ހުޅުމާލެ ފޭސް 2ގައި ޕާކް ކޮށްފައި އޮތް ޓެކްސީއެއްގައި ރޭ މެންދަމު އަލިފާން ރޯވެއްޖެ އެވެ.

އެމްއެންޑީއެފްއިން ބުނީ އެ އަލިފާނުގެ ހާދިސާގެ ރިޕޯޓު ލިބުނީ މެންދަމު 3:36 ހާއިރު ކަމަށާއި 04:01 ގައި އެމްއެންޑީއެފްއިން މާލެ އޭރިއާ ކޮމާންޑް، ހުޅުމާލޭ ފަޔާ ސްޓޭޝަންގެ ފަޔާ ފައިޓަރުން ނިއްވާލައިފި އެވެ.

އެ ހާދިސާގައި އެއްވެސް މީހަކަށް އަނިޔާއެއް ނުލިބެ އެވެ. ނަމަވެސް ކާރަށް ވަނީ ވަރަށް ބޮޑަށް ގެއްލުން ލިބިފަ އެވެ.

އެ ޓެކްސީގައި ބަޔަކު ރޯކޮށްލީ ކަމެއް ނުވަތަ ރޯވީ ކަމެއް ފުލުހުން އަދި ނުބުނެ އެވެ. މި މައްސަލަ ދަނީ ތަހުގީގު ކުރަމުންނެވެ.