އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދަށް މަރުގެ އިންޒާރު ދިން މައްސަލަ ފުލުހުން ތަހުގީގު ކުރަން ފަށައިފި އެވެ.

މީޑިއާތަކަށް ފުލުހުން ފޮނުވި މެސެޖެއްގައި ބުނީ މިނިސްޓަރު ޝަހީމަށް މަރުގެ އިންޒާރު ދިން މައްސަލަ އެ މުއައްސަސާއަށް ހުށަހެޅީ ސިޓީއަކުން ކަމަށެވެ.

ޝަހީމަށް މަރުގެ އިންޒާރު މީހަކު ކިންގް އޮފް ކިންގްސްގެ ނަމުގައި ސޯޝަލްމީޑިއާ ޕްލެޓްފޯމް، އެކްސްގައި ހިންގާ އެކައުންޓަކުންނެވެ.

އެ އެކައުންޓުން ކުރި ޕޯސްޓެއްގައި ބުނެފައި ވަނީ ރައީސް ޑރ. މުހައްމަދު މުއިއްޒުއަށް ވަފާތެރި އެއްވެސް މީހަކު މަގުމަތިން ފެންނަ ދުވަހަކީ އެމީހެއްގެ އެންމެ ފަހު ދުވަސް ކަމަށެވެ.

"ޝަހީމް ނަ*** .. އެކަނި މެގަޒިން [މަގެއްގެމަތިން] ނުފެންނާތި.. މުއިއްޒުގެ އެއްވެސް ޕަޕެޓެއް އެކަނި މަގަކުން ފެންނަ ދުވަހަކީ އެ މީހެއްގެ ފަހު ދުވަސް." އެ ޕޯސްޓުގައި ލިޔެފައިވެ އެވެ.