އިންޑިއާގެ ޖާސޫސީ ވިންގު، ރޯގެ އެހީގައި ރައީސް ޑރ. މުހައްމަދު މުއިއްޒުގެ ވެރިކަން ވައްޓާލަން އިދިކޮޅު ފަރާތްތަކުން މަޝްވަރާކޮށް މަސައްކަތްކުރި ކަމަށް ބުނެ އެމެރިކާގެ ވޮޝިންޓަން ޕޯސްޓުން ޝާއިއުކުރި ތަހުގީގީ ރިޕޯޓު ދިވެހި ސަރުކާރުން ދޮގުކޮށްފި ކަމަށް އިއްޔެ ރިޕޯޓުކުރި އެވެ.

މިދިޔަ ހަފުތާ ވޮޝިންޓަން ޕޯސްޓުން ޝާއިއުކުރި ރިޕޯޓުގައި ބުނެފައިވަނީ ރައީސް މުއިއްޒުގެ ސަރުކާރު ވައްޓާލަން "ޑިމޮކްރެެޓިކް ރިނުވަލް އިނީޝިއޭޓިވް" ގެ ނަމުގައި އިދިކޮޅު އެމްޑީޕީން ރޯއަށް ކަރުދާހެއް ހުށަހެޅި ކަމަށެވެ.

މި ރިޕޯޓު އިންޑިއާގެ ސަރުކާރުން ދޮގުކޮށްފައި ވަނިކޮށް، ދިވެހި ދެކޭ ގޮތާ ގުޅޭ ގޮތުން ފުރަތަމަ ފަހަރަށް ވާހަކަ ދެއްވީ، މި ވަގުތު ރަސްމީ ދަތުރެއްގައި އިންޑިއާގައި ހުންނެވި ރާއްޖޭގެ ހާރިޖީ ވަޒީރު ޑރ. އަބްދުالله ހަލީލު އެވެ.

"އެއީ މުޅިން ވެސް ހަގީގަތާ ހިލާފު، އެއްވެސް އަސާސެއް ނެތް ވާހަކައެއް. އެ ކަމުގައި އެއްވެސް ހަގީގަތެއް އެކުލެވިގެން ނުވޭ. އެހާ ސިމްޕަލްކޮށް އޮތް ކަމެއް އެއީ،" ވޮޝިންޓަން ޕޯސްޓްގެ ރިޕޯޓާ މެދު ބަހެއް ވިދާޅުވުމަށް ވިއޯންގެ ނޫސްވެރިޔާ އެދުމުން ދެއްވި ކުރު ޖަވާބުގައި ހަލީލު ވިދާޅުވި އެވެ.

މުހިއްމު ބައެއް ހަބަރު