އައްޑޫ ސިޓީ މަރަދޫގައި ހިންގި މާރާމާރީއެއްގައި ދެ މީހަކަށް އަނިޔާވެއްޖެ އެވެ.

ފުލުހުން ބުނީ މަރަދޫގައި މާރާމާރީއެއް ހިންގިކަމުގެ ރިޕޯޓު ރޭ 10:30 ހާއިރު ލިބިފައިވާ ކަމަށާއި މާރާމާރީގައި އަނިޔާވި ދެ މީހުންނަށް ފަރުވާ ދިނުމަށް ފަހު ދޫކޮށްލާފައިވާ ކަމަށެވެ.

މި މާރާމާރީއާ ގުޅިގެން މިހާތަނަށް މީހަކު ހައްޔަރު ކޮށްފައި ނުވާ ކަމަށާއި މައްސަލަ ތަހުގީގު ކުރަމުންދާ ކަމަށް ފުލުހުން ބުނެ އެވެ.

އައްޑޫ ސިޓީގައި މިދިޔަ އަހަރު ޑިސެމްބަރު މަހު ސިލްސިލާ މާރާމާރީތައް ވަނީ ހިންގައިފަ އެވެ. އެ މާރާމާރީތަކާއި ގުޅިގެން 11 މީހަކު ހައްޔަރު ކުރި އެވެ.

މީގެއިތުރުން 2022 ގައި އައްޑޫ ސިޓީ ފޭދޫގައި ހިންގި މާރާމާރީއެއްގައި 21 އަހަރުގެ ޒުވާނަކު މަރުވެފައިވެ އެވެ. ނަމަވެސް މައްސަލައާ ގުޅިގެން ވެސް ބައެއް މީހުން ހައްޔަރުކުރި އެވެ.