Advertisement

ފަތުރުވެރިޔަކު ތުލުސްދޫއަށް ކުއްތާއެއް އެރުވުމުން ފުލުހުންނަށް އަންގައިގެން ބޭރުކޮށްފި

ފަތުރުވެރިޔަކު ތުލުސްދޫއަށް ކުއްތާއެއް އަރުވަނީ --


ފަތުރުވެރިޔަކު ތުލުސްދޫއަށް ކުއްތާއެއް އެރުވުމުން ފުލުހުންނަށް އަންގައިގެން ބޭރުކޮށްފި

ފަތުރުވެރިޔަކު ކ. ތުލުސްދޫއަށް ކުއްތާއެއް އެރުވުމުން ރަށު ކައުންސިލުން ފުލުހުންނަށް އަންގައިގެން އެ ކުއްތާ ރަށުން ބޭރުކޮށްފި އެވެ.

ފުލުހުން ބުނީ އެ ކުއްތާއަކީ ކ. ހިންމަފުށީ ބޭރުގައި އޮތް ޔޮޓެއްގައި ފަތުރުވެރިންތަކެއް ގެންގުޅުނު ކުއްތާއެއް ކަމަށެވެ. އަދި އެ ކުއްތާ ތުލުސްދޫއަށް ބޭލިކަމުގެ މައުލޫމާތު ލިބުމުން ފުލުހުން ހަރަކާތްތެރިވެ، ކުއްތާ އަނބުރާ ޔޮޓަށް ގެންގޮސްފައިވާ ކަމަށް ފުލުހުން ބުނެ އެވެ.

އެ ކުއްތާ ގޮވައިގެން ފަތުރުވެރިޔާ ތުލުސްދޫއަށް ފައިބާ މަންޒަރުގެ ވީޑިއޯއެއް އަންނަނީ ސޯޝަލްމީޑިއާގައި ދައުރުވަމުންނެވެ.

އެ ކުއްތާ ތުލުސްދޫއަށް އެތެރެކޮށްފައިވަނީ ހުއްދަ ނުހޯދައި ކަމަށާއި، އެއީ މަނާކަމެއް ކަމަށް އެ ރަށު ކައުންސިލުގެ ނައިބު ރައީސް މުހައްމަދު ޝަހީމް "އަދަދު" އަށް މައުލޫމާތު ދެއްވަމުން ވިދާޅުވި އެވެ.

"އަޅުގަނޑުމެންނަށް ވެސް އިނގުނީ ވީޑިއޯ ފެނުނީމަ. ހުއްދަ ހޯދައިގެނެއް ނޫން އޭތި އެރުވީ. މިހާރު ވަނީ ފުލުހުންނާ ގުޅިގެން ރަށުން ބޭރުކުރެވިފަ،" ޝަހީމް ވިދާޅުވި އެވެ.

އެ ކުއްތާއަކީ ހުއްދަ ލިބިގެން ރާއްޖެއަށް އެތެރެކޮށްފައިވާ ކުއްތާއެއް ކަމަށް ފުލުހުން މައުލާމާތުދެ އެވެ.