ބެންގަލޫރުން އެބޯލާއަށް ޝައްކުކުރެވުނު މީހާ ނެގެޓިވް
ބެންގަލޫރުން އެބޯލާ ވައިރަހަށް ޝައްކުކުރެވިގެން ކަރަންޓީނުކުރި ޔޫގެންޑާގެ އަންހެން މީހާ އެ ބައްޔަށް ނެގެޓިވްވެފައިވާ ކަމަށް އިންޑިއާގެ ހެލްތު މިނިސްޓްރީން ހާމަކޮށްފިއެވެ. ރައްކާތެރިކަމުގެ ފިޔަވަޅެއްގެ ގޮތުން އޭނާ އެކަހެރިކުރި ނަމަވެސް، ބަލީގެ އެއްވެސް އަލާމާތެއް ފެނިފައި ނުވާ ކަމަށް ހޮސްޕިޓަލުން ބުނެއެވެ. އެބޯލާ ފެތުރުން އިތުރުވަމުންދާތީ އިންޑިއާގެ ބޯޑަރުތަކުގައި މިހާރު ވަނީ ސްކްރީން ކުރުމުގެ ވަރުގަދަ ފިޔަވަޅުތަކެއް އަޅާފައެވެ.
