޅެއް ނުލިބި އޮތް ހަމައެކަނި ޓީމަކީ ޔުނައިޓެޑް ވިކްޓްރީ އެވެ.

ސާންތީ ބުނީ މި ވަގުތު އެ ޓީމަށް ހުރި އުނދަގޫތަކުން އަރައިގަނެ މި ހާލަތު ބަދަލުކުރެވޭނެ ކަމަށެވެ. މިއީ ކޯޗެއްގެ ހައިސިއްޔަތުން ވެސް ކުރާ ތަފާތު ތަޖުރިބާއެއް ކަމަށާއި އަދި ކުޅުންތެރިން ވެސް އެ ކުރަނީ ފަސޭހަ ކަމެއް ނޫން ކަމަށް ސާންތީ ބުންޏެވެ.

"ކޮންމެ ގޮތެއް ވިޔަސް ފުޓްބޯޅައިގައި އަޅުގަނޑުމެންނަށް މި ފެންނަނީ ފައިންނާއި ދެން ހަށިގަނޑުގެ އެހެން ތަންތަނުުން ކުޅޭ ކުޅިވަރެއް މިއީ. ދެން އެކަމަކު ހަގީގަތުގައި މެންޓަލް އެއްޗެއް މިއީ. އެ މީހުންގެ ސިކުނޑި އަށް ވިސްނުމުގައި ވެސް ކަންތައްތަކެއް އަންނާނެ. އަޅުގަނޑުމެން އަބަދު މި ޖެހެނީ 1-0 ނޫނީ ޗޭސްކުރަން. ދެން މިއީ ބައިވަރު ކަންތައްތަކެއް. ކޮންމެ ގޮތެއް ވިޔަސް ލަކް (ނަސީބު) ވެސް މައްސަލަ އެބައުޅޭ. އެ ނޫޅެނީ ވެސް ސަބަބުތަކެއް ހުރީމަ. އެ ކުޅުންތެރިންނަށް ވެސް ނޭނގެނީ އެ ދުވަސް. އަޅުގަނޑަށް އެނގޭ އެއްޗަކީ މި ދުވަސް ދާނެކަން," ސާންތީ ބުންޏެވެ.

މިއަދު ހަވީރު ޔުނައިޓެޑް ވިކްޓްރީ ލީގުގައި ކުޅޭ މެޗުގައި ބައްދަލުކުރާނީ ހަތް ވަނައިގައި އޮތް ޓީސީ ސްޕޯޓްސް ކްލަބާ އެވެ. އެ ޓީމު އެންމެ ފަހުން ކުޅުނު ދެ މެޗުން ބަލިވެފައިވާއިރު, މިއީ މޮޅެއް ހޯދަން އެ ޓީމަށް ވެސް މުހިއްމު މެޗެކެވެ.

ސާންތީ ބުނީ މި ވަގުތު ޔުނައިޓެޑް ވިކްޓްރީ ކުރުން އެންމެ މުހިއްމު ކަމަކީ މެޗަކުން މޮޅެއް ހޯދައި ޕޮއިންޓް ޓޭބަލްގައި ލިބިފައިވާ ޕޮއިންޓް އިތުރުކޮށް އޮތް ހިސާބުން ގުޑާލުން ކަމަށެވެ. އެކަން ކުރަން ބަލާއިރު ޔުނައިޓެޑް ވިކްޓްރީ އަށް ޕްރެޝަރު ކުޑަކުރަން ކުރެވޭނެ ކަންތައްތަކެއް އެބަހުރި ކަމަށާއި ވިސްނުން ބަދަލުކުރަން ކުޅުންތެރިންނަށް އިރުޝާދު ވެސް ދެމުން އަންނަ ކަމަށް އޭނާ ބުންޏެވެ.

"ފުޓްބޯޅައިގައި ވަރަށް ބޮޑު އެއްޗެއް ކުޅޭ އެއްޗެއް ޕްރެޝަރު މިއީ. ކޮންމެ ގޮތެއް ވިޔަސް އެހެން ޓީމުތަކަށް ޕްރެޝަރު ބޮޑުވާނެ. އެއީ އެ މީހުން ގަދަ ހަތަރެއް ނޫނީ ގަދަ ހައެއްގެ ތެރޭގައި އިނދެފައި ކުޅޭ ކޮންމެ މެޗަކީ އެ މީހުންނަށް ތަންކޮޅެއް ޕްރެޝަރު ބޮޑުވާނެ. ޔޫވީ އަކަށް ނެތް އެގޮތަށް ކަމެއް. އެ ގޮތަށް ކުޅޭއިރު އެޑްވާންޓޭޖް ނަގަން އަޅުގަނޑު މިހާރު ކުޅުންތެރިންނަށް ވިސްނައިދެނީ. ދެން މި އިން ހިސާބުން ގުޑާލަން ކުރަން ޖެހޭ ހުރިހާ ކަމެއް ކުރާނަން," ސާންތީ ބުންޏެވެ.

