މިދިޔަ ބުރާސްފަތި ދުވަހު ހިނގި އަލިފާނުގެ ހާދިސާގައި މަސައްކަތް ހުއްޓުމަކަށް އައި ތިން މިނިސްޓްރީގެ މަސައްކަތް މާދަމާ ދަރުބާރުގޭގައި ފެށޭނެ ކަަމަށް ކޮންސްޓްރަަކްޝަން މިނިސްޓަރު ޑރ. އަބްދުﷲ މުއްތަލިބު މިއަދު ވިދާޅުވެއްޖެ އެވެ.

އަލިފާނުގެ ހާދިސާގައި މަސަައްކަތް އެއްކޮށް ހުއްޓުނު ތިން މިނިސްޓްރީއަކީ އެއް އިމާރާތެއްގެ ތެރޭގައި ހިންގަމުން އަންނަ ކޮންސްޓްރަކްޝަން އަދި އިންފްރާސްޓްރަކްޗާ މިނިސްޓްރީ އާއި ހައުސިން މިނިސްޓްރީގެ އިތުރުން ފުރަތަމަ އަލިފާން ރޯވީ ކަމަށް ފުލުހުން ބުނާ ގްރީން ބިލްޑިންގައި ހުންނަ އެންވަޔަރަމެންޓު މިނިސްޓްރީ އެވެ.

ހަމަ އެ ދުވަހުން ފެށިިގެން އެ މިނިސްޓްރީތަކުން ދެމުން ދިޔަ ހިދުމަތްތައް ދަރުބާރުގޭގައި ފެށުމުގެ މަސައްކަތް ފެށި އެވެ.

އަލިފާނުގެ ހާދިސާއާ ގުޅޭ ގޮތުން މައުލޫމާތު ދޭން ބޭއްވި ނޫސްވެރިންގެ ބައްދަލުވުމެއްގައި މުއްތޮލިބު ވިދާޅުވި ގޮތުގައި މިހާރު މަސައްކަތް ފަށަން ބޭނުންވާ ހުރިހާ ތައްޔާރީތަކެއް ނިމުމަކާ ހަމައަށް އައިސްފި އެވެ. އަދި މާދަމާގެ ވަގުތެއްގައި އެ މަސައްކަތްތައް ފެށޭނެ ކަމަށް ބެލެވޭ ކަމަށް އޭނާ ވިދާޅުވި އެވެ.