ދައުލަތުގެ ދަރަނީގެ ބަހުސްކުރަން އިކޮނޮމިކް މިނިސްޓަރު މުހަައްމަދު ސައީދާއި ފިނޭންސް މިނިސްޓަރު މޫސާ ޒަމީރަށް އެމްޑީޕީގެ ޗެއާޕަސަން ފައްޔާޒު އިސްމާއިލް ދެއްވި ކަމަށް އިއްޔެ ރިޕޯޓުކުރި އެވެ.

ބުރާސްފަތި ދުވަހުގެ ރޭ އެމްޑީޕީން ބޭއްވި ގައުމީ މަޖިލީހުގައި ފައްޔާޒު ވިދާޅުވީ އޭނާ އާއި ކުރީގެ ފިނޭންސް މިނިސްޓަރު އިބްރާހިމް އަމީރުއާ އެކު ދަރަނީގެ ވާހަކައަށް ބަހުސްކުރަން ކެރިވަޑައިގަންނަވާނަމައެ ބަހުސަށް ރައްޔިތުންގެ ކުރިމައްޗަށް އައުމަށް ދައުވަތު ދޭ ކަމަށެވެ.

"އަޅުގަނޑު މި ގަސްތުކުރީ އަޅުގަނޑު މިއަދުގެ އިކޮނޮމިކް މިނިސްޓަރަށް މި ގޮވާލަނީ އަދި މިއަދުގެ މާލީ ވަޒީރަށް މި ގޮވާލަނީ މުޅި ދިވެހިރާއްޖޭގެ ރައްޔިތުން ކުރިމައްޗަށް ވަޑައިގެން އަޅުގަނޑާއި އަޅުގަނޑުމެންގެ ކުރީގެ ފައިނޭންސް މިނިސްޓަރާއި އެއްކޮށް ދަރަނީގެ ވާހަކަ ރަނގަޅަށް ދައްކާލަން ވަޑައިގަންނަވާށޭ. ކެރިވަޑައިގަންނަވަންޏާ ވަޑައިގަންނަވާށޭ،" އޭނާ ވިދާޅުވި އެވެ.

ފައްޔާޒު ވިދާޅުވީ ސައީދާއި ޒަމީރު ބޭނުންވާ ދުވަހަކު، ބޭނުންވާ ގަޑިއަކު އަދި ބޭނުންވާ އެޑްވައިޒަރުންނަކާ އެކު ދަރަންޏާއި ކޮރަޕްޝަނާއި ބެހޭ ގޮތުން އެ ބަހުސް ބޭއްވުމުގެ އިންތިޒާމު އެމްޑީޕީން ހަމަޖައްސަން ކުރިއަށް އޮތް ދުވަސްތަކުގައި ދައުވަތު އަރުވާނެ ކަމަށެވެ.

މީގެއިތުރުން ކޮންމެ ފަހަރަކު މި ސަރުކާރުގެ ދަރަންޏާއި ކޮރަޕްޝަންގެ ވާހަކަތައް ފެންމަތިވެ ރައްޔިތުންގެ ފަރާތުން ޕްރެޝަރު އަންނަ ދަނޑިވަޅެއްގައި އޮޅުވާލުމުގެ ގޮތުން ކުރީ ސަރުކާރުގެ ބޮލަށް އެކަންކަން ޖެހުމަށް މަސައްކަތް ކުރަމުންދާ ކަމަށް އޭނާ ވިދާޅުވި އެވެ.

"މި ބޭފުޅުންނަށް ރައްޔިތުންގެ ޕްރެޝާ އަންނަ ކޮންމެ ފަހަރަކު ކުރީ ސަރުކާރުގެ ބޮލަށް ޖެހުމުގެ ގޮތުން މި ވާހަކަތައް ދައްކަމުން އެދަނީ. ކޮރަޕްޝަންގެ ވާހަކަ ވެސް ހަމަ އެހެން. އަޅުގަނޑުމެން އެތައް ފަހަރަކު މި ވާހަކަތައް އެބަ ސާފުކޮށްދެން،" ފައްޔާޒު ވިދާޅުވި އެވެ.

"އެހެންނަމަވެސް ދެ މަހެއްވަރު ފަހުން އަނެއްކާ ވެސް މި ބޭފުޅުން އަރާ މި ވާހަކަތައް ދައްކައިގެން ރައްޔިތުންނަށް އޮޅުވާލުމުގެ މަސައްކަތް އެބަ ކުރޭ."

ދަރަނިތައް ދެއްކުމުގައި ދަތިނުވާ ގޮތަށް އެމަނިކުފާނު ވައުދުވެވަޑައިގެންނެވި ހުރިހާ މަޝްރުއެއްގެ މަސައްކަތް 2028 ވަނަ އަހަރަށް ނިންމާނެ ކަމަށް ރައީސް މުހައްމަދު މުއިއްޒު ދާދި ފަހުން ވަނީ ވިދާޅުވެފަ އެވެ.

---

އަޕްޑޭޓުތަކާއި ބްރޭކިން ނިއުސްތަކަށް އަދަދު ނޫހުގެ ޓެލެގްރާމް އެކައުންޓު ފޮލޯކުރާށެވެ.

---

މިއަދުގެ މޫސުން

• ބައެއް ރަށްރަށަށް ކެރީގެ އަސަރުކުރި ނަމަވެސް ރާއްޖޭގެ މޫސުން އާންމު ގޮތެއްގައި ރަނގަޅުވާނެ.
• ވައިޖެހޭނީ ހުޅަނގާއި ހުޅަނގު އުތުރުން ގަޑިއަކު 7 މޭލާއި 17 މޭލަށް. ދެކުނުގެ އަތޮޅުތަކަށް ގަޑިއަކު 8 މޭލާއި 18 މޭލަށް.
• އާދައިގެ ވަރަކަށް ކަނޑުތައް މަޑުވާނެ
• ރާޅުގެ އުސްމިން ހުރީ 3 ފޫޓާއި 5 ފޫޓާ ދެމެދު.

ނަމާދު ވަގުތު

• ފަތިސް 04:47
• އިރުއަރާ 06:02
• މެންދުރު 12:16
• އަޞްރު 15:32
• މަޣްރިބް 18:22
• ޢިޝާ 19:36

މުހިއްމު ބައެއް ހަބަރު