އެއާ ޓްރެފިކް މައްސަލަ ދިމާވެ ޔޫކޭގެ ވައިގެ ދަތުރަށް ބުރޫއަރައިފި
އިނގިރޭސިވިލާތުގެ އެއާ ޓްރެފިކް ކޮންޓްރޯލް ސިސްޓަމަށް ދިމާވި ފަންނީ މައްސަލައަކާ ގުޅިގެން، އެ ގައުމުގެ ބޮޑެތި އެއާޕޯޓްތަކުގެ އެތައް ސަތޭކަ ފްލައިޓެއް ކެންސަލްވެ ދަތުރުތަކަށް ބޮޑެތި ބުރޫތަކެއް އަރައިފިއެވެ. ނެޝަނަލް އެއާ ޓްރެފިކް ސާވިސަސް (ނެޓްސް) އިން މި މައްސަލަ ހައްލުކުރުމަށް މަސައްކަތް ކުރަމުންދާއިރު، ރައްކާތެރިކަމުގެ ފިޔަވަޅެއްގެ ގޮތުން މިހާރު ވަނީ ވައިގެ ދަތުރުފަތުރުތައް ވަކި މިންވަރަކަށް ކޮންޓްރޯލް ކުރަން ފަށާފައެވެ.
