ފިތުރު އީދު ނަމާދުގެ ޖަމާއަތުގައި ބައިވެރިވުމަށް އާއިލާއެއްގެ ބަޔަކު މިސްކިތް ދޮށަށް ދަނީ. މާލެ އާއި ހުޅުމާލޭގެ އިތުރުން ރާއްޖޭގެ އެހެން ސަރަހައްދުތަކުގައި ވެސް އީދު ނަމާދު ކޮށްފައި ވަނީ ބޮޑު ޖަމާއަތުގައި -- ފޮޓޯ: އަތޫފް އާތިފް / އަދަދު

ޖަމާއަތުގައި އީދު ނަމާދުކޮށް ނިމުމަށްފަހު ހެންވޭރު ސަލްމާން މިސްކިތް ދޮށުގައި ބަޔަކު މަޑުކޮށްލައިގެން. މިއަދުގެ އީދު ނަމާދު ކުރަން ފެށީ މިދިޔަ އަހަރެކޭ އެއްގޮތަށް ހެނދުނު 7:00 ގައި. އީދު ހުތުބާގައި ވަނީ ރުޅިވެރިކަމަކާއި، ހަސަދަވެރި ކަމަކުން ހިތްތައް ސާފުކުރުމަށާއި ބައިބައިނުވެ، އެއްގަލަކަށް އެރުމަށް ގޮވާލައިފައި -- ފޮޓޯ: އަތޫފް އާތިފް / އަދަދު

އީދު ނަމާދުގެ ޖަމާއަތުގައި ބައިވެރިވެ ނިމުމަށްފަހު ދެ ބަފައިން މިސްކިތް ދޮށުގައި ފޮޓޯއަކަށް މަޑުކޮށްލައިގެން. މިއަދުގެ އީދު ނަމާދުގެ ޖަމާއަތުން ހާމަކޮށް ދެނީ އެއްބައިވަންތަކަން ކަމަށާއި އަހަރެމެންގެ ކުޑަކުދީންނާއި ބޮޑެތި މީހުންގެ މެދުގައި، ފަގީރުންނާއި މުއްސަނދީންގެ މެދުގައި އޮތް ކުލުނުވެރިކަމާއި ލޯބި ކަމަށް ހުތުބާގައި ފާހަގަކުރި -- ފޮޓޯ: އަތޫފް އާތިފް / އަދަދު

ހުޅުމާލޭ ޓްރެކް ސަރަހައްދުގައި މިއަދު ހެނދުނު ބޮޑު ޖަމާއަތުގައި ކުރި އީދު ނަމާދު. އީދު ނަމާދުގައި އެކި އުމުރުގެ އަންހެނުންނާއި ފިރިހެނުންގެ އިތުރުން ކުޑަ ކުދިން ވެސް ބައިވެރިވި. ކުރިއަށް އޮތް ޖީލުތަކަށް މި މަތިވެރި އަގީދާ ފޯރުކޮށްދީ، ގައުމުގެ އިސްލާމީ ޝަހުސިއްޔަތު ރައްކައުތެރިކޮށް، ދަމަހައްޓާން މިއަދު އަޒުމު ކަނޑައަޅަން ހުތުބާގައި ގޮވާލި -- ފޮޓޯ: އަތޫފް އާތިފް / އަދަދު

އީދު ނަމާދުގެ ޖަމާއަތުގައި ބައިވެރިވުމަށް އަންހެނަކު އޭނާގެ ތުއްތު ދަރިފުޅު ގޮވައިގެން ދަނީ. މިއަދުގެ ހުތުބާގައި ވަނީ މައިންބަފައިން ހިތުގައި ނުޖައްސަން ނަސޭހަތްތެރިވެ މި ވަތަން ސައްތައިން ސައްތަ އިސްލާމީ ގައުމެއްގެ ގޮތުގައި ދެމެހެއްޓުމަށް އިސްލާމީ ތަރުބިޔަތާއި ތަޢުލީމު ފޯރުކޮށްދިނުމަށް އިލްތިމާސް ކޮށްފައި -- ފޮޓޯ: އަތޫފް އާތިފް / އަދަދު