ލީގުގައި ވާދަކުރާ ކްލަބްތަކުގެ ތެރެއިން ބިދޭސީ ކުޅުންތެރިންގެ ރޯލު އެންމެ ކުޑަކޮށް ފެންނަނީ ޔުނައިޓެޑް ވިކްޓްރީ އެވެ. އެ ޓީމުގައި ބިދޭސީ ހަތަރު ކުޅުންތެރިން ތިބިއިރު, އޭގެއިން މެޗުތަކުގައި ގަވާއިދުން ކުޅެނީ ދެ ކުޅުންތެރިންނެވެ. ސާންތީ ބުނީ ބިދޭސީ ކުޅުންތެރިންނަށް ވުރެން ރަނގަޅަށް ދިވެހި ކުޅުންތެރިން މަސައްކަތްކުރާއިރު, ކްލަބްގެ މާލީ ހާލަތަށް ބެލުމަށް ފަހު އެ މީހުން ދޫކޮށްލަން މެނޭޖްމަންޓުން ވިސްނައިފިނަމަ އެކަމަށް މަރުހަބާކިޔާނެ ކަމަށެވެ. އަދި މިހާތަނަށް އޭނާ މަސައްކަތްކުރި ކްލަބްތަކުގައި އަމަލުކޮށްފައި ހުންނާނީ އެ ގޮތަށް ކަމަށް ސާންތީ ބުންޏެވެ.

ޔުނައިޓެޑް ވިކްޓްރީ އާއި ޓީސީ ކުޅޭ މެޗު ފަށާނީ މިއަދު ހަވީރު 4 ޖަހާއިރު އެވެ.

ކޮމެންޓް

ފަހުގެ ޚަބަރު

އިންޑިއާ އިން 10 ވަނަ ފަހަރަށް ސާފްގެ ތަށި އުފުލާލައިފި

ޕާކިސްތާން 2-1 އިން ބަލިކޮށް، އިންޑިއާ އިން 10 ވަނަ ފަހަރަށް ސާފް ޗެމްޕިއަންޝިޕްގެ ތަށި ކާމިޔާބުކޮށްފިއެވެ. މިއީ އިންޑިއާ އިން ޖެހިޖެހިގެން މި މުބާރާތުގެ ތަށި އުފުލާލި ތިންވަނަ ފަހަރެވެ. ފުރަތަމަ ހާފުގައި ޕާކިސްތާނުން ލީޑު ނެގި ނަމަވެސް، ދެވަނަ ހާފުގައި އިންޑިއާ އިން ވަނީ ފަހަތުން އަރައި ދެ ގޯލު ޖަހައި މެޗު ކާމިޔާބުކޮށްފައެވެ.

ސުޖަން، 17 އަހަރަށް ފަހު ސްރީ ލަންކާ އަށް ކުޅުން ހުއްޓާލައިފި

ސްރީ ލަންކާގެ ގައުމީ ފުޓްބޯޅަ ޓީމަށް 17 އަހަރު ވަންދެން ކުޅެދިނުމަށްފަހު، އެ ޓީމުގެ ކެޕްޓަން އަދި ގޯލްކީޕަރު ސުޖަން ޕެރޭރާ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ގައުމީ ޓީމަށް 69 މެޗު ކުޅެދީފައިވާ ސުޖަންގެ ރިޓަޔަމަންޓް ފާހަގަކުރުމަށް އަންނަ އަހަރުގެ މާޗް މަހު ހާއްސަ ހަފްލާއެއް ބޭއްވުމަށް ލަންކާ ފުޓްބޯޅަ ފެޑެރޭޝަނުން ވަނީ ނިންމާފައި

އިޔަން އާއި އާމިން ގައުމީ ބޮޑީބޯޑިން ލީގު ޓައިޓަލް ދިފާއުކޮށްފި

މި އަހަރުގެ ގައުމީ ބޮޑީބޯޑިން ލީގުގެ ޗެމްޕިއަންކަން އާމިން އުމަރު މޫސާ ދިފާއުކުރިއިރު، ޖޫނިއާ ލީގުގެ ޓައިޓަލް އިޔަން އަހުމަދު ވަނީ ދިފާއުކޮށްފައެވެ. އާމިން ލީގު ކާމިޔާބުކުރީ ސީޒަން ނިންމާލުމަށް ބޭއްވި ބަނޑުފިލާ ޗެލެންޖުގެ މެންސް އޯޕަން ބައިގެ އެއްވަނަ ހޯދައިގެންނެވެ. އަދި އިޔަން ޖޫނިއާ ލީގުގެ އެއްވަނަ ހޯދީ ބަނޑުފިލާ ޗެލެންޖުގެ ޖޫނިއާ ބައިގެ ފައިނަލުގައި ވާދަވެރި ކުޅުމަކަށްފަހު ކުރިހޯދައިގެންނެވެ.

