ޓެރަރިޒަމް ތުހުމަތުގައި ހައްޔަރުކުރި ރެޕް އާޓިސްޓް މިނިވަންކޮށްފި
އެލްޓީޓީއީއަށް ތާއީދުކުރާ ކަމުގެ ތުހުމަތުގައި ލަންކާގެ ޓެރަރިޒަމް މަނާކުރާ ގާނޫނުގެ ދަށުން ހައްޔަރުކުރި ތަމަޅަ ރެޕް އާޓިސްޓް، ސަންގީތުސަން ގަނޭޝްކުމާރު ބަންދުން މިނިވަންކޮށްފިއެވެ. އޭނާ ހައްޔަރުކުރުމާ ގުޅިގެން ހިޔާލުފާޅުކުރުމުގެ މިނިވަންކަމަށް ހުރަސްއެޅޭ ކަމަށް ބުނެ މަދަނީ ޖަމިއްޔާތަކާއި ސިޔާސީ ފަރާތްތަކުން ވަނީ ބޮޑެތި ކަންބޮޑުވުންތަކެއް ފާޅުކޮށްފައެވެ. އޭނާ ދޫކޮށްލުމާ ގުޅިގެން މަޖިލިސް މެންބަރު ނާމަލް ރާޖަޕަކްސަ ވަނީ އެ ނިންމުމަށް މަރުހަބާ ވިދާޅުވެފައެވެ.
