17 ފެބުރުވަރީ 2025 - 14:52 0
މުހައްމަދު ޝަހްޒާން
ފުވައްމުލަކު މަތިން ފެންނަ ފޮޓޯއެއް -- ފޮޓޯ: މިރާޝް ނާޝިމް / އަދަދު
17 ފެބުރުވަރީ 2025 - 14:52 0
ފުވައްމުލަކުގައި ހުންނަ ޔޫރޯ ސްޓޯރުގެ ގުދަނަކުން ސިނގިރޭޓު ކޭސްތަކެއް ވަގަށް ނަގައިފި އެވެ.
މީޑިއާތަކަށް ފުލުހުން ފޮނުވި މެސެޖެއްގައި ބުނީ ޔޫރޯގެ ގުދަނުން ވަގަށް ނަގާފައި ވަނީ 130 ކާޓަން ސިނގިރޭޓު ކަމަށެވެ.
މިހާރު އާންމުކޮށް ސިނގިރޭޓު ފޮށްޓެއް ވިއްކަނީ 240ރ. އަށެވެ. ސިނގިރޭޓު ކާޓަނެއްގައި 10 ފޮށި ހުންނާނެ އެވެ. އެހެންކަމުން ވަގަށް ނެގި ސިނގިރޭޓުތަކުގެ އަގު ތިން ލައްކަ ރުފިޔާއަށް ވުރެ މަތިވާނެ އެވެ.
ނަމަވެސް އެ މައްސަލައިގައި މިހައިތަނަށް މީހަކު ހައްޔަރު ނުކުރާ ކަމަށް ފުލުހުން ބުންޏެވެ.
ފުލުހުން ބުނީ އެ މައްސަލަ ތަހުގީގު ކުރަމުންދާ ކަމަށެވެ. އިތުރު ތަފުސީލެއް ފުލުހުން ހާމައެއް ނުކުރެ އެވެ.
ގިނަ އަދަދެއްގެ ސިނގިރޭޓު ކޭސްތަކެއް ވަގަށް ނަގާފައި މި ވަނީ މިދިޔަ ޑިސެމްބަރު މަހުން ފެށިގެން ދުންފަތުން ނަގާ ޓެކްސް ބޮޑު ކުރިފަހުން ސިނގިރޭޓުގެ އަގު ވަރަށް ބޮޑަށް މަތިވެފައި އޮއްވަ އެވެ.
50.00%
0.00%
50.00%
0.00%
މި ލިޔުން ކިޔާލުމުން
މި ލިޔުމާ ގުޅޭ ލިޔުންތައް
Comment