އެމެރިކާ އާއި އިޒްރޭލުން ސްކޫލަކަށް ބޮން އަޅައި މަރާލި 165 ކުޑަކުދިންގެ ޖަނާޒާ މިއަދު އިރާނުގައި ބާއްވައިފި އެވެ.

މި ހަމަލާ އެމެރިކާ އާއި އިޒްްރޭލުން އަމާޒުކުރީ ދެކުނު އިރާނުގައި އޮންނަ މިނަބު ސިޓީގައި ހުންނަ އަންހެން ކުދިން ކިޔަވާ ސްކޫލަކަށެވެ.

އެތައް ހާސް ބަޔަކު އެ ކުދިންގެ ޖަނާޒާގައި ބައިވެރިވި އެވެ. އެ މަންޒަރުތައް އިރާނުގެ ގައުމީ ޓީވީން ވަގުތުން ދުރަށް ދެއްކި އެވެ. ޖަނާޒާގައި ބައިވެރިވި މީހުން ވަނީ އަމާން ނުދިނުމަށް ގޮވާލާފަ އެވެ.

އެމެރިކާ އާއި އިޒްރޭލުން އަންނަނީ ސްކޫލްތަކާއި ހޮސްޕިޓަލްތަކަށް ވެސް ހަމަލާ ދެމުންނެވެ. އެފަދަ ހަމަލާތައް ދެމުން ނުދާ ކަމަށް އެ ދެ ގައުމުން ވެސް ބުނެ އެވެ.

ނަމަވެސް، ފަލަސްތީނުގައި ހިންގަމުންދާ ޖެނޮސައިޑް ހަނގުރާމައެެކޭ އެއްގޮތަށް މިފަހަރު ވެސް އެމެރިކާ އާއި އިޒްރޭލުން މި ހަމަލާ ދިންކަމަށް އެއްބަހެއް ނުވެ އެވެ.

އިރާނަށް ދެމުންދާ ހަމަލާތަކުގައި މިހާތަނަށް 750 އަށްވުރެ ގިނަ މީހުން ވަނީ މަރުވެފަ އެވެ.