ސްކޫލުގައި ތިއްބާ ހެރީ އާއި މޭގަންގެ ދަރިންނަށް ފާރަލައިފި
އަމީރު ހެރީ އާއި މޭގަންގެ ދަރިން ކިޔަވާ ސްކޫލަށް ބޭރުގެ ފޮޓޯގްރަފަރަކު ވަދެ ފާރަލާފައިވާތީ، އެއީ ކުޑަކުދިންގެ އަމިއްލަ މިނިވަންކަމަށް އަރައިގަތުން ކަމަށް ބުނެ އެ ދެމަފިރިން ކަންބޮޑުވުން ފާޅުކޮށްފިއެވެ. މި ހާދިސާއާ ގުޅިގެން ފުލުހުން ކުރި ތަހުގީގުން އެއީ ޔޫރަޕްގެ ނޫސް އޭޖެންސީއެއްގެ ފޮޓޯގްރަފަރެއްކަން ވަނީ ކަށަވަރުވެފައެވެ. ސެކިއުރިޓީއަށް ނުރައްކާވެދާނެތީ، މިދިޔަ މަހު އިނގިރޭސިވިލާތަށް ބަދަލުވި އެ ދެމަފިރިންގެ ދަރިން މިހާރު ވަނީ އެހެން ސްކޫލަކަށް ބަދަލުކޮށްފައެވެ.
