ގުރޭޑު ނުވައެއްގައި ކިޔަވަމުންދާ ކުއްޖެއްގެ ސްކޫލް ދަބަސް ވަގަށް ނެގި ކަމުގެ ތުހުމަތުގައި މީހަކު ހޯދަން އާންމުންގެ އެހީއަށް އެދިއްޖެ އެވެ.

އަބްދުލްހަމީދު ނަމަކަށް ކިޔާ މީހަކު ތުހުމަތު ކުރެވޭ މީހާގެ ފޮޓޯއަކާއެކު ފޭސްބުކުގައި ކުރި ޕޯސްޓެއްގައި ބުނީ ވަގަށް ނަގާފައި ވަނީ ދަރިފުޅުގެ ޓެސްޓު ޕޭޕަރުތަކާއި ފޮތްތައް ހުރި ސްކޫލް ދަބަސް ކަމަށެވެ.

އަދި ޕޯސްޓުގައިވާ މީހާ އާ ބެހޭ އެއްވެސް މައުލޫމާތެއް އެނގޭ މީހަކު ނަމަ، ލަސްނުކޮށް 7776559 އަށް ގުޅައި ރިޕޯޓު ކުރުމަށް އަބްދުލްހަމީދު އެދިފައިވެ އެވެ.

އެ ޕޯސްޓުގައި އަބްދުލްހަމީދު ވަނީ އޭނާގެ ދަރިފުޅު ގެންގުޅޭ ކަހަލަ ދަބަހެއްގެ ފޮޓޯ ވެސް ހިމަނައިފަ އެެވެ.