އިންޑިއާގެ އަމާޒު ހުރީ ޖެހިޖެހިގެން ތިން ވަނަ ސާފް ތަށްޓައް

މި ފަހަރުގެ ސާފް ޗެމްޕިއަންޝިޕް ކާމިޔާބުކޮށް، ޖެހިޖެހިގެން ތިންވަނަ ފަހަރަށް ތަށި ހޯދުމުގެ އަމާޒުގައި އިންޑިއާ މިރޭ ފައިނަލުގައި ޕާކިސްތާނާ ދެކޮޅަށް ނުކުންނާނެ. އިންޑިއާގެ ކޯޗު ނައުޝާދު މޫސާ ބުނިގޮތުގައި، ގިނަ ގޮންޖެހުންތަކަކާއެކު ވެސް މި މުބާރާތް ކާމިޔާބުކުރުމަކީ އެ ގައުމުގެ ފުޓްބޯޅައަށް ލިބޭނެ ވަރަށް ބޮޑު ކުރިއެރުމެއް

ޕާކިސްތާނަށް އިންޑިއާ ބަލިކުރަން އެނގޭނެ: ސޮލާނޯ

ސާފް ޗެމްޕިއަންޝިޕްގެ ފައިނަލުގައި އިންޑިއާ ބަލިކުރަން އެނގޭނެ ކަމަށް ޕާކިސްތާނުގެ ކޯޗު ސޮލާނޯ ބުނެފައިވާއިރު، މިއީ އެ ގައުމުން މި މުބާރާތުގެ ފައިނަލުގައި ކުޅޭ ފުރަތަމަ ފަހަރެވެ. ގްރޫޕް ސްޓޭޖުގައި އިންޑިއާ އަތުން ބަލިވި ނަމަވެސް، ޔޫރަޕްގައި ކުޅޭ މުހިންމު ކުޅުންތެރިންތަކެއް ޓީމާ ގުޅުމަކީ ޕާކިސްތާނަށް ލިބޭ ބޮޑު ހިތްހަމަޖެހުމެކެވެ. އިންޑިއާ އަކީ މި މުބާރާތުގެ ތަށި ނުވަ ފަހަރު ހޯދާފައިވާ އެންމެ ކާމިޔާބު ޓީމެވެ.

ވާޓްޒްގެ ލަނޑުތަަކާ އެކު ޖަރުމަނުން ނެދަލެންޑްސް ބަލިކޮށްފި

ޔުއެފާ ނޭޝަންސް ލީގުގައި ރޭ ކުޅުނު މެޗުން 5-0 ގެ ބޮޑު ތަފާތަކުން ނެދަލެންޑްސް ބަލިކޮށް، ޖަރުމަނުން މުބާރާތުގެ ކުއާޓާ ފައިނަލުގެ ޖާގައެއް ކަށަވަރުކޮށްފި. ފްލޯރިއަން ވާޓްޒް ދެ ލަނޑު ކާމިޔާބުކުރި މި މެޗުގެ ނަތީޖާއާއެކު، ޖަރުމަނުން ވަނީ ގްރޫޕްގެ އެއްވަނަ މަގާމު ވެސް ހޯދާފައި.

ޔުއެފާ އިން ފީފާ އިންތިހާބަށް ނެރުނީ ފްރާްންސްގެ ފުޓްބޯޅަ ރައީސް

އަންނަ އަހަރު ބާއްވާ ފީފާގެ އިންތިހާބުގައި ވާދަކުރަން އާސެން ވެންގާ ދެކޮޅު ހެދުމުން، ޔުއެފާގެ ތާއީދާއެކު ފްރާންސް ފުޓްބޯޅަ ފެޑެރޭޝަންގެ ރައީސް ފިލީޕޭ ޑިއާލޯ އިންތިހާބަށް ކުރިމަތިލައްވައިފި. މި އިންތިހާބުގައި ޑިއާލޯގެ އިތުރުން މިހާރުގެ ރައީސް އިންފަންޓީނޯ އާއި އިތުރު ދެ ކެންޑިޑޭޓުން ވާދަކުރާއިރު، އިންތިހާބު އޮންނާނީ އަންނަ އަހަރުގެ މާޗް މަހުގައި

Newsletter

Get the latest news delivered straight to your inbox