އެމްޑީޕީ ކޮންގްރެސް 2026 ލައިވް ކަވަރޭޖް

އިދިކޮޅު މޯލްޑިވިއަން ޑިމޮކްރެޓިކް ޕާޓީގެ ކޮންގްރެސް މީގެ ކުޑަ ވަގުތުކޮޅެއް ފަހުން މާލޭ ސިޓީ ކައުންސިލުގެ ހޯލުގައި ފެށޭނެ އެވެ. ތިން ދުވަހަށް ކުރިއަށްގެންދާ އެމްޑީޕީގެ ކޮންގްރެސްގައި 900 އަށް ވުރެ ގިނަ މެންބަރުން ބައިވެރިވާނެ އެވެ. ކޮންގްރެސް ފެށުމުގެ ގޮތުން މިރޭ ބާއްވަނީ ޖަލްސާއެކެވެ. މިރޭގެ ޖަލްސާގައި ޕާޓީގެ ޗެއާޕާސަން ކުރީގެ ރައީސް މުހައްމަދު ނަޝީދު އަދި ކުރީގެ ރައީސް އިބްރާހިމް މުހައްމަދު ސޯލިހު ވާހަކަ ދައްކަވާނެ އެވެ. ހުކުރު ދުވަހު އޮންނާނީ އެމްޑީޕީގެ ކޮންގްރެސްގައި މުޅިން އަލަށް ކުރިއަށްގެންދާ އިންވެސްޓްމަންޓް ފޯރަމެވެ. އެ ފޯރަމުގައި ކައުންސިލްތަކުން އެކި ވިޔަފާރީގެ ޕްރޮޕޯސަލް ހުށަހަޅާނެ އެވެ. އެއަށްފަހު ހޮނިހިރު ދުވަހު ކުރިއަށްދާނީ ކޮންގްރެސްގެ ރަސްމީ ބަޔެވެ. އޭގެ ތެރޭގައި ޕާޓީގެ އަސާސީ ގަވާއިދު އިސްލާހު ކުރުމާއި ޕާޓީގެ ސިޔާސަތުތައް ފާސް ކުރުން ހިމެނެ އެވެ. އަސާސީ ގަވާއިދަށް ހުށަހަޅާ އިސްލާހުތަކަށް ވަކިވަކިން ވޯޓަށް އެހުމަށްފަހު މުޅި ގަވާއިދު އަލުން ފާސް ކުރަން ހާއްސަ ވޯޓެއް ވެސް އެ ދުވަހު ނަގާނެ އެވެ. ކޮންގްރެސް ނިންމާލާނީ ހޮނިހިރު ދުވަހު ރޭ ބާއްވާ ކުރު ޖަލްސާއަކަށްފަހު އެވެ.