ދުނިޔޭގައި ހުރި އެންމެ ދުވަސްވީ މީހާގެ ވޯލްޑް ރެކޯޑު އޮންނަ ޖަޕާނަށް ނިސްބަތްވާ ޓޮމިކޯ އިޓޫކާ އުމުރުން 116 އަހަރުގައި މަރުވެއްޖެ އެވެ.

މެއި 23، 1908، ގައި އުފަންވި އިޓޫކާ ދުނިޔޭގެ އެންމެ ދުވަސްވީ މީހާގެ ލަގަބު ލިބުނީ މިދިޔަ އަހަރު އެ ލަގަބު އޮންނަ މާރިއާ ބްރަންވާސް 117 އަހަރުގައި މަރުވުމުންނެވެ.

އިޓޫކާ މަރުވީ ޑިސެމްބަރު 29، ގައި ޖަޕާނުގެ އަޝިޔާ ސިޓީގައި ދުވަސްވީ މީހުން ބަލަހައްޓާ ސެންޓަރެއްގަ އެވެ. އޭނާގެ މަރާ ގުޅިގެން މާ ބޮޑު ތަފްސީލެއް މިހާތަނަށް ހާމަކޮށްފައެއް ނުވެ އެވެ.

އިޓޫކާގެ މަރާ ގުޅިގެން އަޝިޔާގެ މޭޔަރު ރައިސޫކޭ ޓަކަޝިމާ ވިދާޅުވީ އިޓޫކާގެ ހަޔާތުގައި އޭނާ ވަނީ ހިތްވަރާއި އެތަކެއް އުންމީދުތަކެއް ދީފައި ކަމަށާއި އެކަމަށް ޝުކުރު އަދާ ކުރާ ކަމަށެވެ.

ހައި ސްކޫލްގައި ވޮލީ ކުޅުނު އިޓޫކާ 20 އަހަރުގައި ކައިވެނިކޮށް ތިން ކުދިން ލިބުނެވެ. އެއީ ދެ އަންހެން ކުދިންނާއި އެއް ފިރިހެން ކުއްޖެކެވެ. އޭނާގެ ފިރިމީހާ 1979 ގައި މަރުވިއިރު، ދުނިޔޭގައި މިވަގުތު ތިބީ އޭނާގެ ފިރިހެން ދަރިއަކާއި އަންހެން ދަރިއެއްގެ އިތުރުން ފަސް މާމަ ދަރިންނެވެ.