ތިންކް އަދި ޓޭސްޓް މޯލްޑިވްސްއިން އިންތިޒާމުކޮށްގެން ބާއްވާ މޯލްޑިވްސް ފުޑް ކާނިވަލް ހުޅުމާލޭގައި މިއަދު ފަށައިފި އެވެ.

އަންނަ އާދީއްތަ ދުވަހުގެ ނިޔަލަށް ހުޅުމާލެ ސެންޓްރަލް ޕާކުގައި ކުރިއަށް ގެންދާ ކާނިވަލުގައި ތަފާތު ކާބޯތަކެތީގެ އިތުރުން އަމިއްލަ އެކި އުފެއްދުންތަކުގެ 70 އަށްވުރެ ގިނަ ސްޓޯލްތައް ހިމެނެ އެވެ.

ކާނިވަލުގެ ތެރެއިން ލަކީޑްރޯގެ އިތުރުން ހަދިޔާތައް ވެސް ދޭން ވަނީ ހަމަޖެހިފަ އެވެ. ލަކީޑްރޯއިން ހޮވޭ ފަރާތަކަށް މުނިހޯމްކެއާގެ ފަރާތުން ބެޑްރޫމް ސެޓެއް ވަނީ ހުށަހަޅާފަ އެވެ.

މީގެ އިތުރުން ކާނިވަލުގައި ކުޑަކުދިންނަށް ހާއްސަ ފަން ޒޯންގައި އެކި ހަރަކާތްތައް ދަނީ ބާއްވަމުންނެވެ. އަދި އަންހެނުންނަށް ހާއްސަ ޒުމްބާ ސެޝަންތައް ވެސް ކުރިއަށްދާނެ އެވެ.

މިއީ ދިވެހި ހޯމް-ބޭސްޑް އަދި ކުދި ވިޔަފާރިތަކުގެ އިތުރުން މަޝްހޫރު ކާބޯތަކެތީގެ ވިޔަފާރިތަށް އެއްތަނަކަށް އައުމަށް ލިބިގެންދާ ފުރުސަތެކެވެ.

ކާނިވަލްގެ މެއިން ސްޕޮންސާއަކީ ބީއެޗްއެމް ޓްރޭޑާސް ޕަވާޑް ބައި ދިރާގެވެ. ޕްރިމިއަމް ޕާޓްނަރަކަށް އިވެންޓް މޯލްޑިވްސް އަދި ނޮވެލްޓީ ހިމެނޭއިރު، އިވެންޓް ޕާޓްނަރުންނަކީ ސްޓޯމް މޯލްޑިވްސް، އޯކޭޒިންކް އަދި ޕިއްޒާބޯނާ އެވެ.

މީގެ އިތުރުން ޕްރިންޓް ޕާޓްނަރަކަށް ޕްރިންޓް ވޯކްސް އާއި ބެވެރެޖް ޕާޓްނަރަކަށް ސްޕްރައިޓް މޯލްޑިވްސް ހިމެނޭއިރު، ކޭޓަރިން ޕާޓްނަރަކީ ބުރުޒު ކޭޓަރިން އެވެ. އަދި ގިވްއަވޭ ޕާޓްނަރަކަށް މުނިހޯމްކެއާ ހިމެނޭއިރު، މީޑިއާ ޕާޓްނަރަކީ "އަދަދު" ނޫހެވެ.

މިދިޔަ އަހަރު ވެސް މޯލްޑިވްސް ފުޑް ކާނިވަލް ވަނީ ހުޅުމާލެ ސެންޓްރަލް ޕާކުގައި ބާއްވާފަ އެވެ. އެފަހަރު ވެސް މި ހަރަކާތަށް ބޮޑު ތަރުހީބެއް ލިބުނެވެ.