ހުޅުމާލޭ ޓްރެކް ސަރަހައްދުގައި މިއަދު ހެނދުނު ކުރި އީދު ނަމާދު ބޮޑު ޖަމާއަތުގެ ކުރީ ސަފުގައި ކުޑަ ކުއްޖަކު ނަމާދު ކުރަނީ. އީދު ދުވަހަކީ ކުޑަ ކުދީންނާއި ބޮޑެތި މީހުންގެ ތެރެއިން އެންމެ ގިނަ ބަޔަކު ބައިވެރިވެ، އެއް ޖަމާއަތެއްގައި ކުރާ ނަމާދު -- ފޮޓޯ: އަތޫފް އާތިފް / އަދަދު

އީދު ނަމާދުގެ ޖަމާއަތުގައި ބައިވެރިވުމަށް ތުއްތު ކުއްޖަކު އާއިލާ އާއެކު ދަނީ. އީދު ޖަމާއަތަކީ ކުޑަ ކުދިންނާއި އުމުރުން ދުވަސްވީ މީހުން ވެސް ބައިވެރިވާ ޖަމާއަތެއް. އީދު ދުވަހު މަގުތައްމަތިން ފެންނަނީ އުފާވެރިކަން -- ފޮޓޯ: އަތޫފް އާތިފް / އަދަދު

އީދު ނަމާދު ކުރިއަށް ދިޔަ ވަގުތު އެ ސަރަހައްދުގެ ސެކިއުރިޓީ ބެލެހެއްޓުމަށް ހަރަކާތްތެރިވި ސިފައިންގެ ބޭކަލަކު ތުއްތު ކުއްޖަކާ ސަމާސާ ކޮށްލަނީ. މިއަދުގެ އީދު ނަމާދުގެ ޖަމާއަތުގައި ގިނަ އަދަދެއްގެ މީހުން ބައިވެރިވި -- ފޮޓޯ: އަތޫފް އާތިފް / އަދަދު

އީދު ނަމާދުގެ ޖަމާއަތުގައި ބައިވެރިވި ބައްޕައަކާއި ދަރިފުޅު. މިއަދުގެ އީދު ނަމާދު ކުރި ވަގުތު މުޅި މާލެއިން ފެނުނީ ހަމަ ހިމޭންކަމާއި ބައިބޯކަން. މިއަދުގެ ޖަމާއަތުގައި ގިނަ އަދަދެއްގެ ކުޑަކުދިން ބައިވެރިވި -- ފޮޓޯ: އަތޫފް އާތިފް

އީދު ނަމާދުގެ ޖަމާއަތް ނިންމައިލުމަށްފަހު ދިޔަ ކުދިވެރިންތަކެއް. އީދު ނަމާދު ނިމުމާއެކު އެ ސަރަހައްދުގައި ހަދިޔާ ބެހުން ކުރިއަށް ދިޔަ. ހަދިޔާ ބެހުމުގައި އުރީދޫ، ދިރާގު ފަދަ ކުންފުނިތަކުގެ އިތުރުން އަމިއްލަ ބައެއް ފަރާތްތައް ވެސް ހަރަކާތްތެރިވި -- ފޮޓޯ: އަތޫފް އާތިފް / އަދަދު

ހުޅުމާލޭގައި މިއަދު ބޮޑު ޖަމާއަތުގައި ކުރި އީދު ނަމާދު. ހުޅުމާލޭގެ ދެ ސަރަހައްދެއްގައި މިއަދު ބޮޑު ޖަމާއަތުގައި އީދު ނަމާދު ކުރި. އޭގެއިތުރުން ބައެއް މިސްކިތްތަކުގައި ވެސް އީދު ނަމާދު ކުރި -- ފޮޓޯ: އަތޫފް އާތިފް / އަދަދު

ހުޅުމާލޭގައި މިއަދު ބޮޑު ޖަމާއަތުގައި ފިތުރު އީދު ނަމާދު ކުރަނީ. މިއަދުގެ ޖަމާއަތުގައި ކުދިބޮޑު ގިނަ އަދަދެއްގެ މީހުން ބައިވެރިވި. -- ފޮޓޯ: އަތޫފް އާތިފް / އަދަދު