ކައިވެނި ހަފުލާއަށް ދިން ހަމަލާ އެމެރިކާއިން ތަހުގީގު ކުރަނީ
އީރާނުގެ ކައިވެނި ހަފުލާއަކަށް ދިން ނުރައްކާތެރި ހަމަލާއަކީ އެމެރިކާގެ ހަތިޔާރަކުން ސީދާ އެ ތަނަށް ދީފައިވާ ހަމަލާއެއް ކަމަށް ރޮއިޓާސްގެ ތަހުލީލަކުން ދެއްކުމާ ގުޅިގެން އެމެރިކާ އިން އެ މައްސަލަ ބަލަން ފަށައިފިއެވެ. ފަސް މީހުން މަރުވެ 70 މީހުން ޒަހަމްވި މި ހަމަލާގެ ޒިންމާ އެމެރިކާ އިން އަދި ރަސްމީކޮށް އުފުލާފައި ނުވާއިރު، މި ހާދިސާއާ ގުޅިގެން ހަނގުރާމަ ހުއްޓާލުމަށް އެމެރިކާ ސަރުކާރަށް އޮތް ފިއްތުންތައް ވަނީ އިތުރުވެފައެވެ.
