އޭޝިއަން ސާފިން ޗެމްޕިއަންޝިޕް މޯލްޑިވްސް 2024 ގެ ތިންވަނަ އެޑިޝަންގެ ޑިޖިޓަލް ޕާޓްނަރަކަށް ދިރާގާއެކު މިއަދު ސޮއިކޮށްފި އެވެ.

އޭޝިއަން ސާފިން ފެޑެރޭޝަން އާއި މޯލްޑިވްސް ސާފިން އެސޯސިއޭޝަން ގުޅިގެން ބާއްވާ މި މުބާރާތުގައި ރާއްޖޭގެ 15 ސާފަރުން ބައިވެރިވާނެ އެވެ.

"އޭޝިއަން ސާފިން ޗެމްޕިއަންޝިޕްގެ ދެ އެޑިޝަންގައި ޑިޖިޓަލް ޕާޓްނަރަކަށް ވުމަށް ފުރުސަތު ލިބުމަކީ ލިބުނު އުފަލެއް،" ދިރާގުގެ ޑިރެކްޓާ، ކަސްޓަމާ ސާވިސް މަސްއޫދު އަލީ ވިދާޅުވީ އެވެ.

މަސްއޫދު ވިދާޅުވީ މުބާރާތުގައި އެންމެން ކަނެކްޓްވެފައި ތިބުމަށް އެހީތެރިވާނެ ކަމަށެވެ. މި މުބާރާތް ބޭއްވުމަށް ހަމަޖެހިފައި ވަނީ އޯގަސްޓް، 17 އިން ފެށިގެން 24 ގެ ނިޔަލަށް ކ. ތުލުސްދޫގަ އެވެ.

ދިރާގުން އަންނަނީ މިފަދަ އެކި މުބާރާތްތަކުގެ ޑިޖިޓަލް ޕާޓްނަރެއްގެ ގޮތުގައި އެހީތެރިކަން ފޯރުކޮށްދެމުންނެވެ. އެގޮތުން އެ ކުންފުނިން އަންނަނީ ކުޅިވަރު އެތުލީޓުންނަށް ވެސް އެކި ގޮތްގޮތުން އެހީވަމުންނެވެ.