އެންމެ ފަހުގެ ޗެމްޕިއަން, ދިވެހި ސިފައިންގެ ކްލަބް ބަލިކޮށް، ޕޮލިސް ކްލަބުން ގައުމީ ވޮލީބޯޅަ މުބާރާތުގެ ޗެމްޕިއަންކަން ހޯދައި، މުބާރާތުގެ ތަށި އުފުލާލައިފި އެވެ.
މި ފަހަރުގެ ގައުމީ ލީގާއި ގައުމީ މުބާރާތުގެ ސެމީ ފައިނަލް މެޗުގައި ސިފައިން ވަނީ ޕޮލިހުން ބަލިކޮށްފަ އެވެ. އެކަމަކު، ސިފައިންގެ ދެ ބިދޭސީ ކުޅުންތެރިން ނުލައި އެ ޓީމުން ކުޅެން ޖެހުނު މިރޭގެ ފައިނަލުން، ޕޮލިސް އަތުން ބަލިވީ ސީދާ ތިން ސެޓުންނެވެ.
ޝެޑިއުލްގެ ބަދަލާ އެކު ބިދޭސީ ކުޅުންތެރިން ނުލައި ސިފައިން ގައުމީ ފައިނަލަށް
ގައުމީ ވޮލީބޯޅަ މުބާރާތުގެ ޝެޑިއުލަށް އައި ބަދަލާ ގުޅިގެން، ތަށި ދިފާއުކުރަން ނުކުންނަ ސިފައިންގެ ކްލަބަށް މިރޭގެ ފައިނަލުގައި ބިދޭސީ ކުޅުންތެރިންނާ ނުލައި ކުޅެން ޖެހިއްޖެ. ސިފައިންގެ ޓީމަށް ކުޅޭ ޕާކިސްތާނުގެ ދެ ކުޅުންތެރިން މިއަދު ރާއްޖޭން ފުރީ، ކުރިން ތާވަލުކުރި ތާރީޚަށް ވުރެ ފައިނަލް މެޗު ލަސްވުމުން އެހެން ގައުމެއްގެ މުބާރާތަކަށް ދާން ޖެހުމުން
ސިފައިންގެ ޓީމަށް މި ފަހަރުގެ ގައުމީ ލީގުގައި މޮޅު ކުޅުމެއް ދައްކައި، ސައްތަ އިން ސައްތަ ރެކޯޑަކާ އެކު ހުރިހާ މެޗެއް ކާމިޔާބުކޮށްދޭން އެހީތެރިވެދިން ޕާކިސްތާން ދެ ކުޅުންތެރިން ކަމަށްވާ، ހަމަދު މުހައްމަދު އާއި ފަހަދު ރާޒާ، މިރޭގެ ފައިނަލުގައި ނެތެވެ. އެ ދެ ކުޅުންތެރިންނަށް ފައިނަލުގެ ފުރުސަތު ގެއްލުނީ، ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް) އިން މުބާރާތުގެ ޝެޑިއުލަށް ގެނައި ބަދަލެއްގެ ސަބަބުންނެވެ.
ޒުވާނުންގެ މަރުކަޒު އެތެރެ ކޯޓުގައި މިރޭ ކުޅުނު ގައުމީ ފައިނަލްގައި، ޕޮލިހުން ސިފައިންގެ މައްޗަށް ކުރިހޯދިއިރު، ސެޓުތައް ގެންދިޔައީ، 25-11، 25-18 އަދި 25-20 އިންނެވެ.
މުބާރާތުގެ ވަނަތަކަށް ބަލާއިރު، އެންމެ މޮޅު ކުޅުންތެރިއަކީ، ޕޮލިހުގެ ސެޓަރު، އަލީ މައުރޫފް (މާއްޓޭ) އާއި ސިފައިންގެ ޓީމުގެ ލިބަރޯ، އަހުމަދު ނަބީލް (ނައްބަ) އަދި ޕޮލިހުގެ އަހުމަދު ނާފިއު އެވެ. އެންމެ އުންމީދީ ކުޅުންތެރިޔާ (21 އަހަރުން ދަށުގެ އެންމެ މޮޅު ކުޅުންތެރިޔާ) ގެ މަގާމު ލިބިފައިވަނީ، ސިފައިންގެ ޓީމުގެ އިޔާން އަލީ އަށެވެ. އަދި، އެންމެ މޮޅު ކޯޗަކީ، ޕޮލިހުގެ ނަސްރުﷲ ތޯހާ އެވެ.
އެންމެ މޮޅު ބިދޭސީ ކުޅުންތެރިއަކީ، ޕޮލިހަށް ކުޅުނު ރަޝިއާގެ އަންދްރެއި ވަސިލެންކޯ އެވެ.
މިދިޔަ އަހަރުގެ ވޮލީބޯޅަ ސީޒަނުގެ ތިން މުބާރާތް ވެސް ކާމިޔާބުކުރި ސިފައިންނެވެ. އެކަމަކު، މި ފަހަރުގެ ވޮލީބޯޅަ ސީޒަނުގެ ތިން މުބާރާތް ކާމިޔާބުކޮށްފައިވަނީ ތިން ޓީމަކުންނެވެ. އެ ގޮތުން، ސިފައިން ބަލިކޮށް، އެސޯސިއޭަޝަން ކަޕް ޗެމްޕިއަންކަން ކްލަބް އެމްޓީސީސީން ހޯދިއިރު، ސިފައިން ވަނީ ގައުމީ ލީގު ކާމިޔާބުކޮށްފަ އެވެ. އެކަމަކު، ގައުމީ މުބާރާތުގެ ފައިނަލުން ސިފައިން މި ވަނީ ޕޮލިސް އަތުން ބަލިވެފަ އެވެ.
