ހުޅުމާލެ ދެވަނަ ފިޔަވަހީގައި ކެރޭނެއް ފުރޮޅާލައިފި އެވެ.

ސޯޝަލް މީޑިއާގައި ދައުރުވަމުންދާ ވީޑިއޯތަކުން ފެންނަ ގޮތުން ކެރޭނު ފުރޮޅާލާފައިވަނީ ފޭސް ދޭއްގައި ހުންނަ ވިނަރެސް ފުލެޓުތައް ކައިރި އޮންނަ ހުސް ބިމަކަށެވެ.

މިކަމާ ގުޅިގެން ފުލުހުން ބުނީ މިފަދަ ހާދިސާއެއް ރިޕޯޓުކޮށްފައިވާ ކަމަށާއި ކެރޭނު ފުރޮޅާލައިގެން އެއްވެސް މީހަކަށް އަނިޔާވެފައި ނުވާ ކަމަށެވެ. މިއީ ކޮން ކުންފުންޏެއްގެ އަދި ކޮން މަސައްކަތެއް ކުރަމުންދިޔަ ކެރޭނެއްކަން ސާފެއް ނުވެ އެވެ.

ހުޅުމާލޭގައި މިއަދު ފުރޮޅާލި ކެރޭނަށް ވެފައިވާ ގެއްލުން ފެންނަ ފޮޓޯ ---

މި ނޫހަށް އެ ސަރަހައްދުން އާންމު ފޮނުވި ފޮޓޯތަކުން ފެންނަ ގޮތުގައި މި ހާދިސާގައި ކެރޭނަށް ވަނީ ގެއްލުންތަކެއް ވެފަ އެވެ. އެ ހާދިސާ ހިނގި ސަރަހައްދު ބަންދުކޮށް ފުލުހުން މިހާރު ދަނީ ހަރަކާތްތެރިވަމުންނެވެ.

މާލެ އަދި ހުޅުމާލޭގައި އެކި މަސައްކަތްތަކުގެ ތެރެއިން މަދުން ނަމަވެސް ކެރޭނު ފުރޮޅާލުމުގެ ހާދިސާތައް ހިނގާފައި އެބަހުއްޓެވެ. އޭގެތެރެއިން ބައެއް ހާދިސާތަކުގައި މީހުންނަށް އަނިޔާވެ އިމާރާތްތަކަށް ގެއްލުންވެފައިވާކަންވެސް ފާހަގަކޮށްލެވެ އެވެ.