ޑޮލަރު ގަނެވިއްކާ ކުންފުނިން އަދި މުއާމަލާތެއް ނުކުރަން: ފަލާހު
މަޖިލީހުގެ މެޖޯރިޓީ ލީޑަރު އިބްރާހިމް ފަލާހު ޑޮލަރު މާރުކުރާ ކުންފުންޏެއް އުފެއްދެވީ އޭނާގެ ސަފާރީ ވިޔަފާރިން ޑޮލަރުން އާމްދަނީ ލިބޭތީ ކަމަށާއި، ނަމަވެސް އެ ކުންފުނިން އަދި އެއްވެސް މުއާމަލާތެއް ކޮށްފައި ނުވާނެ ކަމަށް އޭނާ ވިދާޅުވެއްޖެއެވެ. މެންބަރުންގެ މާލީ ބަޔާންތަކުން މިކަން ހާމަވެފައިވާއިރު، އެ ކުންފުންޏަކީ އަމަލީ ގޮތުން މަސައްކަތް ކުރާ ތަނެއް ނޫން ކަމަށާއި އެމްއެމްއޭގެ ލައިސަންސް ވެސް ހޯދާފައި ނުވާނެ ކަމަށް ފަލާހު ފާހަގަކުރެއްވިއެވެ.
