ރ. ކިނޮޅަހާ ދިމާ ބޭރު ކަނޑުމަތިން މަރުވެފައި އޮތް މީހެއްގެ ހަށިގަނޑު ފެނިއްޖެ އެވެ.

ފުލުހުން ބުނީ އެ މީހާގެ ހަށިގަނޑު އެ ސަރަހައްދުން އޮޔާ ދާކަމުގެ މައުލޫމާތު ލިބިގެން މިއަދު ހަވީރު 4:30 ހާއިރުން ފެށިގެން އެ ސަރަހައްދުގައި ފުލުހުން ހަރަކާތްތެރިވަމުންދާ ކަމަށެވެ.

މަރުވެފައި އޮތީ ކޮން ގައުމެއްގެ ކޮން ޖިންސެއްގެ ކާކު ކަމެއް ފުލުހުން މިހާތަނަށް ކަށަވަރުކޮށްދީފައެއް ނުވެ އެވެ. އާންމުކޮށް މިހެން ފެންނަ ހަށިގަނޑުތައް މޫދުގައި ގިނަ ދުވަސްވެ އޮންނަނީ ވަރަށް ބޮޑަށް ކުނިވެ، ކާކުކަން ނޭނގޭ ވަރު ވެފަ އެވެ.

ފުލުހުން ބުނީ މިކަމާ ގުޅިގެން ބަލަން ޖެހޭ އިތުރު ކަންކަން ބަލަމުންދާ ކަމަށާއި މައުލޫމާތު ލިބޭ ވަރަކުން މީޑިއާތަކާއި ހިއްސާކުރާނެ ކަމަށެވެ.

މިދިޔަ މަހުގެ މާލެ އަތޮޅުން މަރުވެފައި އޮތް ދެ މީހެއްގެ ހަށިގަނޑު ފެނުނެވެ. އެ ދެ ފަހަރު ވެސް ފެނުނީ ބިދޭސީ ދެ ފިރިހެނުންގެ ހަށިގަނޑެވެ.