"ދިރާގު އީދު ބޮނޑިބަތް" ހަރަކާތް މި އަޟްހާ އީދުގައިވެސް ކުރިއަށްދާނެ ކަމަށް ދިރާގުން ބުނެފި އެވެ.

ދިރާގުން ބުނީ މުޖުތަމައުގެ ތެރޭގައި އީދުގެ އުފާވެރި ރޫހު އާލާކުރުމުގެ ގޮތުން މިދިޔަ އަހަރު ދިރާގުން ފެށި މި ހަރަކާތް މި އަހަރު ކުރިއަށް ދާނީ ހުޅުމާލެ، މާލެ އަދި ވިލިމާލޭގައި ކަމަށެވެ.

ދިރާގުން ހުޅުމާލޭގައި އީދު ބޮނޑިބަތް ހަރަކާތް ބާއްވުމަށް ހަމަޖެހިފައިވަނީ ހޮސްޓިން ޕާޓްނަރުގެ ގޮތުގައި ހުޅުމާލެ ޑިވެލޮޕްމެންޓް ކޯޕަރޭޝަން (އެޗްޑީސީ) އާ ގުޅިގެންނެވެ.

މާލެ އާއި ވިލިމާލޭގައި އީދު ބޮނޑިބަތް ކުރިއަށްދާނީ މާލެ ސިޓީ ކައުންސިލާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީ (ޑަބްލިއުޑީސީ) އާ ގުޅިގެންނެވެ. އަދި މިއީ ދިރާގު އީދު ބޮނޑިބަތް ވިލިމާލޭގައި ބާއްވާ ފުރަތަމަ ފަހަރެވެ.

ދިރާގުގެ މެނޭޖާ ޕަބްލިކް ރިލޭޝަންސް، ޖައިޝަން ހަމީދު ވިދާޅުވީ ސަގާފީ އާދަކާދަތަކާއި މުޖުތަމައުގެ އެންމެން ޝާމިލްވާ ގޮތަށް މިފަދަ ހަރަކާތްތައް ކުރިއަށްގެންދިޔުމަކީ ދިރާގުން އިސްކަންދޭ ކަމެއް ކަމަށެވެ.

"ދިރާގު އީދު ބޮނޑިބަތާ އެކު މާލެ ސަރަހައްދުގައި އަޟްހާ އީދުގެ ހަރަކާތްތައް ފަށާ، މި އުފާވެރި ދުވަހުގައި ތިޔަ ހުރިހާ ބޭފުޅުންނާ ހިއްސާކުރުމަކީ އަޅުގަނޑުމެންނަށް ލިބޭ ވަރަށް ބޮޑު އުފަލެއް،" ޖައިޝަން ހަމީދު ބުންޏެވެ.

ދިރާގު އީދު ބޮނޑިބަތް ކުރިއަށް ދާނީ މާދަމާ އީދު ނަމާދަށް ފަހު ހެނދުނު 7:30 ގައި:

• މާފަންނު ސްޓޭޑިއަމް، މާލެ

• ފުޓުބޯޅަ ދަނޑު، މާލެ

• ސިންތެޓިކް ޓްރެކް، ހުޅުމާލެ ފޭސް 1