ތައިލެންޑްގެ ބޮޑުވަޒީރަކަށް އެ ގައުމުގެ ކުރީގެ ބޮޑުވަޒީރު ތަކްސިން ޝިނަވާޓްރާގެ ދަރިކަނބަލުން ޕެޓޮންގްޓާން ޝިނަވާޓްރާ، 37 އައްޔަނުކުރަން ގާނޫނު ހަދާ މަޖިލީހުން ފާސްކޮށްފި އެވެ.

އެ މަގާމަށް ޕެޓޮންގްޓާން އައްޔަނުކުރަން ނިންމީ، އެ ގައުމުގެ ކުރީގެ ބޮޑުވަޒީރު ސްރެތާ ތަސްވިސިން މަގާމުން ވަކިކުރަން ކޮންސްޓިޓިއުޝަނަލް ކޯޓުން މިދިޔަ ބުދަ ދުވަހު ނިންމުމާ ގުޅިގެންނެވެ.

ގާނޫނު ހަދާ މަޖިލީހުން ތައިލެންޑްގެ އެންމެ ޒުވާން ބޮޑުވަޒީރު ޕެޓޮންގްޓާން އައްޔަން ކުރަން ފާސްކުރީ އެ ކަމަނާ ނިސްބަތްވާ ފެއު ތައި ޕާޓީއާއެކު ކޯލިޝަން ހަދާފައި ތިބި ޕާޓީތައް ގުޅިގެންނެވެ.

ތައިލެންޑްގެ ގާނޫނު ހަދާ މަޖިލީހުގައި ތިބެނީ ޖުމްލަ 493 މެންބަރުންނެވެ. އޭގެ ތެރެއިން ފެއު ތައިގެ 314 މެންބަރުން ތިބެ އެވެ.

ތައިލެންޑްގެ ފުރަތަމަ އިންތިހާބީ ބޮޑުވަޒީރު ތަސްކިން މަގާމާ ހަވާލުވެވަޑައިގަތީ 2001 ގަ އެވެ. ނަމަވެސް އެ ގައުމުގައި ހިނގި ބަގާވާތާ ގުޅިގެން 2006 ގައި މަގާމު ދޫކުރައްވާ ފިއްލެވި އެވެ.

އެއަށްފަހު ތަސްކިން އެނބުރި ތައިލެންޑަށް ވަޑައިގެންނެވީ މިދިޔަ އަހަރު އެވެ.