އިރާންގެ ރިޔާސީ އިންތިހާބު ދެވަނަ ބުރުން މަސްއޫދު ޕެޒެޝްކިއަން ކާމިޔާބުކޮށްފި އެވެ.

އެ އިންތިހާބުގެ ފުރަތަމަ ބުރުގައި ވޯޓުލާ އާބާދީގެ 40 ޕަސަންޓު މީހުން ވޯޓުލީއިރު، އެއްވެސް ކެންޑިޑޭޓަކަށް އިންތިހާބު ކާމިޔާބުކުރުމަށް ބޭނުންވާ 50 ޕަސަންޓަށްވުރެ ގިނަ ވޯޓު ލިބިފައެއް ނުވެ އެވެ.

އެ އިންތިހާބުގެ ދެވަނަ ބުރުގައި ވާދަކުރީ އެންމެ ގިނައިން ވޯޓު ހޯދި މަސްއޫދުގެ އިތުރުން ސައީދު ޖަލީލީ އެވެ.

ދެވަނަ ބުރުގައި މަސްއޫދު 16.3 މިލިއަން ވޯޓު ކާމިޔާބުކުރިއިރު، އޭނާއާ ވާދަކުރި ސައީދު ޖަލީލީއަށް ލިބުނީ 13.5 މިލިއަން ވޯޓެވެ.

އިރާނުގެ ކުރީގެ ރައީސް އިބްރާހިމް ރައިސީގެ ސަރުކާރުގައި ހެލްތު މިނިސްޓަރުކަން ފުރުއްވި މަސްއޫދު ވަނީ 2008 އިން ފެށިގެން ތަބްރޭޒްގެ މަޖިލިސް މެންބަރެކެވެ.

މީގެއިތުރުން އޭނާ ވަނީ 2016 އިން 2020 ގެ ނިޔަލަށް މަޖިލީހުގެ ނައިބްރައީސްކަން ވެސް ފުރުއްވާފަ އެވެ.

އިރާނުގެ ރިޔާސީ އިންތިހާބު ބާއްވާފައި ވަނީ މެއި މަހު ރައިސީ ދަތުރުކުރެއްވި ހެލިކަޕްޓަރު ވެއްޓި، އެމަނިކުފާނު އަވަހާރަވުމާ ގުޅިގެންނެވެ.