‏އިނގިރޭސިވިލާތުގައި ނިންޓެންޑޯ ސްވިޗް 2 ގެ ޕްރީ-އޯޑަރުތައް ހަލުވިކަމާއެކު ހުސްވަމުން އަންނައިރު، ގިނަ ބަޔަކު ‏‏ދަނީ މި އާ ކޮންސޯލް ހޯދުމަށް މަސައްކަތް ކުރަމުންނެވެ. ޖޫން 5 ވަނަ ދުވަހު ނެރެން ހަމަޖެހިފައިވާ މި ‏‏ކޮންސޯލަށް އޮތް ޑިމާންޑް ބޮޑުކަމުން، ޕްރީ-އޯޑާ ހުޅުވާލި ފަހުން ގާތްގަނޑަކަށް ކޮންމެ ދުވަހަކުވެސް ސްޓޮކް ‏‏ހުސްވަމުން އަންނަ ކަމަށް ރިޕޯޓްތައް ބުނެ އެވެ‏‎.‎

‏މިކަމަށް ހައްލެއް ހޯދުމުގެ ގޮތުން، ނިންޓެންޑޯ އިން ވަނީ ސްވިޗް 2 ގެ ކަސްޓަމް އެންވީޑިއާ ޑިޒައިން ޗިޕް ‏‏އުފެއްދުމަށް ސެމްސަންގް އާ ހަވާލުކޮށްފަ އެވެ. މިއީ ކުރީގެ ސްވިޗްގެ ޕްރޮސެސާ އުފެއްދި ޓީއެސްއެމްސީ އިން ‏‏ބަދަލުކުރުމެކެވެ. މި ބަދަލާއެކު 2017 ވަނަ އަހަރު ދިމާވިފަދަ ސަޕްލައިގެ ދަތިތައް ނުޖެހި، ސްވިޗް 2 ގެ ވިއްކުން ‏‏20 މިލިއަނަށް އިތުރުކުރެވޭނެ ކަމަށް ނިންޓެންޑޯއިން އުންމީދު ކުރެއެވެ‏‎.‎

‏މީގެ އިތުރުން، ނިންޓެންޑޯ އިން ވަނީ، މިދިޔަ އަހަރު ބައިވެރިނުވީ، މި އަހަރުގެ އޮގަސްޓް މަހު ބާއްވާ ‏‏ގޭމްސްކޮމްގައި ބައިވެރިވާނެކަން ކަށަވަރުކޮށްދީފަ އެވެ. މިއީ މެޓްރޮއިޑް ޕްރައިމް 4، ޕޮކެމޮން ލެޖެންޑްސް ޒެޑް-އޭ އަދި ‏‏ފަހަރެއްގައި އައު 3ޑީ މާރިއޯއެއް ވެސް ފެނިދާނެ ކަމުގެ އިޝާރާތެކެވެ‏‎.‎

‏ސްވިޗް 2 ގެ އައު ފީޗާތައް‏‎:‎

‏ސްވިޗް 2 އަކީވެސް ކުރީގެ ސްވިޗް ފަދައިން ހައިބްރިޑް ޑިޒައިނެކެވެ. މާނައަކީ އަތުންވެސް އަދި ޓީވީއަށް ‏‏ޑޮކްކޮށްގެންވެސް ކުޅެވޭނެ އެވެ. ނަމަވެސް، ހާޑްވެއާއަށް ބޮޑެތި ތަރައްގީތަކެއް ގެނެސްފައިވެ އެވެ. އޭގެ ތެރޭގައި‏‎:‎

‏ސްކްރީން: 7.9 އިންޗީގެ އެޗްޑީއާރް-ރެޑީ އެލްސީޑީ ސްކްރީނެއް‏‎.‎

‏ސްޓޯރޭޖް: 256ޖީބީގެ އިންޓަރނަލް ސްޓޯރޭޖް‏‎.‎

‏ޕާފޯމަންސް: ކުރިއަށްވުރެ ރަނގަޅު ޕާފޯމަންސް‏‎.‎

‏ޖޮއި-ކޮން 2: މެގްނެޓިކް ޖޮއި-ކޮން 2 ކޮންޓްރޯލާތަކެއް. މި އައު ޖޮއި-ކޮންތައް ކޮމްޕިއުޓަރު މައުސްއެއް ފަދައިން ‏‏ބޭނުންކުރެވޭނެއެވެ‏‎.‎

‏ފޮށީގައި ހިމެނޭ ތަކެތި އަދި އިތުރު މައުލޫމާތު‏‎:‎

‏ސްވިޗް 2 ގެ ސްޓޭންޑްއެލޯން ކޮންސޯލް ގަންނައިރު، ކޮންސޯލް، ޑޮކް، ޖޮއި-ކޮން 2 ގެ ދެ ކޮންޓްރޯލަރު، އަދި ‏‏ކޮންޓްރޯލާތައް އެއް ޕެޑަކަށް ހަދާލެވޭ ގްރިޕެއް ހިމެނެ އެވެ. މި ކޮންސޯލް ކުރީގެ ސްވިޗް ގޭމްތަކާ ފުރިހަމައަށް ‏‏ފައްތާއިރު (ބެކްވާޑްސް ކޮމްޕެޓިބަލް)، ޑޮކްކޮށްފައި ހުންނައިރު 4‏K ‎‏އައުޓްޕުޓް ސަޕޯޓްކުރެއެވެ. ‏

‏މި ވަގުތު އިނގިރޭސިވިލާތުގައި މި ކޮންސޯލް ވެރީއާއި، ޝޮޕްޓޫއާއި، އަދި މައި ނިންޓެންޑޯ ސްޓޯރުން (އެކްޓިވް ‏‏ސްވިޗް އޮންލައިން މެމްބަރޝިޕެއް އޮތްނަމަ) ޕްރީ-އޯޑާ ކުރެވޭނެ އެވެ. ‏