ބިންހެލުމުގައި މިޔަންމާއިން މަރުވި މީހުންގެ އަދަދު 1،600 އަށް އަރައިފި

30 މާރިޗު 2025 - 08:58 0

ވެއްޓިފައި އޮތް އިމާރާތެއްގެ ދަށުވެފައިވާ މީހުން ސަލާމަތް ކުރުމުގެ މަސައްކަތް ބަޔަކު ކުރަމުން ދަނީ. މިއ


ބިންހެލުމުގައި މިޔަންމާއިން މަރުވި މީހުންގެ އަދަދު 1،600 އަށް އަރައިފި

30 މާރިޗު 2025 - 08:58 0

ބެންކޮކް، ތައިލޭންޑް (މާޗު 30) - މިޔަންމާއަށް އިއްޔެ 7.7 މެގްނިޓިއުޑްގެ ބާރުމިނުގައި އައި ބިންހެލުމުގައި މަރުވި މީހުންގެ އަދަދު 1،600 އަށްވުރެ އިތުރުވެފައިވާ ކަމަށް މީޑިއާތަކުން ރިޕޯޓުކޮށްފި އެވެ.

އެމެރިކާގެ ޖިއޮލޮޖިކަލް ސާވޭއިން ބުނާ ގޮތުގައި ބިން ހެލުން އައީ ބިންގަނޑުގެ 10 ކިލޯމީޓަރު އަޑިއަށެވެ. ބިންހެލުން އައީ މިޔަންމާގެ ދެވަނައަށް އެންމެ ބޮޑު ސިޓީ ކަމަށްވާ މަންޑަލޭގެ 17 ކިލޯމީޓަރު ބޭރަށެވެ.

އެ ގައުމުގައި ވެރިކަން ކުރަމުންދާ އަސްކަރީ ސަރުކާރުން ހާމަކޮށްފައިވާ ގޮތުގައި މިހާތަނަށް 1،644 މީހުން ވަނީ މަރުވެފަ އެވެ. އަނިޔާ ލިބުނު މީހުންގެ އަދަދު 3،400 އަށްވުރެ އިތުރުވެފައިވާއިރު 139 މީހުން ގެއްލިގެން ހޯދަމުންދާ ކަމަށް ވެސް މިޔަންމާގެ ސަރުކާރުން ބުނެފައިވެ އެވެ.

މިޔަންމާގެ އަވަށްޓެރި ގައުމުތައް ކަމަށްވާ އިންޑިއާ، ޗައިނާ އަދި ތަައިލޭންޑުން ވަނީ އެހީ އާއި ހާއްސަ ޓީމުތައް ފޮނުވާފަ އެވެ. މެލޭޝިއާ، ސިންގަޕޫރު އަދި ރަޝިއާއިން ވެސް ވަނީ މިޔަންމާއަށް އެހީތެރިވުމަށް ހާއްސަ ޓީމުތަކެއް ފޮނުވާފަ އެވެ.

ޖުމުލަ 55 މިލިއަން މީހުންގެ އާބާދީއެއް އޮންނަ މިޔަންމާގެ މުހިންމު ބިނާރުތަކަށް ވަނީ ބޮޑެތި ގެއްލުންތަކެއް ލިބިފަ އެވެ.

އެމެރިކާގެ ޖިއޮލޮޖިކަލް ސާވޭއިން އަންދާޒާ ކުރާ ގޮތުގައި ބިންހެލުމުގައި މަރުވާ މީހުންގެ އަދަދު 10،000 އަށްވުރެ އިތުރުވުން ގާތެވެ. އަދިި، ލިބޭ ގެއްލުންތަކުގެ އަގު މިޔަންމާގެ އަހަރީ އުފެއްދުންތެރިކަމަށް ވުރެ އިތުރުވާނެ ކަމަށް ވަނީ ލަފާކޮށްފަ އެވެ.