އަންނަ ބުދަ ދުވަހު ގަލޮޅު ރަސްމީ ބޯޅަ ދަނޑުގައި ފަށާ ނައިންޓީ ޕްލަސް ގޯލްޑް ކަޕް ފުޓްބޯޅަ މުބާރާތުގައި މާލެ ސިޓީ، ބ. އޭދަފުށި އަދި ތ. ތިމަރަފުށި އެއް ގްރޫޕެއްގައި ވާދަކުރަން ޖެހިއްޖެ އެވެ.

ޖުމްލަ އެކު، 22 ޓީމު މި ފަަހަރު ބައިވެރިވާން ނަން ހުށަހެޅި ނަމަވެސް، ފަސް ޓީމެއް ނަން ނެގުމުން ރޭ ގުރުއަތުލުން ބާއްވާފައިވަނީ 17 ޓީމެއްގެ މެދުގަ އެވެ.

އެ ގޮތުން، އެންމެ ގިނަ ބަޔެއްގެ ސަމާލުކަން ހުއްޓިފައިވަނީ، ގްރޫޕް ބީ އަށެވެ. އެއީ، މާލެ ސިޓީ، ބ. އޭދަފުށި، ތ. ތިމަރަފުށި އަދި ބ. ތުޅާދޫ ހިމެނޭ ގްރޫޕަށެވެ. ތިމަރަފުށްޓާއި އޭދަފުށިން ވަނީ، އެފްއޭއެމް އިން ބޭއްވި މިނިވަން ޗެމްޕިއަންޝިޕްގެ ތަށި އުފުލާލައިފަ އެވެ.

ގްރޫޕް ސްޓޭޖަށް ބަލާއިރު، ގްރޫޕް އޭގައި ހިމެނެނީ، ފުވައްމުލައް ސިޓީ، ދ. ކުޑަހުވަދޫ، ގދ. ފަރެސްމާތޮޑާ، ދ. މީދޫ އަދި ހއ. ދިއްދޫ އެވެ. ގްރޫޕް ސީގައި ހިމެނެނީ، އައްޑޫ ސިޓީ، ޅ. ކުރެންދޫ، ކ. ހުރާ، އަދި ކ. ގުރައިދޫ އެވެ. ގްރޫޕް ތިނެއްގައި ހިމެނެނީ، ޅ. ކުރެންދޫ، ކ. މާފުށި، ބ. ކެންދޫ އަދި ރ. އަލިފުށި އެވެ.

ބައިވެރިވުމަށް ފަހު، މުބާރާތުން ވަކިވީ، ޅ. ހިންނަވަރު، ފ. ނިލަންދޫ، އއ. ތޮއްޑޫ، ހދ. ނޭކުރެންދޫ އަދި ގއ. ދެއްވަދޫ އެވެ.

މުބާާރާތް ކުރިއަށްދާ ގޮތަށް ބަލާއިރު، ގްރޫޕް ސްޓޭޖަށް ދެ ބުރުގައި ކުޅޭނެ އެވެ. އެ ގޮތުން، ގްރޫޕް ސްޓޭޖުގެ ފުރަތަަމަ ބުރުގައި، ފަސް ޓީމު ހިމެނޭ އޭ ގްރޫޕުން ކަޓާނީ ދެ ޓީމެކެވެ. ދެން މި އޮތް ހަތަރު ޓީމު ހިމެނޭ، ތިން ގްރޫޕުން ކަޓާނީ އެންމެ ފުލަށްދާ ޓީމު އެކަންޏެވެ. އެހެންކަމުން، ގްރޫޕް ސްޓޭޖުގެ ފުރަަަތަމަ ބުރުގައި ފަސް ޓީމެއް ކަޓާނެ އެވެ.

ގްރޫޕް ސްޓޭޖުގެ ދެ ވަނަ ބުރުގައި ހިމެނޭ 12 ޓީމު ބެހޭނީ، ތިން ޓީމުގެ ގްރޫޕް ގޮތަށް ހަތަރު ގްރޫޕަކަށެވެ. އެއީ، ކުއާޓާ ފައިނަލަށް ކޮންމެ ގްރޫޕަކުން ދެ ޓީމު ދަތުރުކުރާ ގޮތަށެވެ.

ސްޕޯޓްސް މިނިސްޓްރީއާ ގުޅިގެން ކުރިއަށްގެންދާ ގޯލްޑް ކަޕްގެ ހުރިހާ މެޗެއް ޓީވީއެމް އިން ދައްކާ ގޮތަށް ވަނީ ހަމަޖެހިފަ އެވެ.