އަލްއަގްސާގެ "ވެރިޔަކީ" އޭނާ ކަމަށް ބުނެ މިސްކިތަށް ވަދެގަނެފި
އިސްރާއީލުގެ ނޭޝަނަލް ސެކިއުރިޓީ މިނިސްޓަރު އިތަމާރު ބެން ގްވީރު އަލްއަގްސާ މިސްކިތަށް ވަދެގަނެ، އެތަނުގެ "ވެރިޔަކީ" އޭނާ ކަމަށް ބުނެ ޔަހޫދީންނަށް އަޅުކަން ކުރުމުގެ ފުރުސަތު ފުޅާކުރާނެ ކަމަށް ވަނީ އިއުލާނުކޮށްފައެވެ. މި ހާދިސާ ހިނގާފައިވަނީ ގިނަ ދުވަސްތަކެއް ވަންދެން މުސްލިމުންނަށް މިސްކިތް ބަންދުކުރުމަށްފަހު އަލުން ހުޅުވާލިތާ ކުޑަ ދުވަސްކޮޅެއްގެ ތެރޭގައެވެ. ބެން ގްވީރު ދަނީ އެ މިސްކިތުގައި ޔަހޫދީންގެ ބާރުވެރިކަން އިތުރުކުރުމަށް ބޮޑުވަޒީރު ނަތަންޔާހޫއަށް ބާރުއަޅައި އިތުރު ފިޔަވަޅުތައް އެޅުމަށް މަސައްކަތް ކުރަމުންނެވެ.
